InfoHub Logo

ءبىلىم سالاسىنىڭ مازمۇنى: «تانىم»
ءبولىمى: اينالامەن تانىستىرۋ
تاقىرىبى: باۋ – باقشاعا ساياحات
ماقساتى: بالالارعا كۇز مەزگىلى، باۋ – باقشا ونىمدەرى تۋرالى ءبىلىم بەرۋ. جەمىس – جيدەكتەر مەن كوكونىستەر تۋرالى تۇسىنىكتەرىن كەڭەيتۋ. تابيعاتتى سۇيۋگە، قۇرمەتتەۋگە تاربيەلەۋ. قويىلعان سۇراققا تولىق جاۋاپ بەرۋگە توسەلدىرىپ، سويلەۋ مادەنيەتىن دامىتۋ.
شاتتىق شەڭبەرى
ۇلكەنگە دە ءسىز
كىشىگە دە ءسىز
سالەم بەردىك سىزدەرگە
قۇرمەتپەنەن ءبىز

جوعارى قاراپ كۇن كوردىم
تومەن قاراپ جەر كوردىم
وڭعا، سولعا بۇرىلىپ
ەگەمەندى ەل كوردىم

- بالالار ايتىڭدارشى ءقازىر جىلدىڭ قاي مەزگىلى؟
- ونى قايدان بىلدىڭدەر؟
- بالالار تاعى دا كۇز مەزگىلىندە جەمىستەر مەن كوكونىستەر پىسەدى ەكەن.
بالالار سەندەردىڭ ساياحاتقا بارعىلارىڭ كەلەدى مە؟
- ەندەشە ءبىز بۇگىن باۋ – باقشاعا ساياحاتقا بارامىز. ساياحاتقا بالالار ءبىز پوەزبەن بارامىز
قيمىلدى ويىن: «پوەزد»
پىش - پىش، پىش - پىش ءبىز كەتتىك
ءجۇرىستى ءبىز ۇدەتتىك
گۋ - گۋ، گۋ - گۋ گۋىلدە
قالىپ قويما بىرىڭدە

قانە بالالار توقتايىق پىش - ش - ش. بالالار ءبىز مىنە باۋ – باقشاعا دا كەلىپ قالدىق. قانە پوەزدان تۇسەيىك. وي بالالار قاراڭدارشى باۋ - باقشا قانداي ادەمى. اينالانىڭ ءبارى ساپ – سارى. جەرگە سارى كىلەم توسەلىپتى. كۇزگى باۋ - باقشانىڭ سۇلۋلىعىن قاراڭدارشى نەتكەن ادەمى، نەتكەن عاجاپ.
سول ساتتە الدارىنان باعبان اتا كەزدەسەدى.
باعبان اتا:
- سالەمەتسىڭدەر مە بالالارىم! وي بالالار سەندەردىڭ كەلگەندەرىڭ قانداي جاقسى بولدى. سەندەر ماعان جەمىستەر مەن كوكونىستەر جيناۋعا كومەكتەسەسىڭدەر مە؟
بالالار باعبان اتاعا جەمىستەر مەن كوكونىستەر جيناۋعا كومەكتەسەدى.
باعبان اتا: راحمەت بالالار. سەندەر ماعان ۇلكەن كومەك بەردىڭدەر.
تاربيەشى: قانە بالالار سەندەر باعبان اتاعا قانداي جەمىس پەن كوكونىستەر جيناپ بەردىڭدەر؟
بالالاردان جيناعان جەمىستەرى مەن كوكونىستەرىنىڭ اتتارىن، ءپىشىنى مەن ءتۇسىن سۇراۋ.
باعبان اتا: بالالار سەندەردىڭ قانداي ونەرلەرىڭ بار. قانە تاقپاق بىلەسىڭدەر مە؟
مەن شارشادىم مىنا جەردە سەندەردىڭ ونەرلەرىڭدى تاماشالاپ، تىنىعايىن.
ابدۋللا:
ۇشتى تالدان جاپىراق
سارى كوبەلەك سەكىلدى
اسپاندا جاي شاتىرلاپ
تامشى جەردە سەكىردى
بارىن بەرىپ حالىققا
جۇمىستان سوڭ قالجىراپ
دالا ۇقسايدى القاپقا
ديلنارا:
قۋالاپ دوپشا ويناسا
قابىعى ءتىپتى قاتتى ەكەن
قازانعا ءتۇسىپ قايناسا
ءتىلدى ۇيىرگەن ءتاتتى ەكەن.
دياس:
مەن مونشاقتى شيەمىن
قۇمارسىڭدار بىلەمىن
كەتىپ قالىپ جۇرمەسىن
تاماعىڭا سۇيەگىڭ
اجار:
مەن ءجۇزىممىن، ءجۇزىممىن
مونشاق بولىپ ءتىزىلدىم.

باعبان اتا: وي جارايسىڭدار بالالار! نەتكەن جاقسى بالالارسىڭدار. تاقپاقتى وتە جاقسى ايتادى ەكەنسىڭدەر. سەندەردىڭ تاعى قانداي ونەرلەرىڭ بار؟
تاربيەشى: بالالار بۇدان باسقا كۇز تۋرالى ءان ايتا الادى.
باعبان اتا: قانە وندا اندەرىن تىڭدايىقشى
ءان: «كۇزىم - اۋ»
باعبان اتا: وي جارايسىڭدار. نەتكەن دارىندى بالالارسىڭدار. وركەندەرىڭ ءوسسىن بالالار. مەن سەندەرگە وسىنداي كورسەتكەن ونەرلەرى ءۇشىن جانە ماعان كورسەتكەن كومەكتەرىڭ ءۇشىن مىنانداي سىي دايىنداپ قويدىم. ونى مىنا تاربيەشىلەرىڭە بەرەيىن. ول سەندەرگە بالاباقشالارىڭا بارعان سوڭ تارقاتىپ بەرەدى.
باعبان اتا بالالارعا الىپ كەلگەن كۇزگى سىيىن بەرەدى.
تاربيەشى: اتا ەندى ءبىزدىڭ بالاباقشاعا ورالاتىن ۋاقىتىمىز كەلدى. مىنا بەرگەن سىيىڭىز ءۇشىن ۇلكەن راحمەت. بالالار ەندى بىزدە بالاباقشامىزعا ورالۋ ءۇشىن پوەزد بولايىق.
بالالار پوەزد بولىپ، بالاباقشالارىنا ورالادى.
بالالار سەندەرگە ساياحاتىمىز ۇنادى ما؟
بالالار سەندەر ساياحاتتا وزدەرىڭدى جاقسى ۇستادىڭدار. جەمىستەر مەن كوكونىستەردى دە جاقسى تەردىڭدەر. ەندەشە ءقازىر مەن سەندەرگە باعبان اتانىڭ سىيىن تاراتىپ بەرەمىن.