Photo: Ayazhan (https://www.pexels.com/@ayazhan-3173683) / Pexels
"بىزدە ساتىلمايتىن ادام جوق": تاناگوز تولقىن قىزى قوعامداعى كەمشىلىكتەردى سىنعا الدى
الەۋمەتتىك جەلىدە بۇعان دەيىن دە ءوزىنىڭ وتكىر پىكىرلەرىمەن كوزگە تۇسكەن تاناگوز تولقىن قىزى تاعى دا قوعامداعى وزەكتى ماسەلەلەرگە قاتىستى سالماقتى ويىن جاريالادى. بۇل جولى ول ەلدەگى مورالدىق داعدارىس، ساتىلعىشتىق پەن ادىلەتسىزدىككە باسا نازار اۋدارىپ، ۇلتتىق سانانىڭ تومەندەۋىنە الاڭداۋشىلىق ءبىلدىردى.
بۇل تۋرالى Infohub.kz اقپارات اگەنتتىگى حابارلايدى.
«ءبارىنىڭ موينىندا باعاسى بار»
اۆتور جازباسىن «ءبىز نەگە باقىتسىز ۇلتپىز؟» دەگەن وزەكتى ساۋالمەن باستاپ، قوعامداعى جاعدايدى سىن كوزبەن باعالايدى. ونىڭ ايتۋىنشا، بۇگىنگى تاڭدا ساتىلمايتىن ادام قالماعان.
«وكىنىشكە قاراي، بىزدە ساتىلمايتىن ادام جوق. ءبارىنىڭ موينىندا باعاسى جازىلعان بيركا تۇر. بىرەۋىنىڭ قۇنى – الىپ جۇرگەن جالاقىسى، بىرەۋىنىڭ قۇنى – بەس كۇندىك كرەسلوسى، بىرەۋىنىڭ قۇنى – كاسىبى، بىرەۋىنىڭ قۇنى – تەندەر»، - دەپ جازدى ول.
تاناگوز تولقىن قىزىنىڭ پىكىرىنشە، قوعامدا ار-ۇيات پەن ءوزىن-وزى قۇرمەتتەۋ سەزىمى السىرەگەن. ال وزگەرىس جاساۋعا دەگەن ۇمتىلىس پەن دايىندىق مۇلدەم جوق.
وزگەرىس ءۇشىن كۇرەسۋ قاجەت
اۆتور وزگەرىستىڭ تەك ادام ولۋگە دايىن بولعاندا عانا كەلەتىنىن، ال ەشكىمنىڭ مۇنداي قادامعا بارۋعا نيەتتى ەمەستىگىن ايتادى. بۇل جاعداي وزگەرىستىڭ ەشقاشان كەلمەيتىنىن مەڭزەيدى.
ول سونداي-اق، ءاليحان بوكەيحان، احمەت بايتۇرسىن ۇلى سىندى تاريحي تۇلعالاردىڭ ەرەن ەڭبەگى مەن قۇرباندىعىن ەسكە الىپ، ولاردىڭ كۇرەسى مەن قازىرگى قوعامنىڭ بەلسەندىلىگىن سالىستىرادى. ماحاتما گانديدىڭ «ساتياگراحا» – اقيقات پەن ادىلەت ءۇشىن بەيبىت كۇرەس فيلوسوفياسىن مىسالعا كەلتىرىپ، ونىڭ «الەمدى كۇشپەن ەمەس، ار-وجدان ارقىلى جەڭگەنىن» اتاپ وتەدى.
تاناگوز تولقىن قىزى قازىرگى قوعامدا وسىنداي تاباندىلىق پەن پرينسيپتىلىكتىڭ جەتىسپەيتىنىن، اسىرەسە، قازاق ءتىلىنىڭ ماسەلەسىنە ەرەكشە توقتالدى.
«ال سەنىڭ ۇلى جورىعىڭ – قازاق تىلىندە سويلەۋ. ماحابباتپەن سويلەۋ. تاباندى تۇردە سويلەۋ. ءپرينسيپتى تۇردە سويلەۋ. سول تىلدە سويلەۋگە يمەنبەي، نامىستانباي سويلەۋ»، - دەپ جازدى ول.
اۆتوردىڭ ويىنشا، قوعامداعى جاعدايدى جاقسارتۋ ءۇشىن ءار ادام وزگەرىستى وزىنەن باستاۋى ءتيىس.
جەلى قولدانۋشىلارى بۇل جازباعا ءارتۇرلى پىكىر ءبىلدىرىپ، كەيبىرى اۆتوردى قولداسا، ەندى ءبىرى ونىڭ ويىمەن كەلىسپەيتىنىن جەتكىزگەن. اتالعان جازبا قوعامداعى وزەكتى ماسەلەلەردى تاعى ءبىر مارتە كۇن تارتىبىنە شىعاردى.
-
روسسييسكيي اكتەر تيحون كوترەلوۆ، يزۆەستنىي پو روليام ۆ پوپۋليارنىح سەريالاح، سكونچالسيا ۆ ۆوزراستە 49 لەت. ستالي يزۆەستنى پودروبنوستي ەگو پوسلەدنيح دنەي.
-
قازاقستان سىرتقى ىستەر مينيسترلىگى تاياۋ شىعىستاعى جاعدايعا بايلانىستى رەسمي پوزيسياسىن ءبىلدىردى. مينيستر ەرمەك قوشەربايەۆ ءباا سىرتقى ىستەر مينيسترىمەن تەلەفون ارقىلى سويلەستى.
