بالاباقشادا قاۋىپسىزدىك تەحنيكاسىن ساقتاۋ جۇمىستارى تالقىلاندى
ق ر ءبىلىم جانە عىلىم مينيسترلىگىندە استانا قالاسى مەكتەپتەرىنىڭ باسشىلارىنىڭ جانە مەكتەپكە دەيىنگى ۇيىمدارىنىڭ باسشىلارى، ق ر ۇلتتىق ەكونوميكا مينيسترلىگىنىڭ، بالالاردىڭ قۇقىقتارىن قورعاۋ كوميتەتىنىڭ، وڭىرلەردەگى قالالىق جانە اۋداندىق ءبىلىم بولىمدەرىنىڭ وكىلدەرىنىڭ قاتىسۋىمەن مەكتەپكە دەيىنگى ۇيىمداردىڭ ۇلگى شتاتتارىنا وزگەرىستەر مەن تولىقتىرۋلار ەنگىزۋ ماسەلەلەرى تالقىلاندى، دەپ حابارلايدى BAQ.kz ءتىلشىسى.
تالقىلاۋ بارىسىندا اتا-انالار قاۋىمداستىعىنىڭ بالالاردى كوركەم-ەستەتيكالىق، شىعارماشىلىق دامىتۋ، كومپيۋتەرلەندىرۋ پروسەستەرىن، مەكتەپكە دەيىنگى ۇيىم مەن اتا-انالاردىڭ جۇمىس كەستەسىن ەسكەرە وتىرىپ، قاۋىپسىزدىك تەحنيكاسىن ساقتاۋ جۇمىستارىن قامتاماسىز ەتۋ بويىنشا سۇرانىستارى ەسكەرىلدى. وسى ماقساتتا ۇلگى شتاتتارىنا كەلەسى مامانداردى ەنگىزۋ ۇسىنىلدى (مەكتەپكە دەيىنگى ۇيىمدارداعى توپتار سانىنا بايلانىستى):
- پەدياتر دارىگەر؛
- لوگوپەد؛
- حورەوگراف؛
- كومپيۋتەرلىك جانە ۇيىمداستىرۋشىلىق تەحنيكاعا قىزمەت كورسەتۋشى مامان؛
- كەزەكشى توپتىڭ تاربيەشىسى جانە تاربيەشىنىڭ كومەكشىسى؛
- ءىس جۇرگىزۋشى (ارحيۆاريۋس)؛
- تىگىنشى؛
- قاۋپسىزدىك تەحنيكاسىنىڭ ينجەنەرى؛
- مەكتەپكە دەيىنگى ۇيىمنىڭ قارجى-شارۋاشىلىق قىزمەتىنە باقىلاۋدى كۇشەيتۋ جانە ونى ساپالى ورىنداۋ ماقساتىندا بۋحگالتەر لاۋازىمىن باس بۋحگالتەرگە اۋىستىرۋ ۇسىنىلدى.
مەكتەپكە دەيىنگى تاربيە مەن وقىتۋ جۇيەسىنىڭ نورماتيۆتىك قۇقىقتىق قۇجاتتارى، سونىڭ ىشىندە مەكتەپكە دەيىنگى تاربيە جانە وقىتۋ ۇيىمدارى قىزمەتكەرلەرىنىڭ ۇلگى شتاتتارىنا وزگەرىستەر مەن تولىقتىرۋلار ەنگىزۋدى ەلىمىزدە ءبىلىم بەرۋ مازمۇنىنىڭ جاڭارتىلۋىنا بايلانىستى قاجەت ەتەدى.
You Might Also Like
-
اسىل اجەم، عاسىر اجەم اڭساعان ساعىنىشىم – سارى ورمانداي سامساعان. اكە بولىپ جۇرگەنىمدى ۇمىتىپ، ءالى كۇنگە ەركەلەيمىن مەن ساعان.
-
ق ر تاۋەلسىزدىگىنىڭ 25 جىلدىعىن مەرەكەلەۋ اياسىندا تولەگەن ايبەرگەنوۆ اتىنداعى №16 ورتا مەكتەپتە «ەڭ ۇزدىك سىنىپ جەتەكشىسى» جالپى مەكتەپىشىلىك كونكۋرسى ءوتتى. بايقاۋدا 11 سىنىپ جەتەكشىسى ب...
