InfoHub Logo

بەلگىلى رەجيسسەر اقان ساتايەۆتىڭ ءبىرىنشى ايەلى الەۋمەتتىك جەلىدە ومىرىندەگى ەڭ اۋىر كەزەڭدەردىڭ ءبىرى تۋرالى اسەرلى جازبا جاريالادى. ول سابيىنەن ەرتە ايىرىلعانىن ايتىپ، جىلدار وتسە دە جۇرەكتەگى جارانىڭ جازىلماعانىن جەتكىزدى.

بۇل تۋرالى Infohub.kz اقپارات اگەنتتىگى حابارلايدى.

«بۇگىن مەنىڭ قىزىم توميريس 32 جاسقا تولار ەدى. ءبىراق ول نەبارى 9 كۇن عانا ءومىر ءسۇردى. وتىز جىلدان استام ۋاقىت وتسە دە، سول كۇننەن كەيىنگى جان تۇرشىگەرلىك تىنىشتىق ءالى ەسىمدە. سول كەزدە ونىڭ ءبىر رەت تىنىس العانى ءۇشىن، ءبىر رەت جىلاعانى ءۇشىن، ونى قۇشاعىما ءبىر ءسات ۇستاۋ ءۇشىن بارىمدى بەرەر ەدىم. ءبىراق ونداي مۇمكىندىك بولمادى… سول كەزدە انام ماعان تىرەك بولدى. جۇرەگىم مەن ءتانىم جارالانىپ قالدى، ال ومىراۋىمداعى ءسۇت باسقا ءسابيدى امان الىپ قالدى — مەنىڭ “ءسۇت بالام” بار»، – دەپ جازدى ول.

كەيىن ءومىر جالعاستى. قۇداي ماعان بەس بالا سىيلادى. مەن ولاردى ءوسىرىپ، ءار ءساتىن باعالادىم: بالانى قۇشاقتاۋ، العاشقى قادامدارىن كورۋ، كۇلكىسىن ەستۋ – بۇل وزدىگىنەن بەرىلەتىن نارسە ەمەس. بۇل – كەز كەلگەن ادامعا بۇيىرا بەرمەيتىن ۇلكەن سىي»، – دەدى ول.

ول قازىرگى تاڭدا دا بۇل قايعى جۇرەگىندە ساقتالعانىن ايتىپ، اتا-انالارعا ماڭىزدى ۇندەۋ جاسادى. «بۇگىن مەن بۇل جازبانى ايانىش ءۇشىن ەمەس، ەسكە سالۋ ءۇشىن جازىپ وتىرمىن. شارشادىم دەپ، قىڭىرلىعى ءۇشىن نەمەسە ۇيقىسىز تۇندەر ءۇشىن بالالارىڭىزعا رەنجىمەڭىزدەر. ءومىر قىسقا ءارى بولجاۋسىز. ءبارى اللانىڭ قولىندا. بالالار – بىزدەگى ەڭ قىمبات بايلىق. ولاردى قادىرلەڭىزدەر، ەشقاشان تەرىس اينالماڭىزدار»، – دەپ تۇيىندەدى ول.