InfoHub Logo

ۇكى ءبارىن، ءتىپتى ودان دا كوپ بىلەتىن. ونى ەشنارسەمەن تاڭ قالدىرۋعا بولمايتىن. كەز-كەلگەن جاڭالىقتى ول قۇلىقسىز تىڭداپ، ۇنەمى بىلاي دەيتىن:
— مۇنىڭ ءبارىن مەن وسىدان جيىرما جىل بۇرىن بىلگەم.
— سەن بىلەسىڭ بە؟.. دەپ بىرەۋلەر سۇرايتىن.
— باياعىدان بىلەمىن، باسقا جاڭا ءبىر نارسە ايتپايسىڭ با، — دەپ جاۋاپ قاتۋشى ەدى.
ءتىپتى كەرەمەت وقىمىستىلاردىڭ ءوزى، ۇكى ولارعا سۇراق قويعاندا وزدەرىن اقىماق سەزىنەتىن.
— سەن بىلەسىڭ بە، -دەپ سۇرايتىن ولاردان ۇكى.
— نەنى؟
— ەشتەڭەنى دە بىلمەيسىڭ، بىلە دە المايسىڭ، ءتىپتى سەنىمەن سويلەسۋدىڭ قاجەتى دە جوق، — دەپ جاۋاپ بەرەتىن-دى.
سودان ءبىر كۇنى ۇكى ورماندا ەشتەڭە بىلمەيتىن تىشقاننىڭ بالاسى ءومىر سۇرەتىنىن ەستىپتى.
— مىناۋ نە دەگەن جاڭالىق – دەپ ۇكى العاش رەت تاڭ قالىپتى. – مۇنى ءتىپتى مەن دە بىلمەدىم.
ۇكى سول ەرەكشە تىشقاندى كورمەكشى بولادى. ونى ۇزاق ىزدەيدى. كوپتەگەن تىشقاننىڭ بالالارىن اۋلاپ ءجۇرىپ، ارەڭ دەگەندە ءوز ءىنىنىڭ جانىنان دىم بىلمەس تىشقاندى كەزدەستىرەدى. ول تىشقاننىڭ بالاسىن ۇستاپ الماقشى بولادى، ءبىراق ول زىپ بەرىپ ىنىنە كىرىپ كەتەدى.
— بۇل الەمدە نە بار نە جوعىنان حابارسىز دىم بىلمەس سەنبىسىڭ؟ – دەپ سۇرايدى ۇكى.
— بىلمەيمىن! – دەپ جاۋاپ بەرەدى تىشقاننىڭ بالاسى.
— ءبىراق سەن ۇكىلەردىڭ تىشقانداردى جەيتىنىن بىلەسىڭ عوي؟
— بىلگەن جوقپىن! – دەيدى تىشقاننىڭ بالاسى.
— وندا مەنەن نەگە جاسىرىندىڭ؟
— سەن مەنى جەپ قويماس ءۇشىن، — دەيدى تىشقان بالاسى.
— ياعني، سەن بىردەڭە بولسا دا، بىلەسىڭ! – دەيدى كوڭىلى قالعان ۇكى. – الداما مەنى.
— مەن تەك بىرنارسەنى تۇسىنەمىن! – دەيدى تىشقان بالاسى.
— ولاي بولۋى مۇمكىن بە؟! – دەپ تاڭ قالدى ۇكى.
— ءبارىن ءبىلۋىڭ، ءبىراق ەشتەڭە تۇسىنبەۋىڭ مۇمكىن! – دەپ جاۋاپ قاتادى تىشقان بالاسى. سولاي دەيدى دە، ىنىنە كىرىپ كەتەدى.
— مەن ءبارىبىر سەنى ۇستايمىن! – دەدى ۇكى. – سەن ماعان ءبارىن تۇسىندىرەسىڭ، كوكمي.
سودان بەرى ۇكى اعاشتىڭ قۋىسىنا وتىرىپ الىپ كۇن ۇزاعىنا ويعا شوماتىن كورىنەدى. ءارى ويلانادى، بەرى ويلانادى، ءبىراق تىشقان بالاسىنىڭ سوزدەرىن تۇسىنە المايدى. ءسال قاراڭعى تۇسسە بولدى، ۇكى تىشقاندى اۋلاۋعا شىعادى، ال ول بولسا، جەت قات جەردىڭ استىنا كىرىپ كەتكەندەي جوعالادى.
وسىلايشا ونىڭ اۋلاعان تىشقاندارىنا سان جەپتەيدى، ءبىراق ودان ەش پايدا بولمادى. ولاردىڭ شيقىلىنان باسقا ەشتەڭە ەستي المادى. سودان بەرى ۇكى قاراڭعى تۇسسە بولدى، «ۋح-ۋح-ۋح!» دەپ تەرەڭ كۇرسىنەتىن كورىنەدى.

---