بقو-دا ءمۇعالىم وقۋشىسىن ساباپ تاستادى
وبلىستىق بالالار اۋرۋحاناسىنا جەتكىزىلگەن جاسوسپىرىمگە وتا جاسالدى، دەپ حابارلادى «موي گورود». وقيعا بقو قازتالوۆ اۋدانىنداعى قاراوبا اۋىلىندا بولعان.
وقۋشىنىڭ اكەسى ولجاس ماقسوتوۆتىڭ ايتۋىنشا، ونىڭ ۇلى جەرگىلىكتى مەكتەپتە 10-سىنىپتا وقيدى. بارلىعى 4 قازان كۇنى بولدى. ءجاسوسپىرىم جاڭا الاڭعا فۋتبول ويناۋعا كەتكەن. كەيىن اكەسى ىشىمدىك ىشكەن تاريح ءپانىنىڭ ءمۇعالىمى الاڭعا ەدىلدى كىرگىزبەگەنىن، ال مەكتەپتىڭ اسكەري جەتەكشىسى بالانى ۇرعانىن ءبىلدى.
«العاشىندا ۇلىم ءتىس جارىپ ەشتەڭە ايتپادى، ءبىراق اۋرۋ دەندەگەن سوڭ، ءبارىن ايتىپ بەردى»، - دەدى اۋرۋحانادا ۇلىنىڭ قاسىندا جاتقان و.ماقسوتوۆ.
ءبىر اپتا بويى بالا اۋداندىق اۋرۋحانادا جاتتى. دەنساۋلىق ساقتاۋ باسقارماسىنىڭ باسپا ءسوز قىزمەتى ءقازىر 10-سىنىپ وقۋشىسىنىڭ وبلىستىق بالالار اۋرۋحاناسىندا جاتقانىن، وعان وتا جاسالعانىن مالىمدەدى.
قاراوبا اۋىلدىق وكرۋگىنىڭ اكىمى اسكەري جەتەكشىنىڭ قىزمەتىنەن بوساتىلعانىن حابارلادى. «توبەلەس سپورت الاڭىندا فۋتبول ويىنى كەزىندە بولعان. وعان نە تۇرتكى بولعانى ازىرگە بەلگىسىز. اسكەري جەتەكشىدەن بولەك، وندا تاريح ءپانىنىڭ ءمۇعالىمى دە بولعان، ونىڭ وقۋشىنى سوققىعا جىعۋعا قاتىسى بار-جوعى انىقتالىپ جاتىر. اتا-انا پوليسياعا شاعىم ءتۇسىردى. تەرگەۋ ءجۇرىپ جاتىر»، - دەدى قاراوبا اكىمى نۇرلىعالي دۇيسەكوۆ.
You Might Also Like
-
13 قازاندا مىسىر اراب رەسپۋبليكاسىنىڭ استاناسى كاير قالاسىندا قازاقتىڭ ۇلى اقىنى ءارى ويشىلى اباي قۇنانبايۇلىنا ارنالعان ەسكەرتكىش-بيۋستىڭ سالتاناتتى اشىلۋ ءراسىمى ءوتتى، دەپ xابارلايدى قازاقپارات.
