بەرەشەگى بارلارعا شەكارا جابىق: سالىق كودەكسىنە جاڭا تالاپ ەنگىزىلەدى
قازاقستاندا سالىق تولەمەگەندەرگە قاتىستى باقىلاۋ كۇشەيمەك. جاڭا سالىق كودەكسى جوباسىندا قارىزى بار ازاماتتاردىڭ شەتەلگە شىعۋىنا اۆتوماتتى تىيىم سالۋ ۇسىنىلىپ وتىر.
بۇگىنگە دەيىن مۇنداي شەكتەۋ تەك سوت شەشىمىمەن عانا ەنگىزىلەتىن. الدىمەن بورىشكەرگە ەسكەرتۋ جاسالىپ، ءىس جەكە سوت ورىنداۋشىلارىنا جولدانادى. ولار سوتقا جۇگىنىپ، شەشىم شىققان سوڭ عانا ازاماتتىڭ ەلدەن شىعۋىنا توسقاۋىل قويىلاتىن.
ەندى بۇل پروسەدۋرا جەڭىلدەتىلىپ، سالىق ورگاندارىنا كوبىرەك وكىلەت بەرىلۋى مۇمكىن. ولار بورىشكەردىڭ ەلدەن ۋاقىتشا شىعۋىن وزدەرى شەكتەيتىن قاۋلى شىعارىپ، سوتقا جىبەرەدى. سوت ءۇش كۇن ىشىندە بۇل قۇجاتتى بەكىتۋى نەمەسە كەرى قايتارۋى ءتيىس. قاۋلى ماقۇلدانسا، شەتەلگە شىعۋعا قارىز وتەلگەنگە دەيىن اۆتوماتتى تۇردە تىيىم سالىنادى.
بۇل تالاپ تەك جەكە ازاماتتارعا عانا ەمەس:
- جەكە كاسىپكەرلەرگە،
- كومپانيا ديرەكتورلارىنا دا قاتىستى بولادى.
قۇجات ءقازىر سەناتتىڭ قاراۋىندا. قولداۋ تاپسا، 2025 جىلدىڭ 1 قاڭتارىنان باستاپ كۇشىنە ەنەدى.
You Might Also Like
-
ۆپەرۆىە ۆ كازاحستانە سوزدان سويۋز كۋرەروۆ دليا زاششيتى يح پراۆ ي ينتەرەسوۆ
-
استانادا رەسپۋبليكا داڭعىلىندا جولاۋشىلار اۆتوبۋسى جارىق باعاناسىنا سوعىلدى. الدىن الا مالىمەتكە سايكەس، جۇرگىزۋشى مانيەۆر جاساۋ كەزىندە كولىكتى باسقارا الماي، جول-كولىك وقيعاسىنا سەبەپ بولعان.
