tengrinews.kz
قازاقستان بيۋدجەتى 335 ميلليارد تەڭگەگە كەم ءتۇستى: جوعارى اۋديتورلىق پالاتا باسشىسى مالىمدەدى
مەملەكەتتىك بيۋدجەتتىڭ كىرىستەرى جوسپارلانعاننان 335 ميلليارد تەڭگەگە كەم ءتۇستى. بۇل تۋرالى جوعارى اۋديتورلىق پالاتانىڭ (جاپ) ءتوراعاسى ءاليحان سمايلوۆ مالىمدەدى. ونىڭ ايتۋىنشا، بۇل جاعداي بيۋدجەتتى جوسپارلاۋداعى كەمشىلىكتەر مەن سالىقتىق بولجامداردىڭ تىم وپتيميستىك بولۋىنان تۋىنداعان.
بۇل تۋرالى Infohub.kz اقپارات اگەنتتىگى حابارلايدى.
ءاليحان ءسمايلوۆتىڭ سوزىنە قاراعاندا، 2025 جىلى ءجىو ناقتى كولەمى بولجامنان 9 تريلليون تەڭگەگە اسىپ تۇسكەنىمەن، بيۋدجەت 335 ميلليارد تەڭگەگە كەم تۇسكەن. بۇعان نەگىزگى سەبەپ – بيۋدجەت قالىپتاستىرۋ كەزىندە سالىقتىق تۇسىمدەردىڭ كۇتىلەتىن كولەمىن اسىرا باعالاۋ.
سالىقتىق بولجامدارداعى كەمشىلىكتەر
«مۇنىڭ ءبارى جوسپارلاۋداعى كەمشىلىكتەر مەن سالىقتىق بولجامداردىڭ شامادان تىس وپتيميستىك بولۋىنىڭ سالدارى»، - دەدى سمايلوۆ.
جاپ باسشىسى بۇعان دەيىن اۋديتشىلەردىڭ كىرىستەردى بولجاۋ ادىستەمەسىندەگى بۇزۋشىلىقتارعا توقتالعانىن ەسكە سالدى. ونىڭ ايتۋىنشا، ەسەپتەۋلەر كەزىندە اسىرا باعالانعان پارامەترلەر، سونداي-اق قولدانىستاعى ادىستەمەدە قاراستىرىلماعان قوسىمشا تۇسىمدەر پايدالانىلعان.
بيۋدجەت تاپشىلىعى مەن قارىزدار
ءاليحان سمايلوۆ اسىرا باعالانعان بولجامداردىڭ كەلەسى جىلدارى سالىق بازاسىنىڭ قىسقارۋىنا اكەپ سوعاتىنىن اتاپ ءوتتى.
جوعارى اۋديتورلىق پالاتانىڭ باعالاۋى بويىنشا، 2025 جىلى بيۋدجەتكە 2026 جىلعا تيەسىلى 154 ميلليارد تەڭگە تولەمدەر تۇسكەن. سونىمەن قاتار، مەملەكەت سالىق تولەۋشىلەرگە قوسىلعان قۇن سالىعى بويىنشا 900 ميلليارد تەڭگەگە جۋىق سومانى قايتارماعان. پالاتا ءتوراعاسىنىڭ ايتۋىنشا، ءتىپتى مۇنداي شارالار دا بيۋدجەتتىڭ كىرىستەرى مەن شىعىستارىن تەڭەستىرە الماعان.
«2025 جىلدىڭ قورىتىندىسى بويىنشا جوسپارلانعان 244 ميلليارد تەڭگە بولىنبەدى، سونداي-اق ايتارلىقتاي كرەديتورلىق بەرەشەك قالىپتاستى»، - دەدى ول.
سمايلوۆ بيۋدجەت تاپشىلىعى ءالى دە ەلەۋلى ەكەنىن دە اتاپ ءوتتى. ونى قىسقارتۋ بويىنشا جوسپارلار قابىلدانعانىمەن، اۋديتورلار ولاردىڭ ورتا مەرزىمدى پەرسپەكتيۆادا ورىندالۋى ەكىتالاي دەپ سانايدى.
-
Scammers are using AI-generated images of a mother with a child to spread false information online، raising concerns about digital deception.
-
قازاقستانعا ميللياردتاعان تەڭگەگە ساتىپ الىنعان Stadler كومپانياسىنىڭ جولاۋشىلار ۆاگوندارى نەگە كەشىگىپ جاتقانى بەلگىلى بولدى. "سامۇرىق-قازىنا" وكىلى ماسەلەنىڭ ءمان-جايىن ءتۇسىندىردى.
