بولاشاقتىڭ باتىرى
ەستاي كۇنى-تۇنى بىرەسە ۇيالى تەلەفونىنا، بىرەسە قولىنداعى درونعا شۇقشيىپ، بىرنارسە جاسايدى دا جاتادى. اكەسى:
- بالام، اكەلشى انداعى نارسەڭدى... كورەيىن قانشا كۇننەن بەرى شۇقىلاپ جاتقان، بۇل نە عاجاپ ەكەنىن؟ - دەدى.
- مىنەكيىڭىز، درون عوي! الدىندا كوكەم اكەلىپ بەرگەن.
- بۇزىلىپ قالدى ما؟
- جوق، ىستەپ تۇر. تەك قالاي جاسالعانىن زەرتتەپ ءجۇرمىن.
- ول نەگە قاجەت؟
- بولاشاقتا بارلىق مەملەكەتتەر وزدەرىن تەك وسىنداي تەحنيكالاردىڭ كومەگىمەن قورعايتىن بولادى. ادامدار سوعىسپايدى. ال مەنىڭ باتىر بولعىم كەلەدى! بەيبىت كۇننىڭ باتىرى بولىپ، ەل قورعاۋعا ءوز اقىل-ويىمدى، ءبىلىمىمدى قوسقىم كەلەدى!
- جارايسىڭ ۇلىم! مەن سەنى بوسبەلبەۋ، قارا كۇشكە جوق بالا بولا ما دەسەم، سەن ناعىز بولاشاقتى ويلايتىن ازامات ەكەنسىڭ عوي؟ مۇنداي وي باسىڭا قايدان كەلىپ ءجۇر؟
- جاڭالىقتان كوردىم. تۇرىك ازاماتى ءوز ەلىنە شابۋىلعا شىققان مىقتى تانكتەردى، درونمەن-اق قيراتا سالدى! ادام شىعىنى بولعان جوق! كەرەمەت ەمەس پە؟
- البەتتە، كەرەمەت!
- ءبىز دە يادرولىق قارۋىمىزعا سەنبەي، وزىق عىلىمي-تەحنيكالار جاساۋىمىز قاجەت. الەم اياق تارتاتىن، جەرىمىزگە كوز تىگۋدەن قورقاتىن، دامىعان ەل بولۋىمىز قاجەت. ول ءۇشىن ءار بالا ءوز ماشيناسىن ويلاپ تابۋى ءتيىس.
اكەسى ارى قاراي ۇلىنىڭ ءسوزىن ەستىمەدى. ءوزى كۇنىگە جۇمساپ، كەيدە ماقتاپ، كەيدە ۇرساتىن بالاسى، ناعىز عالىم سەكىلدى ەلجىرەي قارادى. ىشتەي: "بار مالىمدى ساتسام دا، ۇلىما روبوتوتەحنيكانى وقىتپاسام" - دەپ ويلادى.
ال، بالاقاي! سەن نە ويناپ ءجۇرسىڭ؟ سەنىڭ دوستارىڭ عىلىمعا بەت بۇرىپ جاتىر! جاڭالىق اشپاقشى.. ەل قورعايتىن زاماناۋي تەحنيكا جاساماقشى! سەندە قانداي ارمان بار؟
ءار بالا - بولاشاق ەل ازاماتى. ال ازاماتتارعا ەلىن قورعاۋ - پارىز!
گۇلمەكەن قاسەنباي.
You Might Also Like
-
“دالا ۋالاياتىنىڭ گازەتى” – ومبى قالاسىندا 1888 جىلدان 1902 جىلعا دەيىنگى ارالىقتا شىعىپ تۇرعان قازاق جۋرناليستيكاسىنىڭ تاريحىنداعى ەكىنشى باسىلىم.
-
ساحناعا مۇگەدەكتەر ارباسىنا تاڭىلعان ەكى جىگىت شىعادى. ەكەۋى كولياسكالارىن قاتارلاستىرا زالعا قاراتىپ قويىپ، اڭگىمەلەسە باستايدى:
