Tengrinews.kz
بلوگەر جانابىلوۆدىڭ ايەلى سوتقا كەلمەدى: سوت ەكى ساعات ۋاقىت بەردى
استانادا بلوگەرلەر ەربولات جانابىلوۆ پەن ەلميرا تولەگەنوۆاعا قاتىستى سوت پروسەسى جالعاسۋدا. بۇگىن سوتتالۋشىلار سوڭعى سوزدەرىن ايتۋى ءتيىس بولعان، الايدا تولەگەنوۆا سوتقا كەلمەدى.
بۇل تۋرالى Infohub.kz اقپارات اگەنتتىگى حابارلايدى.
سوتتالۋشىنىڭ ادۆوكاتى گاۋحار ايتجانوۆانىڭ ايتۋىنشا، ونىڭ قورعاۋىنداعى ازاماتشا دەنساۋلىعىنا بايلانىستى سوت وتىرىسىنا قاتىسا الماعان. ادۆوكات سوتقا كەلمەۋ سەبەبىن راستايتىن قۇجاتتاردى كەيىنىرەك ۇسىناتىنىن مالىمدەدى.
سۋديا ادىلبەك بايماحانوۆ، دەنساۋلىق جاعدايىن راستايتىن قۇجاتتار سوت وتىرىسى كەزىندە ۇسىنىلماعانىن اتاپ ءوتتى. ول سوتتالۋشىعا قۇجاتتاردى ۇسىنۋ نەمەسە ونلاين قوسۋ ءۇشىن ەكى ساعات ۋاقىت بەرىلەتىنىن ايتتى. ەگەر بۇل تالاپ ورىندالماسا، سوت وتىرىسىنىڭ سەبەبى نەگىزسىز دەپ تانىلىپ، قىلمىستىق ءىستى قاراۋعا كەدەرگى كەلتىرگەنى انىقتالادى. ايتپەسە، سوت شارا قولداناتىنىن ەسكەرتتى.
وسىعان بايلانىستى سۋديا ەكى ساعاتقا ءۇزىلىس جاريالادى.
-
اقمولا وبلىسىنداعى «ورتالىق پلوۆ Loft» كافەسىندەگى ءورت قاۋىپسىزدىگى تالاپتارىنىڭ بۇزىلۋىنا قاتىستى تەرگەۋ جالعاسۋدا. بۇل ءىس بويىنشا تاعى ەكى ادام ۇستالدى.
-
Elmira Tolegenova، wife of blogger Erbolat Zhanabylov، failed to appear for a crucial court hearing، prompting a judicial deadline.
