ءبىلىم ءمينيسترى: وقۋ جىلىن ماۋسىم ايىنا دەيىن ۇزارتۋعا تۋرا كەلەدى
بەسكۇندىك ءبىلىم جۇيەسىنە كوشەتىن بولساق، وقۋ جىلىن جازدىڭ ورتاسىنا دەيىن ۇزارتۋعا تۋرا كەلەدى. بۇل تۋرالى بۇگىن ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
«بۇل بىزگە وتە قاجەت، سەبەبى ءبىز بەسكۇندىك وقۋ جۇيەسىنە كوشەتىن بولساق، وقۋشىلار تاعى 36 كۇن دەمالادى. وسى 36 كۇننىڭ ورنىن تولتىرۋ كەرەك. سول سەبەپتى ءبىز مەكتەپتە وقۋ ۋاقىتىن جازدا ۇزارتۋعا تۋرا كەلەدى»، - دەدى مينيستر تىلشىلەرگە بەرگەن سۇxباتىندا.
«بۇگىنگى ۋاقىتتا ءبىرىنشى سىنىپ وقۋشىلارى 1 ماۋسىمدا وقۋلارىن اياقتايدى دەپ جوسپارلانۋدا. جىل سايىن بۇل مەرزىم ۇزارا تۇسەدى جانە ماۋسىمنىڭ ورتاسىنا دەيىن جەتۋى ىقتيمال»، - دەدى ە. ساعادييەۆ.
ونىڭ ايتۋىنشا، وقۋ ۋاقىتىنىڭ ۇزارۋى جاڭا ءبىلىم بەرۋ باعدارلاماسىنىڭ قابىلدانۋىنا دا بايلانىستى بولىپ وتىر.
You Might Also Like
-
استانادا وقۋشىلاردىڭ مەكتەپ فورماسىن تىگەتىن وتاندىق وندىرۋشىلەردىڭ كورمە-فورۋمى وتۋدە. اتالمىش كورمەدە كورسەتىلگەن مەكتەپ فورمالارىن كورۋ ءۇشىن ق ر ءبىلىم جانە عىلىم ءمينيسترى ەرلان ساعادييەۆ ارنايى كە...
