InfoHub Logo

ءبىز ءومىردىڭ گۇلىمىز! (دايارلىقپەن قوشتاسۋ ەرتەڭگىلىگىنە ارنالعان سەناريي)

ماقساتى: بالالاردىڭ دايارلىقتا العان بىلىمدەرىن تەكسەرۋ، قورىتىندىلاۋ.
مىندەتتەرى:
1. بالالاردىڭ بىلىمدەرىن پىسىقتاۋ، ءوز ويلارىن تولىق جەتكىزە بىلۋگە داعدىلاندىرۋ.
2. سوزدىك قورى مەن ءتىل بايلىقتارىن دامىتۋ.
3. ۇلكەندەردى قۇرمەتتەۋگە، ۇيىمشىلدىققا، ۇجىمشىلدىققا تاربيەلەۋ.
كورنەكىلىكتەر: شار، گۇلدەر، مەرەكەلىك جازۋلار.

بارىسى:
ءى. ۇيىمداستىرۋ كەزەڭى
جۇرگىزۋشىلەر ساحناعا شىعادى.
1 - ءشى جۇرگىزۋشى: قىمباتتى اتا - انالار، ءقادىرلى قوناقتار، قۇرمەتتى مۇعالىمدەر بۇگىن ءبىز ماپەلەپ، كۇتىپ تاربيەلەگەن بۇلدىرشىندەرىمىزدى دايارلىقپەن قوشتاستىرعالى وتىرمىز. ارينە، بۇل دا ۇلكەن توي، تويلارىڭىز قۇتتى بولسىن.

2 - ءشى جۇرگىزۋشى:
ءوتتى قىزىق كوپ كۇندەر
جەتى جاسقا جەتتىڭدەر
باراسىڭدار سىنىپقا
ءبىر بەلەستەن وتتىڭدەر
1 - ءشى جۇرگىزۋشى:
ءوستى اقىل ويلارىڭ
ءوستى مىنە بويلارىڭ
قۋانىشقا ورتاقپىن
قۇتتى بولسىن تويلارىڭ
ساحناعا بالالار شىعىپ تاقپاقتارىن ايتادى.

1 - ءشى بالا: تاميرلان
قۋانامىز، سىيلايمىز
قۋانىشتىڭ مىڭ گۇلىن
دايارلىقپەن قيماي ءبىز
قوشتاساتىن كۇن بۇگىن

2 - ءشى بالا: گۋلۆيرا
بوتاقانداي بوبەك دەپ
ەركەلەتكەن ۇل - قىزىن
انامىزدى ەرەكشە
قۋانتامىز ءبىز بۇگىن

3 - ءشى بالا: نۇرەل
بۇل قۋانىش سەبەبىن
بىزگە قاراپ ۇعارسىڭ
ەرجەتتى دەپ بوبەگىم
تۋعان وتان قۋانسىن
تۋعان دالا قۋانسىن

4 - ءشى بالا: ساۋلە
جەردە قار جاتسا دا
اسىر سالىپ اقپاندا
كۇندە ەرتەمەن مەكتەپكە
كەلەتىنبىز اق تاڭدا

5 - ءشى بالا: ايدوس
دوبىم، دوبىم دومالاق
قايدا كەتتىڭ دومالاپ؟
ۇستەل ءۇستىن ءبۇلدىردىڭ
تارەلكەنى سىندىردىڭ

6 - شى بالا: گۇلزادا
انا ءتىلىن ارداقتاپ
اتا سالتىن ءبىز كوردىك
سۋرەت سالىپ، ءان جاتتاپ
وقىپ، جازىپ ۇيرەندىك

7 - ءشى بالا: ءمادي
سۇيگەن ءوز ۇل - قىزىن
بوبەگىم دەپ ايانباي مەكتەبىم ءوز ءۇيىم
تاربيەشىم بولدى انامداي

2 - ءشى جۇرگىزۋشى: ءان: «اق كوگەرشىن» ورىندايتىن «وركەن» دايارلىق توبىنىڭ وقۋشىسى بايجان ۇلى دىنمۇحامەت.

1 - ءشى جۇرگىزۋشى: بالالار بىزگە قوناققا «ساۋات اشۋ» مەن «الىپپە» كەلە جاتىر، كانە قارسى الايىق.(بالالار امانداسىپ قارسى الادى)

الىپپە ءسوزى: ارمىسىڭدار، جاس دوستار
ارمىسىڭدار، اتا - انا
بولاشاققا جول باستار
الىپپە كەلدى ورتاعا
ءبىلىم دەگەن عاجايىپتىڭ
الىپپەسىن مەڭگەرەر
كەلەشەگى قازاقتىڭ
باستالادى سەندەردەن

ساۋات اشۋ: ءبىز سەندەر دايارلىقپەن قوشتاسىپ جاتىر دەگەندى ەستىپ قوناققا كەلدىك. ەندى ونەرلەرىڭدى، بىلىمدەرىڭدى الىپپەگە كورسەتىڭدەر.

2 - ءشى جۇرگىزۋشى: ال ەندى بالالار ءبىز بىلىمدەرىمىزدى، ونەرلەرىمىزدى الىپپە مەن ساۋات اشۋعا كورسەتەيىك. كىشكەنتاي ارىپتەردى ورتاعا شاقىرايىق.

1 - ءشى بالا: الىشەر ارىپتەردى تانىڭدار
ءبارىن جاتتاپ الىڭدار
وندا قىزىق ويىن بار
وعان كوڭىل قويىڭدار

2 - ءشى بالا: باۋىرجان ويناڭدار دا ويلاڭدار
قىزىعىنا تويماڭدار
ءبارىن قاراپ شىعىڭدار
ءارىپ سىرىن ۇعىڭدار
3 - شى بالا: ءمولدىر
ا دەگەنىم ارداقتى
اق ءسۇت بەرگەن انامىز
4 - ءشى بالا: جاننەل
ب دەگەنىم بال ءتىلىم
ءبىز باقىتتى بالامىز
5 - ءشى بالا: ەرمەك
ءا دەگەنىم ءانشىنىڭ
انگە اينالعان اۋەنى
1 - ءشى جۇرگىزۋشى: مىڭ بۇرالعان ارۋلار اڭداپ باسىپ،
كەلەدى مىنە ورتاعا تولقىپ تاسىپ.
ارۋلارىن سىيلاعان، حالقىم مەنىڭ،
كوڭىلدى قوشەمەتپەن قارسى الايىق!- دەپ مىڭ بۇرالعان بيشىلەرىمىزدى قارسى الىڭىزدار.
بي: «شىعىس ءبيى» ورتادا بيشىلەر توبى
2 - ءشى جۇرگىزۋشى: بالالار، ماتەماتيكاداعى تاپقىشبەك دەگەن جولداستارىڭدى بىلەسىڭدەر مە؟ (ءيا)
بۇگىنگى كەشىمىزگە تاپقىشبەك تە كەلە جاتىر، كانە، قارسى الايىق.(تاپقىشبەك كەلىپ بالالارمەن امانداسادى)
تاپقىشبەك: سالەمەتسىڭدەر مە بالالار! سەندەر ماتەماتيكا الىپپە - داپتەرىندەگى مەنىڭ تاپسىرمالارىمدى ورىنداپ جۇردىڭدەر. ەندى سەندەردى ءوز كوزىممەن كورەيىن دەپ بۇگىنگى قوشتاسۋ كەشتەرىڭدى ەستىپ كەلىپ قالدىم. قۇر الاقان كەلمەي وزىممەن بىرگە سەندەردىڭ بىلىمدەرىڭدى تەكسەرۋ ءۇشىن تاپسىرمالار الا كەلدىم.
تاپقىشبەك: وي، بالالار، سەندەر ءبارىن بىلەدى ەكەنسىڭدەر. ءبىرىنشى سىنىپقا دايارلىقتارىڭ جاقسى ەكەن. قالامىزدا سەندەر سياقتى كوپ بالالار ءبىتىرىپ جاتىر سولارعا دا بارايىن، ساۋ بولىڭدار.
1 - ءشى جۇرگىزۋشى: ءان: «انا» ورىندايتىن «بالداۋرەن» دايارلىق توبىنىڭ وقۋشىسى تايگونىروۆ ەلجان.
الىپپە: بالالار سەندەرگە ريزامىن ءبىلىمدى، ونەرلى ەكەنسىڭدەر ءبىراق ەرتەگى تىڭداعىم كەلىپ تۇر. ماعان ەرتەگى قويىپ بەرىڭدەرشى.
2 - ءشى جۇرگىزۋشى: ەندەشە ەرتەگى تاماشالايىق.
«بالداۋرەن» دايارلىق توبى - «باۋىرساق»ەرتەگىسى
ءبىز ءومىردىڭ گۇلىمىز! (دايارلىقپەن قوشتاسۋ ەرتەڭگىلىگىنە ارنالعان سەناريي) جۇكتەۋ