InfoHub Logo

اقتوبە وبلىسى،
شالقار قالاسى، «№4 ورتا مەكتەبى» ءمم-نىڭ
دەنە تاربيەسى ءپانىنىڭ ءمۇعالىمى
سەمبايەۆا جانار تاجيباي قىزى

ساباقتىڭ تاقىرىبى: باسكەتبول ەلەمەنتتەرى بار قوزعالمالى ويىندار.
ساباقتىڭ ماقساتى: 1) باسكەتبول ويىنىنداعى قوزعالمالى ادىستەردى ۇيرەتۋ.
2) وقۋشىلاردىڭ يكەمدىلىگىن، ەپتىلىگىن جەتىلدىرۋ.
3) سپورتقا دەگەن سۇيىسپەنشىلىگىن ارتتىرۋ.
ساباقتىڭ وتەتىن ورنى: مەكتەپ سپورت كەشەنى.
كەرەك قۇرال-جابدىقتار: باسكەتبول دوپتارى، ىسقىرىق، شىعىرشىق، كەدەرگىلەر.

كىرىسپە ءبولىم:
ساپقا تۇرعىزۋ، راپورت قابىلداۋ، سالەمدەسۋ، تۇگەندەۋ.
ساباقتىڭ تاقىرىبى جانە ماقساتىن تانىستىرۋ.
ساپتىق جاتتىعۋلار: وڭعا! سولعا! ارتقا!
ءجۇرۋ جاتتىعۋلارى:
قولدى جوعارى تىك كوتەرىپ، اياقتىڭ ۇشىمەن ءجۇرۋ، ەكى قول بەلدە وكشەمەن ءجۇرۋ، اياقتىڭ ىشكى، سىرتقى جاعىمەن ءجۇرۋ، جارتىلاي وتىرىپ ءجۇرۋ، سپورتتىق ءجۇرىس.
جۇگىرۋ: اياقتى ارتقا بۇگىپ جۇگىرۋ، قايشىلاپ جۇگىرۋ، وڭ (سول) جاق قىرىمەن تىركەلە ادىمداپ جۇگىرۋ، ارتپەن جۇگىرۋ. جاي ءجۇرىس، تەرەڭ تىنىس الىپ، دەم شىعارۋ.
جالپى دامىتۋ جاتتىعۋلارى: ءبىر قاتاردان، 3 قاتارلى لەك تۇرعىزىپ ءار بۋىندارعا جاتتىعۋ جاساتۋ.

باستاپقى قالىپ اياق اراسى يىق كەڭدىگىندە، مويىنعا ارنالعان جاتتىعۋ، ەكى قول بەلدە (ب. ق. ا. ي. ك. ) باستى وڭعا 4 سان، سولعا 4 سان اينالدىرۋ.
ب. ق. ا. ي. ك. وڭ قول جوعارى، سول قول تومەن، 1-2 سانعا قولدى سەرمەيمىز. سول قول جوعارى، وڭ قول تومەن، 1-2 سانعا قولدى سەرمەيمىز.
ب. ق. ا. ي. ك. قولدىڭ باسى يىقتا، 1-2 سان الدىعا، 3-4 سان ارتقا اينالدىرۋ. ب. ق. ا. ي. ك. قول كەۋدە الدىندا شىنتاقتان بۇگۋلى. 1-2 سان قولدى جازباي سەرمەيمىز، 3-4 سان جازىپ سەرمەيمىز. جاتتىعۋلاردى وڭعا، سولعا جاسايمىز.
ب. ق. ا. ي. ك. ەكى قول بەلدە، وڭعا (سولعا) 2 سان ءيىلۋ.
ب. ق. ا. ي. ك. قول بەلدە دەنەنى ەكى رەت وڭعا بۇرۋ، ەكى رەت سولعا بۇرۋ.
ب. ق. ا. ي. ك. ەكى قول بەلدە، وڭعا، (سولعا) 4 سان بەلدى اينالدىرۋ.
ب. ق. ا. ي. ك. قول تىزەدە، اياقتى ىشكە، سىرتقا اينالدىرۋ.
ب. ق. ا. ي. ك. وتىرىپ، تۇرۋ.
ءبىر قاتار ساپقا تۇرعىزۋ.
جاتتىعۋلاردى تولىق جاساۋىن قاداعالاۋ.

نەگىزگى ءبولىم:
ساپقا تۇرعىزۋ.
وقۋشىلارعا باسكەتبول ەلەمەنتتەرى بار قوزعالمالى
ويىن تۇرلەرىن ءتۇسىندىرۋ، ىس-تاجىريبە جۇزىندە كورسەتۋ.
وقۋشىلاردى قاۋىپسىزدىك ەرەجەسىمەن تانىستىرۋ.
وقۋشىلارعا جاتتىعۋدى ورىنداتۋ:
- ءبىر ورىندا تۇرىپ وڭ جانە سول قولمەن دوپتى جەرگە سوعىپ، ىرشىتىپ جاتتىعۋ؛
- دوپتى ءبىر قولمەن جەتەلەپ ءجۇرىپ، جەرگە سوعىپ ىرشىتۋ؛
- ەكىدەن قاراما-قارسى تۇرىپ، دوپتى ەكى قولمەن كەزەك جەرگە سوعىپ، ىرشىتىپ، قارسىلاسىنا ەكى قولمەن كەۋدە تۇستان لاقتىرۋ؛
- ەكى-ەكىدەن قاتار جۇگىرىپ كەلە جاتىپ، دوپتى جەرگە سوعىپ ىرشىتىپ، توقتاماي بىر-بىرىنە كەۋدە تۇستان لاقتىرىپ جاتتىعۋ؛
وقۋشىلاردى ەكى توپقا ءبولىپ، باسكەتبول ەلەمەنتتەرى بار ەستافەتالىق ويىن ويناتۋ.
- كەدەرگىنىڭ اراسىنان دوپتى سوعىپ الىپ ءوتۋ؛
- دوپتى جوعارىدان بەرۋ؛
- دوپتى تومەننەن بەرۋ؛
- جەرگە قاتار سىزىلعان 5-6 شىعىرشىقتىڭ ىشىنە سوعىپ كەلە جاتقان دوپتى ءدال تۇسىرە ىرشىتۋ؛
- بىردەن الاڭنىڭ ورتاسىنان باسكەتبول قالقانىنا قاراي دوپتى ىرشىتىپ كەلىپ، قالقانعا جاقىنداعاندا توقتاي قالىپ، دوپتى شىعىرشىققا ەكى قولمەن لاقتىرىپ تۇسىرۋگە تىرىسۋ؛
جاتتىعۋلاردى دۇرىس جاساۋىن قاداعالاۋ.

قورىتىندى ءبولىم:
ساپقا تۇرعىزۋ.
ساباققا جاقسى قاتىسقان وقۋشىلاردى ماداقتاۋ، كەتكەن كەمشىلىكتەرى مەن جىبەرگەن قاتەلىكتەرىن ايتىپ ەسكەرتۋ.
باعالاۋ.
ءۇي تاپسىرماسى: جاتتىعۋلاردى قايتالاۋ.