سوڭعى جاڭارتۋ

(وزگەرتىلگەن ۋاقىتى 1 كۇن بۇرىن)
بىرلىگى جاراسقان قازاقستان
تاربيە ساعاتى بىرلىگى جاراسقان قازاقستان

ماقساتى: بالالاردىڭ «دوستىق»، «بىرلىك»، «حالىق» قۇندىلىقتارى تۋرالى تۇسىنىكتەرىن كەڭەيتۋ، ىنتىماقتىققا، دوستىققا، ءوز وتانىن سۇيۋگە، قورعاۋعا تاربيەلەۋ.
كورنەكىلىگى: تۋ، ەلتاڭبا، ءانۇران، پرەزيدەنتتىڭ سۋرەتى، شاڭىراق.

بارىسى:
شاتتىق شەڭبەرى

ارمىسىڭ اسىل كۇن،
ارمىسىڭ اسىل جەر،
ارمىسىڭ اسىل دوس،
ارمىسىن اسىل اسپان،
ءبىر - بىرىڭە جىلۋ قوس،
بولايىقشى جاقىن دوس!

سەندەردەي اقىلدى، مەيىرىمدى، بىلىمگە قۇشتار بالالاردى كورگەنىمە مەن بۇگىن وتە قۋانىشتىمىن. ەندەشە، سەندەر دە سونداي قۋانىشتى جۇزبەن ءبىر - بىرلەرىڭە كۇلىمسىرەي قاراڭدار جانە باس ءيىپ، مىنا زالدا وتىرعان قوناقتارمەن امانداسايىق.
ايان:
ءانۇرانىم – جانۇرانىم،
ايتار ءانىم - سويلەر ءسوزىم.
ماڭگى باقي شىرقالادى.
رەسپۋبليكام ءانۇرانى!
قازاقستان رەسپۋبليكاسىنىڭ ءانۇرانى ورىندالادى.
- ءبىز سەندەرمەن قازاقستان رەسپۋبليكاسىنىڭ ءانۇرانىن ورىندادىق. ءانۇراننىڭ اۆتورلارى كىم؟
ەدىل: ءانۇراننىڭ ءسوزىن جازعاندار: جۇمەكەن ناجىمەدەنوۆ،
نۇرسۇلتان نازاربايەۆ، ءانىن جازعان: ءشامشى قالداياقوۆ
كۇندەر ءوتتى كەشەگى،
جىگەر قۇم بوپ جاسىعان،
نەسىنە ونى جاسىرام؟
ءانۇرانىم بۇگىنگى
باعا جەتپەس اسىل ءان
- ەلىمىزدىڭ تاعى قانداي رامىزدەرى بار؟ ول تۋرالى نە بىلەسىڭدەر؟
دايانا:
قازاقستان رەسپۋبليكاسىنىڭ مەملەكەتتىك ەلتاڭباسىنىڭ اۆتورلارى — جانداربەك ءمالiبەكوۆ پەن شوتا ءۋاليحانوۆ.
ەلتاڭبا - ەگەمەن ەلدىڭ بەلگىسى.
ەلتاڭبا - وزگە ەلمەن تەڭدىكتىڭ بەلگىسى.
امير:
قازاقستان رەسپۋبليكاسىنىڭ مەملەكەتتىك تۋىنىڭ اۆتورى — سۋرەتشi شاكەن نيازبەكوۆ.
جاراسقان بايراقتىڭ ءمانى بار،
كوك اسپان، كۇن، قىران – ءسانى بار.
كوك بايراق – اشىق كوك كەڭىسىم،
التىن كۇن - بەلگىسى جەڭىستىڭ.
التىن كۇن كوتەرگەن ەل قۇسى -
حالقىمنىڭ باتىرلىق بەلگىسى!
ءمۇعالىم:
وتان – ءار ادامنىڭ جۇرەگىنە جىلى تيەر قاسيەتتى ءسوز. ادام جۇرەكسىز ءومىر سۇرە المايتىنداي، وتانسىز دا ءومىر سۇرە المايدى. وتان – ءبىزدىڭ تۋعان جەرىمىز، ءوزىمىزدىڭ تۋعان – تۋىسقانىمىز، دوس - جاراندارىمىزبەن بىرگە تۇراتىن ەلىمىز.
ءبىزدىڭ وتانىمىز – قازاقستان.
بۇگىنگى قازاقستان دۇنيە جۇزىندەگى كوپتەگەن مەملەكەتتەر تانىعان ەل. ونىڭ ءوز ەلتاڭباسى، تۋى، ءانۇرانى بار.
رەسپۋبليكا حالقىنىڭ سانى 17 ميلليونداي.
جەرگىلىكتى ۇلت - قازاقتارمەن بىرگە باسقا دا 130 - داي ۇلت وكىلدەرى ءبىر - بىرىمەن تۋىسقانداي بولىپ كەتكەن. قازاقستاننىڭ شارۋاشىلىعى مەن مادەنيەتىن دامىتۋعا بارلىق ۇلت وكىلدەرى بەلسەنە قاتىسىپ، بىرلەسە ەڭبەك ەتىپ كەلەدى. بيىل قازاقستان اسسامبلەياسىنا 20 جىل تولدى.
بۇگىنگى تاربيە ساعاتىمىزدىڭ «بىرلىگى جاراسقان قازاقستان» اتالعانى دا وسىعان بايلانىستى.
بي «پوپۋرري»

اق قارا دەپ الدىمەن،
ەلىم بولمەس ادامدى.
ءداستۇر، ونەر، سالتىمەن
تاڭقالدىرعان عالامدى.

جىرلاسا قازاق، تۇركىمەن،
مولداۆان، تاجىك ءۇن قوسقان.
دوس جۇرەكتەر بىرىككەن،
مەيىرلەر جاراسقان.

تىڭدا، تىڭدا، تىڭدا مەنى،
ۇلى جۇرتىم - ورىس حالقىم.
سەن تەربەتىپ وسىرگەنسىڭ،
سەنىڭ داڭقىڭ - مەنىڭ داڭقىم.

كىم سۇيمەيدى ەت جاقىنىن، تۋىسىن،\
ۋكراينا تۋىسىمنىڭ ءبىرىسىڭ.
تۇردى بيىك تۋىمىزداي بۇل دوستىق،
ەل باسىنا تونگەندە دە ۇلى سىن.

قادىرمەندى ءبىر دوسىمىز – وزبەگىم،
قالتقىسى جوق دەمىڭ بەينە ءوز دەمىم
ءوز سوزىمدەي جانعا جايلى سوزدەرىڭ،
ءوز كوزىمدەي كۇلىمدەيدى كوزدەرىڭ

ءدام - تۇزىمىز ارالاسپىز ارىدەن،
داستارقاندار جايىلادى سانىمەن.
پالاۋىڭمەن باسبارماعىم سىبايلاس،
كەزەك جەيمىز الما، ورىك دامىڭنەن.

جولىم ءتۇسىپ، تاعدىر تالاپ،
گرۋزين دوس، بولدىم قوناق،
قازاعىمداي كەڭ پەيىلىڭ،
داستارحاندى جايدىڭ مول - اق

قازاق – قىرعىز تۋىسسىڭدار، دوسسسىڭدار،
ءبىر تامىردان سەندەر وسكەن قوس شىنار.
دوس تۋىستار كوپ بولسا دا دۇنيەدە،
ناق سەندەردەي ناعىز تۋىس جوق شىعار.

ءان «دوستىق»

كورىنىس: «قىرعىز بەن گرۋزين ايتىسى»
گرۋزين: دامير
قىرعىز: امير
قازاق قىزى: قاراقات
دامير: قىرعىزعا تاڭىرقاي قاراعان گرۋزين قىرعىزدان.
- سەنىڭ ۇلتىڭ كىم؟
امير:- قىرعىز.
دامير:- سەن قىرعىز بولساڭ ءوز ەلىڭە نەگە بارمايسىڭ؟
امير:- مەنىڭ ءوز ەلىم – قازاقستان.
دامير:- جوق سەن قىرعىزستاندا تۇرۋىڭ كەرەك!
امير:- و نە دەگەنىڭ! مەن قازاقستاندا تۇرامىن. مەن قازاقستاندى ءوز وتانىم دەپ بىلەمىن.
دامير:- سەن ءوز ەلىڭە قالايدا كەتۋىڭ كەرەك.
امير:- ال سەن گرۋزينسىڭ عوي! سەن مۇندا نە ىستەپ ءجۇرسىڭ؟
- سەن دە ءوز ەلىڭ بار! (وسىلاي داۋلاسىپ جاتقاندا، قازاق قىزى كەلەدى)
قاراقات: - بالالار، وسىنشاما نەگە داۋلاسىپ، جاتىرسىڭدار؟ مەنىڭ بىلگىم كەلەدى.
(ەكەۋى قوسارلانا) ءبىز ءارقايسىمىزدى ءوز ەلىنە بارۋىڭ كەرەك دەپ جاتىرمىز. قايسىمىزدىڭ كەتەرىمىزدى بىلمەيمىز.
قاراقات:- و نە دەگەندەرىڭ! ءبىزدىڭ وتانىمىز قازاقستان كوپ ۇلت مەكەندەيتىن مەملەكەت ەمەس پە؟ مۇندا قىرعىز دا، گرۋزين دە، ورىس تا تاعى باسقا دا تۇرا بەرەدى. تۇرعاندا تاتۋ – ءتاتتى تۇرىپ جاتىر، ال سەندەر داۋلاساسىڭدار كەلىپ. ولاي بولسا، بىزگە نەگە دوس بولماسقا! قانە سالىڭدار قولدارىڭدى!
(بىرگە قوسىلىپ) ءبىز دوسپىز، ءارقاشان بىرگەمىز. «ىنتىماق بار جەردە بىرلىك، دوستىق، تاتۋلىق بار» ەندەشە ىنتىماعىمىز ءارقاشاندا جاراسا بەرسىن.

قاراقات: كىم بىلمەس قازاعىمنىڭ قويۋ شايىن،
جال - جايا، قازى - قارتا، قۇرت پەن مايىن.
اق تىلەكپەن ءاربىر كەلگەن قوناعىنا،
قۇرمەتپەن شىعاراتىن ءتورى دايىن.
كەلىڭىز ۇسىنامىن توردەن ورىن،
«دوسىم» دەگەن ادامعا مىنە قولىم.
ءار قازاقتىڭ جۇرەگىندە وسى تىلەك،
ادامزات، وڭ ساپاردا بولسىن جولىڭ.

ءان «داستارحان»

بيىل قازاق حاندىعىنىڭ قۇرىلعانىنا 550 جىل!
بيىل ۇلى وتان سوعىسىنىڭ اياقتالعانىنا 70 جىل!
بيىل قازاقستان رەسپۋبليكاسىنىڭ كونستيتۋسياسىنا 20 جىل!
بيىل قازاقستان اسسامبلياسىنا 20 جىل!

ءمۇعالىم:
بىرلىگى مەن ىنتىماعى حالىقتىڭ،
كوگىمىزدە جارقىرايدى جارىق كۇن،
ىرىس، داۋلەت، باقىت ءۇشىن حالىقتىڭ،
جايناي بەرسىن، جايناي بەرسىن جارىق كۇن.

حورمەن: اقپىز، قارا، سارىمىز،
اعايىنبىز ءبارىمىز.
ورتاق بولسىن اسار تاۋ،
جەمىس تولى باقشا - باۋ.
بولسىن جەر مەن سۋ ورتاق،
بولسىن بىزگە نۋ ورتاق.
اقپىز، قارا، سارىمىز،
اعايىنبىز ءبارىمىز
ءمۇعالىم:
وسىمەن تاربيە ساعاتىمىز اياقتالدى.
كوڭىل قويىپ تىڭداعاندارىڭىزعا راحمەت!

احمەتوۆا گۋلدەن جۋماجانوۆنا

You Might Also Like

جاڭالىقتار

جارناما