InfoHub Logo

كوپشىلىك "قىز جىبەك" فيلمىندەگى باستى رولدەردى سومداعان مەرۋەرت وتەكەشوۆا مەن قۇمان تاستانبەكوۆتىڭ ماحاببات حيكاياسىنىڭ بىردەن باستالعانىن ويلايدى. الايدا، حالىق ءارتىسى مەرۋەرت وتەكەشوۆانىڭ ءوزى ايتقانداي، بۇل جايلى جۇرت بىلمەگەن تىڭ دەرەكتەر بار.

بۇل تۋرالى Infohub.kz اقپارات اگەنتتىگى حابارلايدى.

اكتريسانىڭ سوزىنشە، "قىز جىبەك" ءفيلمىن ءتۇسىرۋ كەزىندە ول ءبىر جىلداي ۋاقىتىن جۇمىسقا ارناعان. ال قۇمان تاستانبەكوۆ تەاتر قىزمەتىندە بولعاندىقتان، ولاردىڭ اراقاتىناسى بىردەن گۇلدەنىپ كەتپەگەن.

كەزدەسۋلەر تاڭعى قۇيماقحانادا باستالعان

مەرۋەرت وتەكەشوۆانىڭ ەستەلىكتەرىنە سۇيەنسەك، ولاردىڭ كەزدەسۋلەرى كوبىنە تاڭعى ۋاقىتتا، الماتىداعى ابىلايحان مەن جىبەك جولى كوشەلەرىنىڭ قيىلىسىندا ورنالاسقان قۇيماق پىسىرەتىن كافەدە وتكەن. تاڭ اتا ءبىر-بىرىن كورىپ، قۇيماق جەپ، سودان كەيىن ءارتىس وقۋ ورنىنا، ال سەرىگى تەاترىنا اتتاناتىن بولعان. اكتريسا بۇل كەزدەسۋلەردى "شىنايى رومانتيكا" دەپ سيپاتتايدى.

ونەر يەسى قازىرگى جاستاردىڭ مۇنداي قاراپايىم، ءبىراق جىلى كەزدەسۋلەردى سيرەك ۇيىمداستىراتىنىن ايتىپ، وكىنىش ءبىلدىردى.

"قىز جىبەك" – قازاق كينوسىنىڭ التىن قازىناسى

1970 جىلى "قازاقفيلم" ستۋدياسى تۇسىرگەن بۇل فيلم ەكى بولىمنەن تۇرادى. رەجيسسەرى سۇلتاناحمەت قوجىقوۆ، سەنارييىن عابيت مۇسىرەپوۆ جازعان. فيلم قازاق تىلىندە ءتۇسىرىلىپ، ەپوستىق-درامالىق جانرداعى تۋىندى رەتىندە تانىلدى.

باستى رولدەردە مەرۋەرت وتەكەشوۆا، قۇمان تاستانبەكوۆ جانە ءاسانالى ءاشىموۆ ونەر كورسەتكەن. ءفيلمنىڭ مۋزىكاسىن بەلگىلى كومپوزيتور نۇرعيسا تىلەندييەۆ جازعان.

ءفيلمنىڭ جەلىسى قازاقتىڭ ايگىلى ليرو-ەپوستىق جىرىنا نەگىزدەلگەن. وندا تولەگەن مەن جىبەكتىڭ ماحابباتى، بەكەجاننىڭ قىزعانىشى، سانسىزبايدىڭ ەرلىگى سياقتى وقيعالار باياندالادى. "قىز جىبەك" قازاق مادەنيەتىنىڭ التىن قورىنا ەنگەن تۋىندى بولىپ سانالادى.