InfoHub Logo

1. وتباسىلىق بيۋدجەتىڭىزدى بالاڭىزدان جاسىرماڭىز. بالاعا اقشا تۋرالى 3-4 جاستان باستاپ ايتا باستاعان ءجون. ءبىراق ونى بالانىڭ ءوز تىلىندە ءتۇسىندىرۋ كەرەك. مىسالى، شىعىندارىڭىزدى ءتۇرلى تۇستەرگە ءبولىڭىز. كوك — كوممۋنالدى تولەمدەرگە، سارى — ازىق-تۇلىككە، جاسىل — ويىنشىققا دەگەن سياقتى. بالا دۇكەنگە بارعاندا جاڭا ويىنشىق الىپ بەرۋىن سۇراسا، اقشا تەك سارى قوراپتا قالعانىن، ال جاسىل قوراپتا كەلەسى ايدا عانا اقشا بولاتىنىن وڭاي تۇسىندىرە الاسىز. سونىمەن بىرگە بالاعا جاسىل قوراپتاعى اقشاعا تيىسپەي، ۇستىنە تاعى دا اقشا قوسىپ جينايتىن بولسا، ۇلكەن جانە كوپ ويىنشىق ساتىپ الاتىنىن ءتۇسىندىرىڭىز.

2. بالاعا قالاعانىن بىردەن الىپ بەرمەۋ كەرەك. بۇل بالاعا ەشتەڭە الىپ بەرمەڭىز دەگەن ءسوز ەمەس. بالاڭىز وزىنە قاتتى ۇناعان زاتىن الىپ بەرۋىن وتىنسە، قالاعانىن الىپ بەرۋدەن باس تارتپاڭىز. تەك الدىمەن بالاڭىزدان العىسى كەلگەن دۇنيەلەرىن تىزىمگە ەنگىزۋىن سۇراڭىز. قالاعان زاتىنىڭ سۋرەتىن سالىپ نەمەسە جازىپ، توڭازىتقىشتىڭ سىرتىنا ءىلىپ قويىڭىزدار. اي سوڭىندا تىزىمگە قاراپ ءبىر ويىنشىقتى تاڭداتساڭىز بولادى. ياعني بالاڭىز ساۋدانى ويلانىپ جاساۋعا ۇيرەنەدى جانە جارنامانىڭ ارباۋىنا تۇسپەۋگە بەيىمدەلەدى.

3. بالاڭىزدىڭ قالتاسىنا اقشا سالىپ قويۋ كەرەك. بالاڭىزدىڭ قالتاسىندا 300 تەڭگە بار دەلىك. ال بۇل اقشاعا كىشكەنتاي ويىنشىق ساتىپ الا الاتىنىن ايتىڭىز. ەگەر تاعى ءسال كۇتسە ۇستىنە اقشا قوسىپ، ودان ۇلكەنىرەك ويىنشىق ساتىپ الۋىنا كومەكتەسەتىنىڭىزدى ءتۇسىندىرىڭىز. سوندا بالاڭىز قالتاسىنداعى اقشاسىن تەككە قۇرتپاي، ساتىپ العىسى كەلەتىن نارسەسىن الدىن الا جوسپارلاۋدى ۇيرەنەدى.

4. قاجەتتى زاتتاردى ماڭىزدىلىعىنا قاراي ءبولۋدى ۇيرەتىڭىز. بالالار بۇگىن ءبىر نارسەنى قالاسا، ەرتەڭ باسقا زاتتى العىسى كەلەدى. ەگەر العىسى كەلەتىن زات قىمباتتاۋ بولسا، ۇساق اقشا جينايتىن ءۇي كاسساسىنا (كوپيلكا) بىرىگىپ اقشا جيناۋدى ۇسىنىڭىز.

5. جاقسى وقىعانى ءۇشىن اقشا بەرمەڭىز. جاقسى باعا الساڭ 100 تەڭگە بەرەم دەپ ۇيرەتپەڭىز. بۇل ءتاسىل وقۋدى اقشا تابۋ كوزىنە اينالدىرىپ جىبەرۋى مۇمكىن.

وقۋعا كەڭەس بەرەمىز:

اقشا جاسىرۋدىڭ قىزىقتى ءارى ەرەكشە 9 ءادىسى

ياپ ارالىنىڭ قۇپيالى تاس تەڭگەسى

Cاۋالناما: باقىتتى بولۋ ءۇشىن قانشا اقشا كەرەك

جالعان اقشانى انىقتاۋدىڭ 10 قۇپياسى

جەكە قارجىنى باسقارۋ جايىنداعى ۇزدىك بەس كىتاپ

---