InfoHub Logo

«ءبىلىم باسى باستاۋىشتا قالانار،
بىلىممەنەن الەمگە جول سالىنار»
1 - جۇرگىزۋشى:
كىرىسپە ءسوز:
- نۇردانا، ءبىلىمدى بولۋ دەگەنىمىز نە؟
2 - جۇرگىزۋشى:
- ءبىلىمدى بولۋ - بارىنەن بۇرىن ادام بولۋ دەگەن ءسوز. ومىردەگى بارلىق جاقسىلىق بىلىمنەن شىعادى.
1 - جۇرگىزۋشى
- ءبىلىم – سەنىڭ سەرىگىڭ، ومىرلىك جولداسىڭ. ادام ءوزىنىڭ بارلىق كەرەگىن، وي - ارمانىن، تالاپ تىلەگىن تەك ءبىلىم ارقىلى عانا قاناعاتتاندىرا الادى.
2 - جۇرگىزۋشى:
ۋا جاراندار، جاراندار!
مىنا بىزگە قاراڭدار!
مىنەكەي زالدا تىنىشتىق
ەستىلمەيدى دىبىس تۇك
مۇنى ءبىز دە قوشتايمىز
كەشىككەندى توسپايمىز
«ءبىلىم باسى باستاۋىشتا قالانار،
بىلىممەنەن الەمگە جول سالىنار» اتتى
اپتالىقتى باستايمىز.
ايانات: قۇرمەتتى ۇستازدار مەن وقۋشىلار!
ەلىمىزدىڭ ەرتەڭى ءبىلىمدى ازاماتتىڭ قولىندا ەكەنى وزدەرىڭىزگە بەلگىلى. بۇگىنگى ءبىلىمدى شاكىرت ەرتەڭگى ەل تۇتقاسىن ۇستايتىن ازامات. سول ازامات بويىندا تاپقىرلىقتى، العىرلىقتى قالىپتاستىرۋ مەكتەپ قابىرعاسىنان باستالادى.

بالاۋسا: ەلباسىمىز ن. ءا. نازاربايەۆ جولداۋىندا ايتقانداي: «بولاشاقتا وركەنيەتتى دامىعان ەلدەردىڭ قاتارىنا ەنۋ ءۇشىن زامان تالابىنا ساي ءبىلىم قاجەت. قازاقستاندى دامىعان ەلدەردىڭ قاتارىنا جەتكىزەتىن، تەرەزەسىن تەڭ ەتەتىن – ءبىلىم».
ميراس: كىتاپ كەرەك ءبىلىم تاڭداپ الارعا
ءبىلىم كەرەك ىسكە جاقسى قاراعا
كىتاپ - شىراق قارا ءتۇندى اشاتىن
ءبىلىم - جارىق نۇرىن ساعان شاشاتىن.

اقەركە: كىتاپتى وقىمايدى سىيلاماعان،
بىلىمگە جانىن تانىپ قيناماعان.
وسىرگەن كىمنىڭ بولسىن وي - ءورىسىن،
سول كىتاپ باس اقىلشى كۇندە ماعان.
تالاپ: اناشىمداي سىر شەرتكەن،
اقىل - ءبىلىم ۇيرەتكەن.
انا ءتىلىن وقىدىق،
ەرەكشە زور قۇرمەتپەن.
انا ءتىلىن سۇيەمىز،
قۇرمەتپەن باس يەمىز.

نازەركە: قازاق ءتىلى پانىنەن،
ءبىلىم الدى بالالار.
سويلەمدى، ءسوز تاپتارىن،
ەتىستىكتىڭ شاقتارىن،
جالعاۋلار مەن جۇرناقتار.
ەرەجەسىن جاتتادىم.

نۇردانا: ويلانىپ ەسەپ شىعارتىپ،
ءتورت تاڭبانى بىلدىرگەن.
عىلىمداردىڭ پاتشاسى،
ماتەماتيكا داناسى

انەل: جاستىڭ ءوستى ساناسى
ەلجىرەيدى جۇرەگى
باستاۋىشقا بار بالا،
العىس ايتىپ جۇرەدى.
بەيبىت: جەردەن اۋىر دەگەنىم:(ءبارى) – اقىل - ءبىلىم،
سۋدان تەرەڭ دەگەنىم: (ءبارى) – وقۋ - عىلىم.

حور: بالاپان ءانى
كوڭىلدى ءبىزدىڭ بالالار
وينايدى دا كۇلەدى.
وقۋدى دا ۇمىتپاي
بىلىمگە كوڭىل بولەدى.

كوڭىلدى ءبىزدىڭ بالالار،
دوس ءقادىرىن بىلەدى
دوسقا ادال سوندىقتان
كومەككە اركەز كەلەدى.

بەيبىت: كەۋدەمنەن سەزىم سەلى اقتارىلسىن،
بولارمىن كۇنى ەرتەڭ - اق ماقتانىشىم،
ءبىلىم الىپ، تەر توگەم، ەڭبەك ەتەم،
ءوزىڭنىڭ سەنىمىڭدى اقتاۋ ءۇشىن!

انەل: ابەس دەمە مۇنىمدى
ايتايىن ءبىر شىنىمدى.
تالماي وقىپ، ىزدەنىپ،
يگەرەمىن عىلىمدى.

تالاپ: ادالمىن مەن حالقىما
ادالمىن مەن انتىما
كىم بولسام دا ەلىمنىڭ
داق سالمايمىن داڭقىنا.

نۇردانا: اقىل، سانا، ءبىلىم مەن
(ءبارى) ونەرگە ءبىز سەنەمىز!
ارىم تازا، اق كوڭىل
(ءبارى) ادالدىققا سەنەمىز!
ابىرويلى اق نيەت،
(ءبارى) ادامدىققا سەنەمىز!

ايانات: «بىلەم» دەمە، بالام!
بىلمەيتىنىڭ كوپ شىعار.
ءبارىن بىلگەن ادام
دۇنيەدە جوق شىعار - دەپ اقىن اعامىز وتەباي تۇرمانجانوۆ ايتقانداي كوپ بىلۋگە ۇمتىلايىق.

حور: بالاپان ءانى
كەل بالالار قانەكەي
پاراقتايىق ءالىپبي
تالاي قىزىق كۇتۋدە
ءبارىمىزدى الەمدە
جالىقپا سەن جالىقپا
وقى، توقى، ارماندا
ءبارىن بىلگەن بالاعا
جاقىن بولار الىس تا

1 - جۇرگىزۋشى: تالپىنامىز، تويلايمىز
تالاپتى ءبىز جويمايمىز.
ۇلى ماقسات شىڭىنا،
شىقپاي استە قويمايمىز.- دەپ،
«ءبىلىم باسى باستاۋىشتا قالانار،
بىلىممەنەن الەمگە جول سالىنار» تاقىرىبىنداعى اپتالىقتىڭ اشىلۋ سالتاناتىن اياقتايمىز.