InfoHub Logo

قازاق ءتىلى 2 سىنىپ

ساباقتىڭ تاقىرىبى: بۋىن جانە تاسىمالدى قايتالاۋ.
ساباقتىڭ ماقساتى:
بىلىمدىلىك: بۋىن، تاسىمال تۋرالى ءبىرىنشى سىنىپتا العان بىلىمدەرىن ەسكە ءتۇسىرۋ، قايتالاۋ؛ داۋىستى دىبىستىڭ بۋىن قۇرايتىنى، بۋىنعا بولىنگەن سوزدەردىڭ بارلىعى بىردەي تاسىمالدانا بەرمەيتىنى تۋرالى تۇسىنىكتەرىن تەرەڭدەتۋ؛
دامىتۋشىلىق: بۋىنعا دۇرىس ءبولۋ، تاسىمالداي ءبىلۋ داعدىلارىن دامىتۋ؛
تاربيەلىك ءمانى: ساۋاتتى جازۋ ارقىلى ۇقىپتىلىققا، تياناقتىلىققا تاربيەلەۋ.
ساباقتىڭ ءادىس تاسىلدەرى: ەسكە ءتۇسىرۋ، وزىندىك جۇمىس، قورىتىندىلاۋ، ويىن.
ءپان ارالىق بايلانىس: ادەبيەتتىك وقۋ، ماتەماتيكا
كورنەكىلىك: ءسوز، بۋىن كارتوچكالارى، زاتتىق سۋرەتتەر
قولدانىلاتىن تەحنولوگيا: ءداستۇرلى
ساباقتىڭ ءتيپى: قايتالاۋ ساباعى
ساباقتىڭ ءوتۋ ءادىسى:
ساباقتىڭ جوسپارى:
ءى ۇيىمداستىرۋ كەزەڭى
ا) پسيحولوگيالىق دايىندىق
ءىى ءۇي تاپسىرماسىن تەكسەرۋ
ءىىى قىزىعۋشىلىعىن وياتۋ
ءىV ماعىنانى تانۋ
V وي تولعانىس

ساباق بارىسى:
ءى ۇيىمداستىرۋ كەزەڭى
وقۋشىلاردىڭ نازارىن تۇگەلدەي ساباققا اۋدارۋ
ا) پسيحولوگيالىق دايىندىق
مەيىرىمدى جۇرەكپەن،
اقپەيىلدى تىلەكپەن،
امانداسىپ الايىق،
ءبىر جادىراپ قالايىق

ءىى ءۇي تاپسىرماسىن تەكسەرۋ
4 بەت 3 - جاتتىعۋدى ءار قاتاردان ءۇش وقۋشىدان وقىتۋ.
- ءسوز نەدەن قۇرالادى؟
- سويلەم نەدەن قۇرالادى؟
- سويلەمنىڭ تۇرلەرىن اتا، مىسال كەلتىرىڭدەر.

ءىىى قىزىعۋشىلىعىن وياتۋ
- بالالار، ءبارىمىز سوزدەردى بۋىنعا ءبولۋدى بىلەمىز عوي. ەندەشە مىناداي ويىن وينايمىز.
ويىن: «قيمىلمەن كورسەت»
شارتى: ءمۇعالىم ءبىر بۋىندى ءسوز وقىسا، وقۋشىلار قوياننىڭ قيمىلىن سالادى. ەكى بۋىندى ءسوز وقىسا، بالىقتىڭ، ال ءۇش بۋىندى ءسوزدى وقىسا، ايۋدىڭ قيمىلىن كورسەتەدى. قاتەلەسكەن بالا ويىننان شىعىپ وتىرادى.

ءىV ماعىنانى تانۋ
ا) داپتەرمەن جۇمىس
داپتەرلەرىنە بۇگىنگى كۇندى جانە كوركەم جازۋ جولدارىن جازعىزۋ.
دىبىس: ءاا
سول دىبىسقا بايلانىستى ءسوز جازۋ: ءانشى
اۋىزشا سول سوزگە سويلەم قۇراتۋ، بۋىنعا ءبولۋ.

ءا) تاقتامەن جۇمىس
1 - جاتتىعۋدا وقۋشىلاردى نازارىن سۋرەتكە اۋدارۋ. وقۋ قۇرالدارىنىڭ اتتارىن اتاۋ. زاتتاردىڭ اتىن بۋىنعا ءبولىپ جازۋ. داۋىستى دىبىستاردىڭ استىن سىزۋ. سوزدە نەشە بۋىن، نەشە داۋىستى دىبىس بار ەكەنىن انىقتاۋ.
كى - تاپ، ءداپ - تەر، قا - لام - ساپ، سىز - عىش، ءو - ءشىر - گىش، قا - رىن - داش.
قورىتىندى: سوزدەگى بۋىن سانى داۋىستى دىبىسقا بايلانىستى ەكەنىن پىسىقتاۋ.
ب) وقۋلىقپەن جۇمىس

2 - جاتتىعۋدا ولەڭدى ىشتەي وقىعاننان كەيىن، بىرنەشە وقۋشى داۋىستاپ، بۋىنعا ءبولىپ وقيدى. ولەڭنەن ءبىر عانا داۋىستى دىبىستان تۇراتىن بۋىندى وزدەرى تاۋىپ، قورىتىندى شىعارادى. ياعني داۋىستى دىبىس ءوز الدىنا بۋىن قۇرايدى.

3 - جاتتىعۋ بويىنشا الدىمەن بۋىندار جازىلعان باعان مەن سوزدەر جازىلعان باعاندى سالىستىرادى. بۋىنداردان ءسوز قۇراۋعا، سوزدەردەن سويلەم قۇراستىرۋعا بولاتىنىن ايتادى. تاقتادا ورىندالادى: ساباق، پارتا، تاقتا، كىتاپ.
بولات كەشكە وقۋ قۇرالدارىن دايىنداپ قويادى.

سەرگىتۋ ءساتى:
قارلىعاشقا ۇقسايىق،
كانە، قانات جازايىق،
قارلىعاش بوپ ۇشايىق.
ۇشىپ، ۇشىپ الايىق.

تاسىمالداۋ ەرەجەلەرىن ەسكە ءتۇسىرۋ:
 ءبىر بۋىندى سوزدەر تاسىمالدانبايدى؛
 تەك داۋىستى دىبىستان بولعان بۋىن تاسىمالدانبايدى؛
 دەفيستەن كەيىن داۋىسسىز دىبىستان باستالىپ تاسىمالدانۋى كەرەك؛
 جالعىز دىبىس تاسىمالدانبايدى.
ءبىر ءسوزدىڭ بىرنەشە تاسىمالدانۋ ۇلگىسىن كورسەتۋ. «وقۋشىلاردىڭ» ءسوزىن بۋىنعا بولگىزۋ. و - قۋ - شى - لار - دىڭ (5 بۋىن)، 5 - بۋىندى ءسوز 3 جولمەن تاسىمالدانادى، سەبەبى جالعىز ارىپتەن تۇراتىن بۋىن تاسىمالدانبايدى.

تاسىمالداۋ جولىن كورسەتۋ:
1. وقۋ - شىلاردىڭ
2. وقۋشى – لاردىڭ
3. وقۋشىلار - دىڭ
ۆ) داپتەرمەن جۇمىس

4 - جاتتىعۋدا ءۇش، ءتورت بۋىندى سوزدەردى تاسىمالداپ ۇيرەنۋگە داعدىلاندىرۋ. تاسىمالداۋعا بولمايتىن سوزدەردى تابۋ: سەن، بە، ولار، وتە، ءومىر، مەن.
جال - قاۋ - لار (3 بۋىن ) سا - راڭ - دار - دى (4 بۋىن)
جال - قاۋلار سا - راڭداردى
جالقاۋ - لار ساراڭ - داردى
ساراڭدار – دى

گ) وزدىك جۇمىس
5 - جاتتىعۋدى وقۋشىلار داپتەرگە ءوز بەتتەرىنشە ورىندايدى، نەمەسە ءۇش قاتاردان ءبىر وقۋشىدان تاقتاعا ورىندايدى.
كۇن - دە - ءلى - گىم (4 بۋىن) قا - زاق ءتى - ءلى (2 بۋىن) ءداپ - تە - ءرىم - ءدى (4 بۋىن)
كۇن - دەلىگىم قا - زاق ءداپ - تەرىمدى
كۇندە - لىگىم ءتى - ءلى داپتە - ءرىمدى
كۇندەلى - گىم داپتەرىم - ءدى

V وي تولعانىس
سۇراق - جاۋاپ ارقىلى ساباقتى قورىتىندىلاۋ.
باعالاۋ.
ۇيگە تاپسىرما: «كىتاپتار، بالدىرعاندار» سوزدەرىن تاسىمالداپ كەلۋ.

استانا قالاسى، № 8 ورتا مەكتەپ
باستاۋىش سىنىپ ءمۇعالىمى
سەكسەنبايەۆا سەريككۋل ابباس قىزى