بەردەنوۆكە جاسالعان قاستاندىقتىڭ ارتىندا 3،4 ملرد تەڭگە تۇرۋى مۇمكىن
شىمكەنت اكىمىنىڭ ورىنباسارى رۋسلان بەردەنوۆكە قارسى جاسالعان قاستاندىقتىڭ سەبەپتەرى تۋرالى جاڭا مالىمەتتەر جاريالاندى. بولجام بويىنشا، بۇل وقيعا «تۇرعىن ءۇي شىمكەنت» جشس-نە بولىنگەن 3،4 ميلليارد تەڭگەمەن بايلانىستى بولۋى ىقتيمال. كومپانيا ديرەكتورى، ءقازىر كۇدىكتى رەتىندە قاماۋعا الىنعان ەرنار جيەنباي، وسى قاراجاتتى ماقساتسىز پايدالانعان دەگەن كۇدىك بار.
بەردەنوۆكە شابۋىلدان ون كۇن بۇرىن اكىمدىكتە وتكەن جيىندا ەرنار جيەنباي اگرەسسيۆتى مىنەز كورسەتكەنى ءۇشىن زالدان شىعارىلعان. وسى وقيعادان سوڭ ونى قىزمەتىنەن بوساتۋ ماسەلەسى قوزعالعان. دەرەككوزدەردىڭ مالىمەتىنشە، كوپقاباتتى ۇيلەردى جوندەۋگە ارنالعان 3،4 ميلليارد تەڭگە ەشقانداي كونكۋرس وتكىزبەستەن، تىكەلەي «تۇرعىن ءۇي شىمكەنت» جشس-نە تاپسىرىلعان. مەملەكەتتىك ساتىپ الۋ سايتىندا بۇل قارجى ءبولىنىسى بويىنشا اشىق دەرەك جوق.
كومپانيانىڭ رەسمي پاراقشاسىنداعى اقپاراتقا سايكەس، 2024 جىلى 15 ۇيدە جوندەۋ جۇمىستارى اياقتالعان، ال 2025 جىلى تاعى 10 ۇيدە جۇمىس باستالعان. الايدا تەرگەۋ ماتەريالدارى ەرنار جيەنباي قارجىنى ماقساتسىز جۇمسادى نەمەسە يەمدەندى دەگەن كۇدىك تۋعىزدى. ءقازىر بۇل فاكتى بويىنشا قىزمەتتىك تەكسەرىس جۇرگىزىلۋدە.
21 ءساۋىر كۇنى كەشكە، شىمكەنت قالاسى اكىمدىگىنىڭ ماڭىندا رۋسلان بەردەنوۆكە وق اتىلعان. شەنەۋنىك اۋىر جارالانىپ، اۋرۋحاناعا جەتكىزىلدى. دارىگەرلەردىڭ ايتۋىنشا، ونىڭ ومىرىنە ءقازىر ءقاۋىپ ءتونىپ تۇرعان جوق. قىلمىستىق ءىس قوزعالىپ، كۇدىكتى ۋاقىتشا ۇستاۋ يزولياتورىنا قامالدى.
You Might Also Like
-
ادام جانى – تەرەڭ مۇحيت ىسپەتتى. ونىڭ بەتىندە سانا تۇرسا، تەرەڭىندە ءتۇپسانا جاتادى. ءتۇپسانا – ءبىزدىڭ ويىمىزعا، ارەكەتىمىزگە، ءتىپتى تاعدىرىمىزعا اسەر ەتەتىن كوزگە كورىنبەيتىن كۇش. بۇل بەيسانالىق قاب...
-
قازاقستان پرەزيدەنتى قاسىم-جومارت توقايەۆ ءبىرقاتار ەلگە جاڭا ەلشىلەردى تاعايىنداۋ تۋرالى جارلىققا قول قويدى. بۇل جولى كادرلىق ءاۋىس-تۇيىس موڭعوليا، شۆەسيا جانە شري-لانكا ەلدەرىندەگى ديپلوماتيالىق وكى...
