InfoHub Logo

قۋاندىق بيشىمبايەۆتىڭ بۇرىنعى ايەلى نازىم قاحارمان ءوزىنىڭ اۆتوبيوگرافيالىق كىتابىن جارىققا شىعارۋعا دايىندالىپ جاتقانىن حابارلادى. كىتاپتا ەكس-جۇبايىنىڭ باسقا ايەلدەرمەن قارىم-قاتىناسى تۋرالى دا ايتىلادى. بۇل تۋرالى قاحارمان ءوزىنىڭ Instagram پاراقشاسىنداعى جازىلۋشىلارىنا مالىمدەدى.

بۇل تۋرالى Infohub.kz اقپارات اگەنتتىگى حابارلايدى.

كىتاپ كۇزدە جارىق كورەدى

ەكس-جۇبايىنىڭ ايتۋىنشا، كىتاپتىڭ تۇساۋكەسەرى كۇزدە وتەدى، ال قازىرگى ۋاقىتتا قولجازبا باسپاحانادا قاراۋدا جاتىر. «ارينە، بۇل – اۆتوفيكشن. كىتاپ ناقتى وقيعالارعا نەگىزدەلگەن. بۇل – اۆتوبيوگرافيا. ءبىراق وندا كوركەم شىعارماشىلىق ەلەمەنتتەر دە بار»، - دەدى ول.

انىقتاما: اۆتوفيكشن (اعىلش. autofiction، «ءوزى تۋرالى ويدان شىعارۋ») – اۆتوردىڭ ءومىربايانىنداعى ناقتى فاكتىلەردىڭ كوركەم شىعارماشىلىق ويدان شىعارۋمەن ۇشتاساتىن ادەبي جانر. وقيعا ءبىرىنشى جاقتان باياندالادى، ءبىراق باستى ماقسات – وقيعالاردى ءدال قۇجاتتاۋ ەمەس، جەكە تاجىريبە مەن ەموسيالاردى جەتكىزۋ.

بۇرىنعى كۇيەۋىنىڭ «سىرلارىن» اشۋعا دايىن

قاحارمان كىتابىندا بۇرىنعى كۇيەۋىنىڭ باسقا ايەلدەرمەن قارىم-قاتىناسىن اشاتىنىن ايتتى. ول بۇل ايەلدەردىڭ ەسىمدەرىن اتاماسا دا، ولارمەن ەشقانداي داۋلاسپاعانىن، تەك بۇرىنعى كۇيەۋىمەن ماسەلەنىڭ انىقتالعانىن جەتكىزدى. بولاشاق كىتابى تۋرالى ۆيدەودا ايتا وتىرىپ، قاحارمان ءوز ادۆوكاتتارىمەن ار-نامىستى، ابىرويدى جانە ىسكەرلىك بەدەلدى قورعاۋ تۋرالى مۇمكىن بولاتىن تالاپتار جونىندە كەڭەسكەن.

«ءبىرىنشى سوت بويىنشا مەندە بۇرىنعى كۇيەۋىمنىڭ 2 جىل بويىنا بارلىق حات-حابارلارى بار. ەگەر تالاپ-ارىز تۇسسە، ءوزىمدى قورعاي الامىن. سول كەزدەگى تەلەفونداعى سكرينشوتتار مەندە ساقتالعان. مەن وتىرىك ايتپايتىنىمدى دالەلدەي الامىن»، - دەدى قۋاندىق بيشىمبايەۆتىڭ ەكس-جۇبايى.

ۆيدەو سوڭىندا قاحارمان: «نەكەدەگى ەر اداممەن ەشقاشان سويلەسپەۋ كەرەك، سەبەبى ءسىز ءبىر كۇنى بىرەۋدىڭ كىتابىنداعى كەيىپكەرگە اينالىپ قالۋىڭىز مۇمكىن»، - دەپ قوستى.

ەستەرىڭىزگە سالا كەتەيىك، وتكەن جىلدىڭ كۇزىندە قازاقستاندا قايعىلى وقيعادان قازا تاپقان سالتانات نۇكەنوۆانىڭ اعاسى «ونىڭ اتى – سالتانات» اتتى كىتاپ شىعارعان بولاتىن. كىتاپتا اعاسى نۇكەنوۆانىڭ بيشىمبايەۆپەن قارىم-قاتىناسىن، تراگەدياعا دەيىنگى وقيعالاردىڭ حرونولوگياسىن بايانداپ، سوت پروسەسىن سيپاتتاپ، تۇرمىستىق زورلىق-زومبىلىق ماسەلەسىن كوتەرگەن.