بالام تۋعان كۇنىڭ قۇتتى بولسىن!
تۋعاندا قۋانتقان ۇلىم مىناۋ،
ءبىر مۇشەلدى وتكىزگەن قۇلىنىم-اۋ،
اكەڭدە ارمان بار ما، كورسە ەگەر
كەلەشەكتە كورسەتەر قىزىعىڭدى-اۋ!
ساباعىڭدى جاقسى وقىپ، وقۋعا ءتۇس،
كەلەشەكتە ءبىر ماماننىڭ يەسى بول.
ەڭبەكتى ءسۇي، كۇشىڭدى باعالاي ءبىل،
دۇنيەدەن الاتىن سىباعاڭ مول.
جەتە بەر اڭساپ كۇتكەن تىلەگىڭە،
قىلاۋداي داق تۇسپەسىن جۇرەگىڭە.
وتاننىڭ، ەل-جۇرتىڭنىڭ ماقتانى بول،
الدى بول قاتارىڭنىڭ بۇل ومىردە.
سەبەزدەپ التىن ارا جان-جاعىڭنان،
تۋ تىككەن الاۋلاعان ارمانىڭنان.
كەۋدەڭدە ماحابباتتىڭ شوعى مازداپ،
بيىكتەن بيىكتەرگە سامعا، قىران.
ىزگى بوپ لەبىزىڭدى ساعىناتىن،
جىگىت بول دوس، دۇشپانىڭ تابىناتىن.
اينالسىن ار تۋىنا ادالدىعىن،
ادام بوپ ۇيالاتقان جانىنا كۇن.
ءجۇر اسقاق كۇنشىلدەردىڭ باسىپ مىسىن،
جۇرەكتىڭ تۇپكىرىنەن جاھۇت ۇسىن.
تابا ءبىل تىرشىلىكتە كەرەگىڭدى،
باسىڭنان ارىلماسىن باقىت قۇسىڭ!
You Might Also Like
-
بيىل ادەبيەت سالاسىنداعى نوبەل سىيلىعى اۋستريالىق دراماتۋرگ پەتەر حاندكەگە بۇيىردى. بۇل تۋرالى تwitter-دەگى The Nobel Prize پاراقشاسىندا جاريالاندى.
