InfoHub Logo

بالالار مەن جۇمىس جاساۋ - ۇلكەن باقىت. بالالار ەلىمىزدىڭ بولاشاعى. ومىردە بالانىڭ بالداي ءتاتتى كۇلكىسىنەن، قۋانىش شاتتىعىنان اسقان باقىت جوق. سوعان وراي قازىرگى تاڭدا حالىقارالىق قاتىناستاردىڭ كۇشەيۋىنە بايلانىستى قوعام تاراپىنان اعىلشىن ءتىلىن ەرتە جاستان وقىتۋعا دەگەن قىزىعۋشىلىق ارتا ءتۇستى. مەكتەپكە دەيىنگى جاس اعىلشىن ءتىلىن وقىتۋعا وتە قولايلى كەزەڭ، سەبەبى بۇل جاستاعى بالالار تىلدىك قۇبىلىستى قابىلداۋ قابىلەتتىلىگىمەن ەرەكشەلەنەدى. ولار بەرىلگەن شاعىن ماتەريالدى لەزدە مەڭگەرىپ الىپ، ونى تەز جاقسى كەرى ايتىپ بەرە الادى. مەكتەپكە دەيىنگى جاستاعى بالالارعا اعىلشىن ءتىلىن ۇيرەتۋ بارىسىندا ويىن ارقىلى ولاردىڭ قىزىعۋشىلىقتارىن وياتا وتىرىپ، اۋىزشا سويلەۋدىڭ العاشقى داعدىلارىن قالىپتاستىرامىز. سونداي - اق ويىن ارقىلى بالالار وڭاي قارىم - قاتىناسقا ءتۇسىپ، ويلارىن ايتا الادى. وقىتۋ ءادىسىنىڭ تاعى ءبىر باستى ەرەكشەلىگىنە سۇراق - جاۋاپ ءادىسى قولدانىلادى، سەبەبى ديالوگ بالالاردى قاراپايىم اۋىزشا سويلەۋگە ۇيرەتىپ قانا قويماي، سونىمەن قاتار، تىڭداي وتىرىپ ۇعىنۋىنا جانە ءوز ويىن جەتكىزە بىلۋگە ۇيرەتەدى. بالالاردى العاشقى وقىتۋ ساتىسىندا ءسوزدى جاتتاۋ، تىلدىك ۇلگىدەگى ۇعىمدى ءتۇسىندىرۋ، ولەڭ جانە ت. ب قولدانىلادى. ەرتە كەزدەن ءتىلدى مەڭگەرتۋ بولاشاقتا ءتىلدى تەز يگەرۋگە كومەكتەسەدى. بالاباقشاداعى بالالارعا اعىلشىن تىلىندە جاڭا سوزدەردى ۇيرەتكەن كەزدە اشىق، ءتۇرلى - ءتۇستى كورنەكىلىك تاپتىرماس كومەكشى بولادى. بالا ءبىر سۋرەتتى قايتالاپ كورە بەرۋدەن جالىعادى، سوندىقتان كورنەكىلىكتەردى تەز اۋىستىرىپ تۇرۋدىڭ دا ماڭىزى زور. «№29 بالداۋرەن» بوبەكجاي بالاباقشاسىندا بۇلدىرشىندەرىمىز ءۇش ءتىلدى مەڭگەرۋدە. بالالار الەمىنە كوز جۇگىرتسەك، ەشقاشان ماماندىعىمدى وزگەرتكىم كەلمەيدى. سەبەبى بالا پاك، بالا تاپ - تازا ءمولدىر بۇلاقتىڭ باستاۋى سياقتى. سوندىقتان بالا جۇرەگىنە جىلىلىق ۇيالاتىپ، قابىلەتى مەن دارىنىڭ اشۋ ءار ۇستازدىڭ الدىنا قويىلعان ەڭ باستى مىندەتى دەپ تۇسىنەمىن.

ساتبايەۆ قالاسى
№29 «بالداۋرەن» بوبەكجاي بالاباقشاسى كمقك
اعىلشىن ءپان ءمۇعالىمى ۋتەپبايەۆا گۋلدانا وميرگالييەۆنا