tengrinews.kz
بالىق ساتىپ الساڭىز، تۇرمەگە ءتۇسۋىڭىز مۇمكىن: پروكۋراتۋرا قازاقستاندىقتاردى ەسكەرتتى
ەلىمىزدە سيىر مايى مەن بەكىرە بالىعىن زاڭسىز ساتىپ الۋ جانە ساتۋ جاعدايلارى جيىلەپ كەتتى. بۇل ارەكەتتەر كوبىنەسە براكونەرلەردەن ساتىپ الاتىن ازاماتتاردىڭ سۇرانىسىنان تۋىندايدى. وسىعان بايلانىستى، پروكۋراتۋرا ازاماتتاردى مۇنداي بالىقتى ساتىپ الۋ ارقىلى قىلمىستىق قۇقىق بۇزۋشىلىققا ورتاق بولىپ سانالاتىنىن ەسكە سالدى.
بۇل تۋرالى Infohub.kz اقپارات اگەنتتىگى حابارلايدى.
ەكولوگيالىق قۇقىق بۇزۋشىلىقتار كوبەيدى
اتىراۋ وبلىستىق پروكۋراتۋراسىنىڭ مالىمەتىنشە، 2025 جىلدىڭ قورىتىندىسى بويىنشا وڭىردە ەكولوگيا سالاسىندا 30 قۇقىق بۇزۋشىلىق تىركەلگەن. ونىڭ 11 قىلمىستىق ءىسى سوتقا جىبەرىلىپ، 10 ادام سوتتالدى.
كىمدەر جاۋاپقا تارتىلادى؟
پروكۋراتۋرا ازاماتتاردى قىلمىستىق كودەكستىڭ 339 جانە 339-1-باپتارىنا سايكەس، تەك براكونەرلەر عانا ەمەس، سونىمەن قاتار سيرەك كەزدەسەتىن جانۋارلاردى نەمەسە ولاردىڭ بولىكتەرىن زاڭسىز ساتىپ العان، ساقتاعان، ساتقان نەمەسە تاسىمالداعان تۇلعالار دا قىلمىستىق جاۋاپكەرشىلىككە تارتىلاتىنىن اتاپ ءوتتى.
مىسالى، بيىل اتىراۋ قالاسىنىڭ تۇرعىنى قىلمىستىق جاۋاپكەرشىلىككە تارتىلدى. ونىڭ ۇيىنەن ءتىنتۋ كەزىندە 501،9 كەلى بەكىرە تۇقىمداس بالىق تاركىلەنگەن. سوت ونى كىنالى دەپ تانىپ، 7 جىلعا باس بوستاندىعىنان ايىرۋ مەرزىمىنە كەستى. سونداي-اق، وعان كەلتىرىلگەن ماتەريالدىق شىعىن مەن مەملەكەتتىك باج سالىعى رەتىندە 304 ميلليون تەڭگەدەن استام سومانى وتەۋ مىندەتتەلدى.
زاڭدى بىلمەۋ جاۋاپكەرشىلىكتەن بوساتپايدى
اتىراۋ وبلىستىق پروكۋراتۋراسى ازاماتتاردى زاڭسىز جولمەن الىنعان بالىق پەن ۋىلدىرىقتى ءتيىستى رۇقسات قۇجاتتارىنسىز جەكە تۇلعالاردان ساتىپ الۋ ارقىلى قىلمىستىق قۇقىق بۇزۋشىلىققا ورتاق بولاتىنىن ەسكەرتەدى.
-
اتىراۋ وبلىسىندا ءبىر وتباسىنىڭ قازا تابۋىنا قاتىستى قىلمىستىق ءىس بويىنشا جاڭا دەرەكتەر بەلگىلى بولدى. تەرگەۋ بارىسىندا وقيعاعا باسقا ادامداردىڭ قاتىسى انىقتالماعان.
-
وزبەكستان پرەزيدەنتى شاۆكات ميرزيويەۆتىڭ تاقتان تايدىرۋعا تىرىسقاندار تۋرالى ايتقاندارى جۇرتشىلىقتى تاڭعالدىردى. ول ءتىپتى ەسكەرتكىش باسىن الىپ تاستاۋ ارقىلى قورقىتپاق بولعان ارەكەتتى دە اشكەرەلەدى.
