tengrinews.kz
بەلگرادتا مىڭداعان ادام پرەزيدەنتتىڭ وتستاۆكاسىن تالاپ ەتتى
سەربيا استاناسى بەلگرادتا مىڭداعان ادام ەل پرەزيدەنتى الەكساندر ءۆۋچيچتىڭ وتستاۆكاسىن تالاپ ەتىپ، الاڭعا شىقتى. نارازىلىق اكسياسى قالانىڭ ورتالىعىنداعى سلاۆيا الاڭىندا ءوتتى. حالىق مەرزىمىنەن بۇرىن سايلاۋ وتكىزۋدى جانە 10 جىلدان استام ۋاقىتقا سوزىلعان ۆۋچيچ بيلىگىنىڭ توقتاتىلۋىن تالاپ ەتتى.
بۇل تۋرالى Infohub.kz اقپارات اگەنتتىگى حابارلايدى.
اكسيا كەزىندە پوليسيا نارازىلاردى تاراتۋ ءۇشىن كوزدەن جاس اعىزاتىن گاز بەن جارىق-دىبىس گراناتالارىن قولداندى. حالىق اراسىنان دا قارسىلىق بولىپ، قوقىس جاشىكتەرىن ورتەگەن ساتتەر بولدى. پوليسيا مەن نارازىلار اراسىندا قاقتىعىس ورىن الدى.
پرەزيدەنت مەرزىمىنەن بۇرىن سايلاۋ وتكىزۋگە كەلىستى
وسى جاعدايلارعا بايلانىستى پرەزيدەنت الەكساندر ۆۋچيچ وسى كۇزدە مەرزىمىنەن بۇرىن پارلامەنتتىك سايلاۋ وتكىزۋ تۋرالى شەشىم قابىلداعانىن مالىمدەدى. بۇل سەربياداعى سوڭعى ون جىلداعى بەسىنشى سايلاۋ بولادى جانە ءتورتىنشى رەت مەرزىمىنەن بۇرىن وتەدى.
نارازىلىقتاردىڭ سەبەبى
سەربياداعى نارازىلىقتار شامامەن ءبىر جارىم جىل بۇرىن نوۆي-ساد قالاسىنداعى تەمىرجول ۆوكزالىندا شاتىردىڭ قۇلاۋى سالدارىنان 16 ادام قازا تاپقان تراگەديادان كەيىن باستالعان. اكسيالاردى جاستار قوزعالىسى ۇيىمداستىرىپ وتىر. ولار سىبايلاس جەمقورلىق پەن ءتيىمسىز باسقارۋعا قارسىلىق بىلدىرۋدە.
پوليسيانىڭ باعالاۋى بويىنشا، الاڭدا جانە وعان جاپسارلاس كوشەلەردە 34 300 ادام جينالدى. ال، حالىقتىق جيىنداردى باقىلايتىن «ارحيۆ» ۇيىمى بۇل ساندى شامامەن 100 000 ادام دەپ باعالادى.
-
وبششەستۆەننوست ۆوزمۋششەنا تەم، چتو زاسلۋجەننىي ارتيست كازاحستانا نە پولۋچيل گوسۋدارستۆەننۋيۋ ناگرادۋ، ۆ تو ۆرەميا كاك مەنەە وپىتنىە كوللەگي بىلي وتمەچەنى.
-
Thousands took to the streets in Belgrade، clashing with police and demanding early elections amid growing discontent with President Aleksandar Vučić's decade-long rule.
