InfoHub Logo

اشىق تاربيە ساعاتى
باۋىرجان مۇراسى – ۇرپاققا ۇران
№121 توپ

تاربيەلىك ماقساتى: باۋىرجان مومىش ۇلى ءومىرىن ۇلگى ەتە وتىرىپ، ءوز ەلىن، تۋعان جەرىن سۇيۋگە، ەلىن، جەرىن قورعاعان اتا - بابالارىمىزدى قۇرمەتتەۋگە، اتالار وسيەتىنەن ونەگە الۋعا تاربيەلەۋ، پاتريوتتىق تاربيە بەرۋ.
كورنەكىلىگى: ب. مومىش ۇلى پورترەتى، سۋرەتتى بۇكتەمە، وسيەتتى بۇكتەمە، كىتاپ كورمەسى، سلايدتار.

تاربيە ساعاتىنىڭ بارىسى:
1. تاربيە ساعاتىن اشۋ
2. كىرىسپە توپ جەتەكشىسى
3. ولەڭ – «باۋىرجان مومىشۇلىنا» - م. ماقاتايەۆ.
4. «ۇشقان ۇيا». پوۆەستەن ءۇزىندى.
5. ولەڭ – «تۋعان جەر» - ب. مومىش ۇلى.
6. ولەڭ «سوعىستان قايتقان سولداتتار».
7. «قازاق ءتىلى تۋرالى پىكىر» - ب. مومىش ۇلى.
8. باۋكەڭنىڭ ناقىل سوزدەرىنەن
9. سلايد. ب. مومىش ۇلىنىڭ سۋرەتتەرىمەن تانىستىرۋ.
10. كورىنىس.
11. سوعىس ارداگەرىنىڭ ۇرپاعىنا ءسوز.
12. قورىتىندى.

1.
ەركەبۇلان.
كوز جۇمعانشا ەل مۇددەسىن تۋ عىپ ۇستاپ قاسارعان،
ار مەن نامىس ءسوز بولعاندا وزىڭنەن كىم اسا العان!
ءبىر عاجابى: قان مايداندا كوزسىز باتىر اتانىپ،
كۋالىگىن جارتى عاسىر كەش العان.-
سەندەي قايسار پەرزەنت تۋۋ - ءار ايەلگە باس ارمان!
2
توپ جەتەكشىسى:
قۇرمەتتى ۇستازدار مەن وقۋشىلار! كەڭەس وداعىنىڭ باتىرى، داڭقتى قولباسشى، جاۋىنگەر - جازۋشى، ءتىل جاناشىرى باۋىرجان مومىش ۇلىنىڭ 100 جىلدىعىنا ارنالعان « باۋىرجان مۇراسى – ۇرپاققا ۇران» اتتى تاربيە ساعاتىمىزدى ۇسىنامىز. جازۋشىلىعى مەن ازاماتتىعى اڭىزعا اينالعان
باۋىرجان مومىش ۇلىنىڭ تاريح تاراۋلارىنان الار ورنى ايرىقشا.
تۇتاس ءبىر حالىق توبەسىنە كوتەرگەن ارداقتى ازاماتقا كوپ جىلدار بويى باتىر اتاعى بەرىلمەي كەلدى. قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ قولداۋىمەن تەك قانا 1990 جىلى ۇلى وتان سوعىسىنىڭ داڭقتى قولباسشىلارىنىڭ ءبىرى باۋىرجان مومىشۇلىنا كەڭەس وداعىنىڭ باتىر اتاعى بەرىلدى. سول ءبىر قۋانىشتى كۇن تۋرالى مىناداي ءبىر اڭگىمە بار. باقىتجان مومىشۇلىنا جولداعان قۇتتىقتاۋ حاتىنىڭ سوڭىندا ەلباسى: « باۋىرجاننىڭ جۇلدىزدى بولعان كۇنى - حالىقتىڭ جۇلدىزى جانعان كۇنى» دەپ جازىپتى. باۋكەننىڭ تاعى ءبىر ەرەكشەلىگى - كورەگەندىگى.
ۇلى جەڭىستىڭ 65 جىلدىعى جانە باۋىرجان مومىش ۇلىنىڭ 100 جىلدىق مەرەيتويى تۇسپا - تۇس كەلىپ وتىر.
3.
حامزايەۆ ج
م. ماقاتايەۆ
باۋىرجان مومىشۇلىنا
اعا،
ساعان، بىلمەيمىن نە ايتارىمدى،
قاي قىرىڭنان بىلمەيمىن بايقارىمدى،
كوڭىلدەگى وي كومەيگە كەپتەلدى دە،
تۇرمەسىنە كەۋدەمنىڭ قايتارىلدى.
قايتەرىمدى، بىلمەيمىن نە ايتارىمدى.

جاسقانۋدى بىلمەۋشى ەم، جالتارۋدى،
نەگە كوڭىل، بىلمەيمىن، اڭتارىلدى؟!
اق تۇلپارىم بار ەدى ساعان دەگەن
الىپ ۇشپاي ول نەگە قاڭتارىلدى؟!

تۇرلىبەك.
سەن ءزارۋ ەمەسسىڭ عوي قۇرمەتكە،
(سىرلى اياقتىڭ سىنى بار، سىرى كەتكەن...)
تونعا ەمەس، ورامال جولعا جاراپ،
سىي تارتۋدى اتامىز ىرىم ەتكەن

تارتار سىيىم وزىڭە بولماعاسىن،
بەلگىلى عوي قاسىڭا جولاماسىم.
اق سۇڭقارىم بار ەدى، ۇشپاي قويدى،
السام - داعى باسىنان توماعاسىن.
امان.
قىلىشىمدى سۋىرىپ قىنابىنان،
قىل قاپقان ءجۇزىن كورىپ، جىلادىم - اۋ...
جەتىمدەردىڭ كەگى مەن جەسىرلەردىڭ
سۋارىپ ەم سۋالعان بۇلاعىنا.

قايراپ ەدىم زاۋالدىڭ شارىعىنا،
قاقتاپ ەدىم قان مايدان جالىنىنا.
قىنابىنا ونى دا جاسىردىم مەن،
كەرەك بولىپ جۇرەر دەپ حالىعىما.

قىنابىنا ساپ قويدىم ۇمىتپەنەن،
ونىڭ نەسىن جاسىرام بۇگىن سەنەن.
ساعان، اعا، ساقتالعان ءبىر سىي بار - اۋ،
نازارىنا ەشكىمنىڭ ىلىكپەگەن.

ناۋرىزبايەۆا قاراشاش يسا قىزى
قىزىلوردا پوليتەحنيكالىق كوللەدجى
باۋىرجان مۇراسى – ۇرپاققا ۇران جۇكتەۋ