depositphotos.com
باتىس قازاقستاندا مىڭداعان كيىك قىرىلدى
باتىس قازاقستان وبلىسى، قازتالوۆ اۋدانىنداعى سارىوزەننىڭ بويىنان مىڭداعان كيىكتىڭ ولەكسەسى تابىلعانى تۋرالى حابارلاندى. ماماندار قىسقى كوشى-قوننان السىرەگەن جانۋارلاردىڭ ءولىمى تابيعي قۇبىلىس ەكەنىن ايتادى. قازىرگى ۋاقىتتا ولەكسەلەردى جيناپ، جويۋ جۇمىستارى جۇرگىزىلىپ جاتىر.
بۇل تۋرالى Infohub.kz اقپارات اگەنتتىگى حابارلايدى.
قازىرگى تاڭدا 1600-دەن استام كيىكتىڭ ولەكسەسى انىقتالعان. مۇنداي جاعداي جىل سايىن كوكتەم شىعا ادەتتەگىدەي قايتالانادى. كەي جىلدارى بۇل كورسەتكىش بەس مىڭنان اسىپ جىعىلعان.
نەدەن قىرىلدى؟
جانۋارلاردىڭ ناقتى نەدەن ولگەنى جانە ولاردان قانداي دا ءبىر ءقاۋىپ بار-جوعىن ماماندار انىقتاپ جاتىر. ولار ءتيىستى سىنامالار الىپ، ۆەتەرينارلىق زەرتحاناعا جىبەرگەن. وتكەن جىلدىڭ قورىتىندىسى بويىنشا، ورال پوپۋلياسياسىنىڭ كيىك سانى ەكى ميلليون ءۇش ءجۇز مىڭعا جەتكەن. جاقىن ارادا ناقتى سانى بەلگىلى بولادى، ويتكەنى كەلەسى اپتادا وڭىردە جانۋارلاردى ەسەپكە الۋ جۇمىستارى جۇرگىزىلمەك.
كيىكتەردى قىسقارتۋ شارالارى
2025 جىلى ۇكىمەت قاۋلىسىمەن كيىكتەر سانىن رەتتەۋ جۇمىستارى جۇرگىزىلگەنى ەسكە سالىندى. ايماقتىق اڭشىلىق ينسپەكسياسى باستىعىنىڭ ورىنباسارى قايرات قادەشيەۆتىڭ ايتۋىنشا، تابيعي ورتادان 108 مىڭنان استام كيىك الىنعان. بۇل شارالار ساننىڭ ازايۋىنا اسەر ەتۋى مۇمكىن. مىسالى، ءبىر انالىق كيىك ەكى ءتول اكەلسە، ولاردىڭ 60 پايىزى انالىق بولسا، سان ءۇش ەسە ازايۋى ىقتيمال.
-
يزۆەستنايا اكتريسا ي پيەۆيسا ايگۋل يمانبايەۆا پودەليلاس ۆاجنىم جيزنەننىم سوۆەتوم دليا مولودەجي، وسوبەننو ديەۆۋشەك، و ۆىبورە پراۆيلنوگو كرۋگا وبششەنيا.
-
Authorities are investigating the mass death of over 1،600 saiga antelopes in Western Kazakhstan، a phenomenon experts attribute to natural causes following winter migration.
