InfoHub Logo

باتىس قازاقستان وبلىسى، ورال قالاسى،
ا. س. ماكارەنكو اتىنداعى № 6 جالپى ورتا ءبىلىم بەرەتىن مەكتەبىنىڭ
5 «گ» سىنىپ وقۋشىسى وتەپكالييەۆ نۇرجان ەربول ۇلى 11جاستا
قاتىساتىن بايگەسى: شىعارما كونكۋرسى (شىعارما جازۋدان)
تاقىرىبى: «بولاشاقتا كىم بولام؟»
قازاق ءتىلى ءپانىنىڭ ءمۇعالىمى: راكيشيەۆا ميرگۋل ەربولاتوۆنا

«بولاشاقتا كىم بولامىن؟»
مەن باتىس قازاقستان وبلىسى، ورال قالاسىنداعى ا. س. ماكارەنكو اتىنداعى №6 جالپى ورتا ءبىلىم مەكتەبىنىڭ 5 «گ» سىنىبىندا وقيمىن. ءوزىم ورىس مەكتەبىندە ءبىلىم العانىممەن قازاق تىلىندە ەركىن سويلەيمىن، ويتكەنى، قازاق ءتىلى – مەنىڭ قانىممەن بىرگە بىتكەن ءوز انا ءتىلىم ءارى ءبىز ۇيدە وتباسىمىزبەن تەك قازاق تىلىندە سويلەسەمىز. مەن سول ءۇشىن ماقتانامىن، ويتكەنى ءار ادام ءوز انا ءتىلىن جەتە ءبىلۋ كەرەك دەپ ويلايمىن. ءبىر كۇنى قازاق تىلىنەن ساباق بەرەتىن ءمۇعالىمىم وسى تاقىرىپتا شىعارما جازۋدى تاپسىرعاندا، مەن قۋانا كەلىستىم.
ءيا، ءار ادامنىڭ ارمانى بولادى عوي، مەنىڭ دە بالالىق ارماندارىم وتە كوپ. ارمانسىز ادام بولمايدى. ارمان ادامعا قانات بىتىرەدى. مەنى وسكەندە كىم بولامىن، قانداي ماماندىقتى تاڭدايمىن دەگەن سۇراقتىڭ تولعاندىراتىنى راس. ماماندىق تاڭداۋ مەكتەپ قابىرعاسىنان باستالادى. ماماندىق تاڭداۋ - ءومىرىڭنىڭ ءبىر كىرپىشىن دۇرىس قالاۋ. ماماندىق تاڭداۋ دەگەن ءوزىڭ اينالىسقىڭ كەلەتىن جۇمىستى تاڭداۋ عانا ەمەس، ءوزىڭ ارالاسقىڭ كەلەتىن ورتانى دا تاڭداۋ. قازاق"ادام ەكى ءتۇرلى جاعدايدا قاتەلەسپەۋ كەرەك: ءبىرى - جار تاڭداعاندا، ەكىنشىسى – ماماندىق تاڭداعاندا" دەپ بەكەر ايتپاسا كەرەك.
اسەمپاز بولما ارنەگە،
ونەرپاز بولساڭ ارقالان.
سەن دە ءبىر كىرپىش دۇنيەگە،
كەتىگىن تاپ تا بار قالان،- دەپ، اباي اتامىز ايتقانداي، ومىردەن ءوز ورنىمىزدى تاۋىپ، ادال ەڭبەك ەتۋ ءار ادامنىڭ ارمانى دەپ ويلايمىن. ارينە، ءار ادامنىڭ دا تاڭداۋى ءار ءتۇرلى. ءبىرى ءمۇعالىم بولسا، ەكىنشىسى – دارىگەر، كەيبىرى ءبيشى، ءانشى ماماندىقتارىن تاڭداپ جاتادى. مەنىڭ ويىمشا، ماماندىقتىڭ جامانى بولمايدى، تەك ادام بالاسى وزىنە ۇنايتىن، ءوزى جان - تانىمەن قالايتىن ماماندىقتى تاڭداۋ كەرەك سياقتى. ماماندىق تاڭداۋدا قاتەلەسۋگە بولمايدى، ويتكەنى ءاربىر ادامنىڭ بولاشاعى تاڭداعان ماماندىعىنا بايلانىستى بولماق. ادام ءوزى تاڭداپ العان ماماندىعىن جاقسى كورىپ، شىن پەيىلمەن اتقارسا عانا، سول ەڭبەگىنىڭ جەمىسىن كورەدى. كەيبىر كىشكەنتاي بالالار مەن وسكەندە فۋتبولشى بولام، جۇرگىزۋشى بولام دەپ ارمانداپ ايتىپ جاتادى عوي. ال مەن كىشكەنتاي كەزىمنەن بولاشاقتا تەك دارىگەر بولامىن دەپ ارمانداپ كەلەمىن. ويتكەنى، دارىگەر بولۋ – مەنىڭ ارمانىم. بولاشاقتا دارىگەر بولىپ، ادامدارعا كومەكتەسكىم كەلەدى. ادامداردىڭ دەنساۋلىقتارىن تەكسەرىپ، ەمدەپ، ولاردىڭ جۇزدەرىندەگى قۋانىشتى كورگىم كەلەدى. ءبىلىمدى، مەيىرىمدى دارىگەر بولىپ، ولاردىڭ ومىرگە دەگەن قۇلشىنىستارىن ارتتىرعىم كەلەدى. ارينە، دارىگەر بولۋ – جاۋاپتى ماماندىق. بۇل ماماندىقتى تاڭداي وتىرىپ، سەن ادام ءومىرى ءۇشىن ۇلكەن ءبىر جاۋاپكەرشىلىكتى موينىڭا الاسىڭ. دارىگەر بولۋدى ۇلكەن مارتەبە دەپ بىلەمىن. مەنىڭ قولىمنان دارىگەر بولۋ كەلەدى، مەن بۇل ارمانىما قول جەتكىزۋگە تىرىساتىن بولامىن. ول ءۇشىن مەن ەڭ الدىمەن ساباعىمدى جاقسى وقىپ، مەديسينالىق ۋنيۆەرسيتەتكە ءتۇسۋىم قاجەت. مەنىڭشە، دارىگەر بولۋ مەنىڭ قولىمنان كەلەدى. ەڭ باستىسى، ادام ەڭبەككە قابىلەتتى، زەيىندى بولۋى قاجەت جانە ونىڭ ماماندىعى ءوزىن قورشاعان ورتاعا ماڭىزدى، باعالى ۇلەس قوساتىنداي بولۋى شارت. ءوز ىسىنە سەنىمدى، ماماندىعىن ءسۇيىپ تاڭداعان ادام عانا جەتىستىككە جەتەدى. ادام ەڭبەگىنەن قۋانىش تابا بىلسە عانا، شابىتى ارتا تۇسەدى. زور ىقىلاس، شابىتپەن ىستەلگەن ءىس بيىگىنە جەتكىزەتىن قانات. مەن ءوزىمنىڭ قالاعان مامان يەسى بولامىن! مەن وزىمە سەنەمىن!...