Photo: Daniel Frank (https://www.pexels.com/@fr3nks) / Pexels
بالالاردى شەتەلگە ەمدەتۋگە جىبەرۋ ەكى ەسە قىسقارادى — مينيسترلىكتىڭ جاڭا جوسپارى
قازاقستاندا بالالاردى شەتەلگە ەمدەتۋگە جىبەرۋ كورسەتكىشى ەكى ەسەگە قىسقارادى. بۇل شەشىم زاماناۋي مەديسينالىق تەحنولوگيالاردى ەنگىزۋ ارقىلى جۇزەگە اسپاق.
بۇل تۋرالى Infohub.kz اقپارات اگەنتتىگى حابارلايدى.
ۇكىمەت وتىرىسىندا دەنساۋلىق ساقتاۋ ءمينيسترى اقمارال ءالنازاروۆا مالىمدەدى. سوڭعى ءۇش جىلدا-اق ناتيجە بايقالعان: باعانالى جاسۋشا ترانسپلانتاسياسى ءۇشىن وزگە ەلدەرگە جۇگىنۋ 3 ەسەگە، ال كارديوحيرۋرگيالىق كومەككە جولداما بەرۋ 5،2 ەسەگە ازايعان.
جاڭا تەحنولوگيالار مەن مۇمكىندىكتەر
مينيسترلىك مالىمەتىنشە، ەلىمىزدە جىل سايىن 2 مىڭنان استام بالاعا جۇرەككە كۇردەلى وپەراسيا جاسالادى. بۇل — جوعارى تەحنولوگيالى كومەكتىڭ قازاقستاندا قولجەتىمدى بولا باستاعانىن كورسەتەدى.
بيىل مەديسينا سالاسىن دامىتۋدىڭ باسىم باعىتتارى رەتىندە يودتەراپيا، پروتوندىق تەراپيا جانە تامىرلى اقاۋلاردى جويۋ ادىستەرىن وتاندىق كلينيكالاردا تولىق قولجەتىمدى ەتۋ جوسپارلانىپ وتىر. سونىمەن بىرگە اۋرۋحانالاردا گيبريدتى وپەراسيالىق بولمەلەر اشىلىپ، جاڭا تەحنولوگيالار ەنگىزىلۋدە.
سونداي-اق «گامما-پىشاق» اپپاراتى ارقىلى كۇردەلى راديوحيرۋرگيالىق وپەراسيالار دا ءساتتى ورىندالىپ جاتقانى ايتىلدى. ءمينيستردىڭ پىكىرىنشە، وسى كەشەندى قادامدار بالالاردىڭ شەتەلدە ەمدەلۋ قاجەتتىلىگىن ايتارلىقتاي ازايتىپ، ساپالى مەديسينانىڭ ەل ىشىندە قولجەتىمدى بولۋىنا جول اشادى.
-
قازاقستاننىڭ ىشكى ىستەر مينيسترلىگى زاڭسىز ميگراسيامەن اينالىسقان قىلمىستىق توپتاردى ۇستاۋ ماقساتىندا اۋقىمدى ارنايى وپەراسيا وتكىزدى.
-
استاناداعى سارايشىك كوشەسىندەگى كوپىردە ءىرى جول اپاتى بولىپ، ەكى ادام قازا تاپتى.
