بالالار وي تولعايدى
№180 جالپى ءبىلىم بەرەتىن مەكتەپتىڭ باستاۋىش سىنىپ وقۋشىلارى وتە دارىندى، شىعارماشىل، ەلگەزەك. كۇندەلىكتى كوز الدىمىزدا ءوز ونەرىمەن ءتانتى ەتىپ جۇرگەن بالالاردىڭ شىعارماشىلىعىمەن تانىس بولىڭىزدار. "بالا ءتىلى-بال" دەمەكشى، بالانىڭ ويىندا بالالىقتىڭ، تاتتىلىكتىڭ ءدامى سەزىلەدى. 2 "ب" سىنىپ جەتەكشىسى باقتى بەيبىتحان ورەندەرگە تالىم-تاربيەمەن قوسا، انالىق ماحابباتىن دا ارناعان جان.
2 "ب" سىنىبىنىڭ وقۋشىلارى ءتۇرلى تاقىرىپتا جازعان ەسسە-شىعارمالارىن نازارلارىڭىزعا ۇسىنادى.
تاۋەلسىزدىكتىڭ قاسيەتتى بەلگىلەرى.
تاۋەلسىزدىكتىڭ قاسيەتتى بەلگىلەرىنە ۇلتتىق رامىزدەر جاتادى. ولار تۋ، ەلتاڭبا جانە گيمن. 4 ماۋسىم – مەملەكەتتىك رامىزدەر كۇنى بولىپ بەكىتىلدى. قازاقستان مەملەكەتىن الەمگە تانىتاتىن بىردەن-بىر قۇرال – مەملەكەتتىك رامىزدەر. ەل بولاشاعى جاستارىمىزدىڭ بويىنا وسى ەلدىك بەلگىلەرگە دەگەن قۇرمەت پەن سۇيىسپەنشىلىكتى ءسىڭىرۋ – بارشامىزدىڭ الدىمىزدا تۇرعان زور مىندەت. ەلباسى ن.نازاربايەۆ: «ءبىز تاۋەلسىزدىككە اڭساپ جەتتىك. ەندى تاۋەلسىزدىكتىڭ قاسيەتتى بەلگىلەرىن دە ەرەكشە قادىرلەۋىمىز، قاستەرلەۋىمىز قاجەت. ءاربىر ازامات قازاقستاننىڭ تۋىن، ەلتاڭباسىن، گيمنىن تۇمارداي قاسيەت تۇتۋى قاجەت. ەلدىگىمىزدىڭ سىنالاتىن ءبىر تۇسى وسى»، – دەگەنىن ەستەن شىعارماۋىمىز كەرەك.
دجۋماگاي يسلام. 2 «ب» سىنىپ وقۋشىسى
مەنىڭ ۇستازىم
مەنىڭ ۇستازىم بەيبىت اپاي. بەيبىت اپاي ماگان قاتتى ۇنايدى. ول بىزگە ادەپتىلىكتى، جاقسىلىقتى، ۇقىپتىلىقتى ۇيرەتۋگە ەش جالىققان ەمەس. مەن دە اپايىمدى سىيلاپ، قۇرمەتتەپ، العىسىمدى ايتۋدان ەشقاشان جالىقپايمىن! ءسىزدىڭ ءبىز ءۇشىن ۇلكەن جۇمىس ىستەگەنىڭىز ءۇشىن كوپ راحمەت بەيبىت اپاي!!!
مەدەت دايانا 2 «ب» سىنىپ وقۋشىسى
التىن ۇيا مەكتەبىم
مەنىڭ مەكتەبىم سايالى ىقشام اۋدانىندا ورنالاسقان. ول جاڭا، ءارى ۇلكەن عيمارات. ءوز باسىم مەكتەبىمدى ماقتان تۇتامىن. سەبەبى مەنىڭ مەكتەبىمدى ەلباسىمىز ن.ءا.نازاربايەۆتىڭ ءوزى كەلىپ اشقان دەپ ەستىدىم. ونىڭ ءار تالى، ءار كابينەتى، ءبارى –ءبارى ماعان ىستىق. مەكتەبىمنىڭ جۇرەگى العاشقى ۇستازىمدى ەرەكشە جاقسى كورەمىن. كۇندەلىكتى بەرگەن ءبىلىمى مەن ءۇشىن وتە قىمبات.
مەكتەبىمنىڭ اشىلعانىنا قاڭتار ايىندا 6 جىل بولادى ەكەن. از ۋاقىتتىڭ ىشىندە مەكتەبىمنىڭ جەتىستىكتەرى وتە كوپ ەكەن. وعان ۇلكەن دالىزدە تۇرعان ماقتاۋ قاعازدارى، كۋبوكتار، وزات وقۋشىلاردىڭ سۋرەتتەرى دالەل بولا الادى. بولاشاقتا مەن دە وسى ماراپاتتارعا ءوز ۇلەسىمدى قوسسام دەيمىن. مەكتەبىمنىڭ اتىن شىعارۋ ءۇشىن تالاي جارىستارعا قاتىسسام دەيمىن.
ولجاس قىزى ايىم 2 «ب» سىنىپ وقۋشىسى
ن.ءا. نازاربايەۆ- قازاقستان رەسپۋبليكاسىنىڭ نەگىزىن قالاۋشى تاريحي تۇلعا.
تاۋەلسىزدىگىمىزدى الىپ، ەگەمەندىگىمىزدى بەكىتكەننەن كەيىنگى ەلىمىزدىڭ دامۋى،ونىڭ الەم الدىنداعى بەدەلىنىڭ ءوسۋى ەلباسى باستاعان قازاق حالقىنىڭ قاجىرلى ەڭبەگى ەكەنى بارشامىزعا ايان. عاسىرلارعا سوزىلعان مەملەكەتتىلىكتىڭ دامۋ ەۆوليۋسياسىندا ەڭ ەرەكشە زاڭدى فاكت، ول ەلباسىنىڭ قازاقستاندى حالىقارالىق قۇقىقتىڭ سۋبەكتىسى رەتىندە دۇنيە جۇزىنە تانىتۋى. ارينە تاۋەلسىزدىگىن قايتا جاڭعىرتقان قازاق مەملەكەتتىلىگىنىڭ قالىپتاسۋىنىڭ العىشارتتارى دا تەرەڭدە جاتىر. 1991 جىلى 1 جەلتوقساندا ەلىمىزدە تىكەلەي پرەزيدەنتتىك سايلاۋ بولىپ ونىڭ قورتىندىسى بويىنشا حالىق ءبىراۋىزدان ن.ءا. نازاربايەۆتى پرەزيدەنتىككە لايىقتى ادام دەپ تانىدى. ن.ءا. نازاربايەۆ حالقىنا انتىن بەردى. وسى كۇننەن باستاپ تاريحتا جاڭادان پايدا بولعان قازاقستان رەسپۋبليكاسىنىڭ دامۋ كەزەڭى باستالدى.
ءبىز – بىرلىگى جاراسقان قازاقستان حالقى ەلباسىمىز ن.ءا. نازاربايەۆتىڭ ستراتەگيالىق جوسپارلارى ىسكە اساتىندىعىنا حاق سەنەمىز.
ەرمەك اياۋلىم 2ب-سىنىپ وقۋشىسى
ن.ءا. نازاربايەۆ -قازاقستان رەسپۋبليكاسىنىڭ نەگىزىن قالاۋشى تاريحي تۇلعا.
1991 جىلدىڭ 1-جەلتوقسان كۇنى ەلىمىزدە پرەزيدەنتتىككە ن.ءا. نازاربايەۆتى لايىقتى ادام دەپ تانىدى. 1990 جىلداردىڭ باسىندا ساياسي-ەكونوميكالىق جۇيەسىنىڭ كەشەندى داعدارىسقا ۇشىراۋى كەزەڭىندە، ەل تىزگىنىن ۇستاعان ن.ءا. نازاربايەۆ ءوزىنىڭ كورەگەن ساياساتكەر، ەلىن ەلدىككە باستاعان اسا دارىندى رەفورماتور،ەلىن شىن سۇيەتىن تاريحي تۇلعا ەكەندىگىن كورسەتە ءبىلدى. سەمەي يادرولىق سىناق الاڭى جابىلدى. ەلدىڭ جاڭا ەلورداسى - استانا زاماناۋي قالا رەتىندە دۇنيەجۇزىلىك فورۋمدار وتكىزۋ ورتالىعىنا اينالدى، ول ارقىلى قازاقستان دۇنيەجۇزىنە تانىلدى. بولاشاعىمنىڭ جارقىن بولاتىنىنا سەنىمدىمىن!!!
بەكمۋحامبەتوۆ بەكجان 2 "ب" سىنىپ وقۋشىسى
مەنىڭ مەكتەبىم
مەن № 180ء-شى مەكتەپتە وقيمىن. مەكتەپتە بالالار تالىم-تاربيە، ءبىلىم الادى. مەن دە 6 جاسىمدا مەكتەپكە كەلدىم. العاش مەكتەپ تابالدىرىعىن اتتاپ-اق دوستارىم كوبەيدى. مەنىڭ مەكتەبىم ءۇش قاباتتى، اسەم عيمارات. مەكتەبىمىزدە سىنىپتار كوپ جانە سپورت زالى، سالتانات زالى، كىتاپحانا بار. ءبىزدىڭ مەكتەپتە ءۇش مىڭعا جۋىق بالا وقيمىز.
«مەكتەپ كەمە، ءبىلىم تەڭىز» - دەگەندەي ءبىز مەكتەبىمىزدەن كوپتەگەن نارسەلەردى ۇيرەنىپ، جەتىستىكتەرگە جەتەمىز، دەگەن ۇمىتپەن، ارمانمەن ءوسىپ كەلەمىز.
مەن مەكتەبىمدى ۇناتامىن. وسى مەكتەپتە وقىعانىمدى ماقتان ەتەمىن!
ايدارحان ءنۇرالي نۇرجان ۇلى 2 «ب» سىنىبىنىڭ وقۋشىسى
"ۇستاز بولۋ جۇرەكتىڭ باتىلدىعى، ۇستاز بولۋ جۇرەكتىڭ اقىندىعى"
ۇستاز دەگەنىمىز- قاسيەتتى ۇعىم.ۇستاز ول ءبىزدىڭ ەكىنشى انامىز،اقىلشىمىز.بىزگە ءبىلىمىن بەرىپ،تارتىپكە باۋليدى.ومىرىمىزدەگى ماڭىزى زور اياۋلى جان.تاربيەلەۋدەگى ۇلەسى تاماشا ۇستاز.ۇستازىمىز ءارقاشاندا ۇقىپتى، ادەمى كيىنەدى.بىزگە دەگەن مەيىرىمى شەكسىز...ءبىز ونىڭ ءار التىن ءسوزىن تىڭداپ قۇرمەتتەيمىز. مەن وسكەندە باقتى بەيبىتحان اپايىم سەكىلدى ۇلاعاتتى ۇستاز بولامىن! !!اپاي،ەڭبەگىڭىز جانا بەرسىن!
تىلەۋباي جانەركە 2 "ب" سىنىپ وقۋشىسى
You Might Also Like
-
«رۋحاني جاڭعىرۋ» باعدارلاماسى كەرەك ۋاقىتىندا ۇسىنىلدى. كازىرگى ءبىزدىڭ تاريحي دامۋ كەزىندە بۇرىن-سوڭدى بولماعانداي ءوزىمىزدىڭ تاريحىمىزدى ءبىلۋىمىز قاجەت. اسىرەسە قازىرگى ز...
-
سەمەي قالاسى "التىن بالا" شاعىن ورتالىعىنىڭ تاربيەلەنۋشىسى مەير راسۋل جەتەكشىسى: سىزدىكوۆا لاۋلا سوۆەتبەكوۆنا
