بالانى تاربيەلەۋدىڭ 4 كەزەڭى
بالا تاربيەسىندە — وتباسى ەڭ ۇلكەن مىقتى تاربيە وشاعى. بالانىڭ ادامدىق قاسيەتتەرى مەن ادەپتىلىگى، ونىڭ بولاشاقتا قانداي ادام بولۋى ءوزى تۋىلعان وتباسىندا العان تالىم-تاربيەسى مەن ونداعى قارىم-قاتىناسقا بايلانىستى. ويتكەنى، اتا-انا — باستى ۇستاز. بالانىڭ زامانىنا لايىق ازامات بولىپ ءوسۋى – الدىمەن انانىڭ اق ءسۇتى مەن ابزال تاربيەسىنىڭ جەمىسى.
تاربيە ماسەلەسىنىڭ قانشالىقتى ماڭىزدى ەكەنىن ابدۋللا ءاۆلونييدىڭ تاربيەگە بايلانىستى ايتقان: “تاربيە – ءبىز ءۇشىن نە ءومىر، نە ءولىم، نە قۇتىلۋ، نە باقىت، نە قايعى ماسەلەسى”، — سوزىنەن بەلگىلى. سوندىقتان، تاربيەنى 4 نەگىزگى ساتىعا ءبولىپ كورسەتۋدى ءجون سانادىق.
ءبىرىنشى كەزەڭ: بەس جاسقا دەيىنگى كەزەڭ.
بەس جاسقا دەيىن بەلسەندىلىك، تانىمدىق جانە ومىرگە قىزىعۋشىلىق سەكىلدى قاسيەتتەر ورنىعادى. تىيىم سالىپ، جازعىرۋدان گورى، بۇل كەزەڭدە بالانى الداۋسىراتۋ كەرەك. بالاعا جازا بەرۋدىڭ بىردەن ءبىر سەبەبى – ولاردىڭ ەسەسىن قايتارا الماۋىندا جاتىر. ەگەر ءسابيىڭىز ءقاۋىپتى ءبىر نارسە جاسار بولسا، قورىققان كەيىپ جاساپ، قورىققان داۋىس شىعارىڭىز. بالا ول ءتىلدى وتە جاقسى تۇسىنەدى. بالانى بەس جاسقا دەيىن باسىپ تاستار بولساق، وندا ءبىز بالانىڭ بەلسەندىلىگىن، ومىرگە دەگەن قىزىعۋشىلىعىن، ينتەلللەكتىن جانە يممۋنيتەتىن دە باسىپ الامىز. بالاڭىزدى ۋايىمسىز بويۇسىنۋعا ۇيرەتىڭىز.
ەكىنشى كەزەڭ: بەس جاستان ون جاس ارالىعى.
بەس جاستان ون جاس ارالىعى – باعىنۋ مەن ءومىر زاڭدارىن ۇيرەنۋ كەزەڭى. بۇل كەزەڭدە بالانىڭ اقىل- پاراساتى مەن لوگيكاسى بەلسەندى تۇردە داميدى. بالا اينالاسىنداعى ادامداردىڭ ونىڭ جاساعان ىستەرىنە قالاي قارايتىنىن سارالايتىن كەزەڭدە جانە جاعىمسىز كوزقاراستى مەيلىنشە بايقاماۋى كەرەك. بۇل كەزدە بالانى ءبىلىم الۋ، تاپسىرما بەرۋ جانە ولاردى تالاپ ەتۋدەن قورىقپاڭىز. ەگەر بەس جاستان كەيىن دە بالانى ەركەلەتە بەرەر بولساڭىز، بالاڭىز ۇشقالاق، جۇمىسقا قابىلەتسىز ءارى رۋحاني جۇتاڭ بولىپ وسەدى.
ءۇشىنشى كەزەڭ: ون جاس پەن ون بەس جاس ارالىعى.
ون جاستان سوڭ بالاڭىزبەن ءار ماسەلەدە كەڭەسىڭىز. وزدىگىنەن شەشىم قابىلداۋعا مۇمكىندىك بەرىڭىز. ەگەر ونىڭ شەشىمى ۇناماسا، تىكەلەي تىيىمنان گورى، ونىڭ سوڭىنىڭ جاقسى بولمايتىنىن ايتىپ ءتۇسىندىرىڭىز. بۇل كەزدە دەربەستىك پەن سانانىڭ تاۋەلسىزدىگى داميدى. بالاعا كىشكەنتاي ءسابي سەكىلدى قارار بولساڭىز، بالا ومىرگە توسەلمەگەن بولىپ كەتەدى، وزگە جولداستارىنىڭ قاسىندا تاۋەلدى بولىپ قالادى.
سوڭعى كەزەڭ: ون بەس جاستان كەيىنگى كەزەڭ.
ون بەس جاستان سوڭ – سىيلاستىقپەن قارىم- قاتىناس جاساڭىز. بالانى بۇل شاقتا تاربيەلەۋ- كەش. بۇل كەزدە ءسىز ءوز ەڭبەگىڭىزدىڭ جەمىسىن عانا كورە الاسىز.
You Might Also Like
-
سوزاق اۋدانىنىڭ اكىمى ماقسات يسايەۆ ەڭ قارت تۇرعىن بەيسەك رسىمبەتوۆتى 110 جاسقا تولعان تۋعان كۇنىمەن ارنايى بارىپ قۇتتىقتاپ، سىي-سياپات جاسادى. بۇل تۋرالى وقو اكىمىنىڭ باسپا ءسوز قىزمەتىنەن حابا...
