Photo: Lars Bugge Aarset (https://www.pexels.com/@lars-bugge-aarset-133603784) / Pexels
«بالالارىم، ايەلىم بار...»: ديماش قۇدايبەرگەننىڭ جەكە ءومىرى تۋرالى جاۋابى جۇرتتى تاڭعالدىردى
الەمگە تانىمال قازاقستاندىق ءانشى ديماش قۇدايبەرگەن جەكە ءومىرى تۋرالى قاۋەسەتتەرگە توسقاۋىل قويدى. Instagram جەلىسىندەگى تىكەلەي ەفيردە ءانشى ءوزى تۋرالى ايتىلىپ جۇرگەن ءارتۇرلى اڭگىمەلەرگە قاتىستى شىندىقتى ايتتى.
بۇل تۋرالى Infohub.kz اقپارات اگەنتتىگى حابارلايدى.
دوسى ءارى ارىپتەسى راسۋل ۋسمانوۆپەن بىرگە وتكىزگەن ونلاين كەزدەسۋ بارىسىندا ديماشقا وقىرمانداردان جەكە ومىرىنە قاتىستى سۇراقتار كەلىپ تۇسكەن. سونىڭ بىرىندە ونىڭ «قىزى» تۋرالى سۇراق قويىلعاندا، ءانشىنىڭ جاۋابى كوپشىلىكتى كۇلكىگە قارىق قىلدى.
ديماش: «قىزىم بار ەكەنىن بىلسەم، ءوزىم دە سۇرايمىن»
ءانشى بۇل سۇراققا ازىلمەن جاۋاپ بەرىپ، «قىزىمنىڭ اتىن قالاي قويعانىمدى سۇراپ تۇرسىز با؟ ەگەر مەنىڭ قىزىمدى بىلسەڭىزدەر، ماعان دا ايتىپ جىبەرىڭىزدەرشى، وزىمە دە قىزىق، ونىڭ قايدان پايدا بولعانى»، – دەدى.
ديماش ءوزى تۋرالى ءتۇرلى قاۋەسەتتەردىڭ ءجيى ايتىلاتىنىن مويىندادى. كەيبىر جانكۇيەرلەر ءانشىنىڭ وتباسى مەن بالالارى بار دەپ ويلاسا، ەندى بىرەۋلەرى ءتىپتى بىرنەشە ايەلى بار دەگەن سياقتى جالعان اقپاراتتار تاراتادى ەكەن.
«مەنىڭ بالالارىم، وتباسىم بار دەپ ويلايدى»
«نەگە ەكەنىن بىلمەيمىن، ادامدار مەنىڭ بالالارىم، وتباسىم بار دەپ ويلايدى. كەيبىرى ءتىپتى بىرنەشە ايەلىم بار دەيدى»، – دەپ اعىنان جارىلدى ءانشى.
ديماش ءوزىنىڭ ءالى ۇيلەنبەگەنىن جانە بار ۋاقىتىن شىعارماشىلىققا ارناپ جۇرگەنىن اتاپ ءوتتى. «كۇنى بويى ستۋديادا جۇمىس ىستەيمىن، كونسەرتتەرگە شىعامىن. ءقازىردىڭ وزىندە ستۋديادامىز، دوستار… ازىرگە ۇيلەنگەن جوقپىن»، – دەدى ول.
سونىمەن قاتار، ءانشى بولاشاقتا وتباسى قۇرسا دا، جەكە ءومىرىن كوپشىلىككە جاريا ەتكىسى كەلمەيتىنىن جەتكىزدى. ونىڭ پىكىرىنشە، «باقىت تىنىشتىقتى جاقسى كورەدى».
-
پويسكي 6-لەتنەي مەدينى مۋراتبەككىزى، پروپاۆشەي ۆ كىزىلوردينسكوي وبلاستي، پرودولجايۋتسيا. سلوۆا ەكستراسەنسا ۆىزۆالي بۋرنوە وبسۋجدەنيە ۆ وبششەستۆە.
-
Global music sensation Dimash Kudaibergen directly addressed persistent rumors about his marital status and children during a recent Instagram live session.
