Tengrinews.kz / تۋرار كازانگاپوۆ
بالقاش كافەسىندە اتىس بولىپ، وفيسيانت جارالاندى
بالقاش قالاسىنداعى كافەدە تۇتىنۋشىلار اراسىندا جانجال تۋىنداپ، اتىس بولىپ، سالدارىنان وفيسيانت قىز جارالانعان.
بۇل تۋرالى Infohub.kz اقپارات اگەنتتىگى حابارلايدى.
وقيعانىڭ ءمان-جايى
قاراعاندى وبلىستىق پوليسيا دەپارتامەنتىنىڭ باسپا ءسوز قىزمەتى مالىمەتىنشە، قالاداعى مەكەمەلەردىڭ بىرىندە تانىس ادامدار اراسىندا سوزدىك جانجال شىققان. كەلە-كەلە جانجال توبەلەسپەن ۇلاسىپ، ونىڭ بارىسىندا تراۆماتيكالىق قارۋ قولدانىلعان.
وقيعا سالدارىنان كافەنىڭ وفيسيانتى جاراقات الدى. ونىڭ جاعدايى تۋرالى ازىرگە اقپارات جوق.
قىلمىستىق ءىس قوزعالدى
بولعان جايت بويىنشا قىلمىستىق ءىس قوزعالدى. پوليسيا جانجالعا قاتىسقان بارلىق تۇلعالاردىڭ انىقتالعانىن حابارلادى.
«قازىرگى ۋاقىتتا كۇدىكتىلەردى انىقتاۋ جانە ۇستاۋعا باعىتتالعان جەدەل-ىزدەستىرۋ ءىس-شارالارى كەشەنى جۇرگىزىلىپ جاتىر. تەرگەۋ بارىسىن قاراعاندى وبلىستىق پوليسيا دەپارتامەنتىنىڭ باسشىلىعى باقىلاۋدا ۇستاۋدا»، - دەپ حابارلادى وبلىستىق پوليسيا دەپارتامەنتىنىڭ باسپا ءسوز قىزمەتى.
ۆەدومستۆونىڭ حابارلاۋىنشا، تەرگەۋ مۇددەسى ءۇشىن وزگە اقپارات ازىرگە جاريا ەتىلمەيدى.
-
قورعانىس ءمينيسترىنىڭ ءبىرىنشى ورىنباسارى – باس شتابتىڭ باستىعى گەنەرال-لەيتەنانت قانىش ابۋباكىروۆ قازاقستاننىڭ شىعىس گارنيزوندارىنداعى اسكەري بولىمدەردىڭ جاڭا وقىتۋ جۇيەسىنە دايىندىعىن تەكسەردى.
-
A dispute between customers at a cafe in Balkhash escalated into a shooting، leaving a waitress injured. Police are investigating the incident.
