InfoHub Logo

ەلىمىزدىڭ ەڭ الدىڭعى قاتارلى ۋنيۆەرسيتەتى، قاراشاڭىراعىمىز ءال-فارابي اتىنداعى قازاق ۇلتتىق ۋنيۆەرسيتەتىنىڭ ىرگەتاسى 1934 جىلى قالاندى. بۇگىنگى كۇنى ۋنيۆەرسيتەتىمىزدە 20 000-عا جۋىق ستۋدەنت ءبىلىم الادى. ون ءۇش فاكۋلتەتتەن تۇراتىن ۋنيۆەرسيتەتتە ءۇش مىڭعا جۋىق پروفەسسور-وقىتۋشىلار قۇرامى ستۋدەنتتەرگە ءبىلىم بەرىپ كەلەدى.

قالا ىشىندەگى «كازگۋگراد» قالاشىعى دەپ اتالىپ كەتكەن قۇتتى مەكەندە ستۋدەنتتەردىڭ ءبىلىم الۋىنا بارلىق مۇمكىندىك جاسالعان. ءو.جولداسبەكوۆ اتىنداعى 1600 ورىندىق ستۋدەنتتەر سارايى، تمد ەلدەرىندەگى جالعىز ۇلكەن اۋقىمدى «ءال-فارابي» كىتاپحاناسى، سپورتكەشەنى مەن ستاديون، جاڭا عيماراتتار، اسكەري كافەدرا، تەحنوپارك، 5000 ستۋدەنتكە ارنالعان ستۋدەنتتەر ءۇيى، مەديسينالىق ورتالىق جانە ستۋدەنتتەرگە قىزمەت ەتۋ ورتالىعى ستۋدەنتتەر يگىلىگى ءۇشىن قىزمەت جاساپ وتىر.

ستۋدەنتتەر سارايىندا ونەرلى ستۋدەنتتەرگە ارنالعان ستۋدەنتتەر كلۋبى جۇمىس اتقارادى. ستۋدەنتتەر كلۋبىنىڭ دارىندى مۇشەلەرى تالاي بايقاۋلاردىڭ جەڭىمپازدارى. سونىڭ ءبىرى رەتىندە، «باقىت» بي ءانسامبلىن ەرەكشە اتاپ وتۋگە بولادى.

ۋنيۆەرسيتەتىمىزدە ءداستۇرلى تۇردە «جالىن» ءبىرىنشى كۋرس تالانتتارىن انىقتاۋ، «ستۋدەنتتىك كوكتەم»، كۆن، «انا ءتىلى ارۋى-جىگىت سۇلتانى» سياقتى بايقاۋلار جوعارى دەڭگەيدە وتكىزىلىپ تۇرادى.

سونداي-اق، ستۋدەنتتەردىڭ كوشباسشىلىق قابىلەتتەرىن، ۇيىمداستىرۋشىلىق قاسيەتتەرىن دامىتۋ ماقساتىندا جاستار ۇيىمدارى كوميتەتى جۇمىس ىستەيدى. ونىڭ قۇرامىنا «سۇڭقار» ستۋدەنتتەر كاسىپوداعى، ستۋدەنتتەر سەناتى، «كومەك» ەرىكتىلەر قوزعالىسى، ستۋدەنتتەر كەڭەسى، ستۋدەنتتەردىڭ عىلىمي قوعامى كىرەدى. قازىرگى ۋاقىتتا ۋنيۆەرسيتەتتەگى بارلىق مەرەكەلىك ءىس-شارالار تىكەلەي اتالعان جاستاردىڭ قاتىسۋىمەن وتەدى.

بەس جىل بۇرىن وسىنداي كەرەمەت مەكەننىڭ ستۋدەنتى اتاندىم. بۇرىنعى كەزدەرى ۇلكەندەر «ومىردەگى ەڭ قىزىقتى شاقتار – ستۋدەنتتىك شاقتار» دەسە تۇسىنبەيتىن ەدىك. ناعىز ومىرلىك دوستاردى وسى جەردەن تاپتىم. ۇمىتىلماس كەشتەر مەن ساتتەر وسى ۋنيۆەرسيتەتتە بولدى. ومىردەگى ەڭ ىستىق سەزىمدەر مەن پەيىلدەر، سىيلاستىق پەن قۇرمەت – بارلىعىن وسى قازۇۋ-دان الدىم. ارينە، مۇنىڭ بارلىعى مەنىڭ ۋنيۆەرسيتەت بەلسەندىلەرىنىڭ، ياعني «قايماقتارىنىڭ» قاتارىنا قوسىلعان كەزىمنەن باستالدى.

قازۇۋ – تالانتتى، دارىندى ستۋدەنتتەردىڭ باسىن بىرىكتىرىپ وتىرعان مەكەن. سىيلاستىق پەن شىنايى دوستىقتىڭ مەكەنى، قازۇۋ – عاشىقتاردىڭ مەكەنى. قازۇۋ – ادامنىڭ تۇلعا بولىپ قالىپتاسۋىنا ىقپال ەتىپ، تۇلعانىڭ جان-جاقتى قابىلەتىن اشىپ كورسەتۋىنە مۇمكىندىك بەرەتىن مەكەن. سول سەبەپتى دە، مەن ءوزىمنىڭ قازۇۋ-دا جۇرگەندىگىمدى ومىرىمدەگى ەڭ ۇلكەن ساتتىلىك دەپ سانايمىن.

ءال – فارابي اتىنداعى قازۇۋ ۋنيۆەرسيتەتى

مەحانيكا – ماتەماتيكا فاكۋلتەتىنىڭ 1 – كۋرس ماگيسترانتى

ءابدىراسىل نازەركە مەدەتبەك قىزى ۋرازگالييەۆا سۆەتلانا امانجولوۆنانىڭ جەتەكشىلىگىمەن

---