depositphotos.com
بۇل الەمدىك نارىقتى دۇرلىكتىردى: ءباا وپەك-تەن شىعاتىنىن مالىمدەدى
الەمدىك مۇناي نارىعىندا كۇتپەگەن جاڭالىق بولدى. بىرىككەن اراب امىرلىكتەرى (ءباا) وپەك جانە وپەك+ ۇيىمدارىنان شىعاتىنىن مالىمدەدى. بۇل حابارلامادان كەيىن Brent ماركالى مۇنايدىڭ باعاسى بىردەن قۇلدىرادى.
لوندوندىق ICE بيرجاسىنىڭ مالىمەتىنشە، ماۋسىم ايىنداعى Brent ماركالى مۇناي فيۋچەرستەرىنىڭ قۇنى ءبىر كەزدەرى باررەلىنە 112 دوللارعا دەيىن كوتەرىلگەنىمەن، ءباا-نىڭ مالىمدەمەسىنەن كەيىن 110،12 دوللارعا دەيىن تومەندەدى. WTI ماركالى مۇنايدىڭ ماۋسىمدىق فيۋچەرستەرى دە باررەلىنە 101،79 دوللاردان 98،89 دوللارعا دەيىن ارزاندادى.
بۇعان دەيىن اقش پەن يران اراسىنداعى بەيبىت كەلىسسوزدەردىڭ ەكىنشى كەزەڭىنىڭ ءساتسىز اياقتالۋىنا بايلانىستى مۇناي باعاسى جالپى العاندا ءوسىپ تۇرعان بولاتىن.
بۇل جاڭالىق قازاقستان ەكونوميكاسىنا دا اسەر ەتۋى مۇمكىن. مۇناي باعاسىنىڭ وزگەرۋى بيۋدجەت كىرىستەرىنە، ۇلتتىق قوردىڭ جاعدايىنا جانە تەڭگە باعامىنا تىكەلەي اسەر ەتەدى. ساراپشىلاردىڭ ايتۋىنشا، مۇناي باعاسىنىڭ جوعارى بولۋى ەل ەكونوميكاسىنا وڭ اسەر ەتكەنىمەن، ونىڭ تۇراقسىزدىعى ينفلياسياعا، ينۆەستيسيالارعا جانە قارجى نارىقتارىنا ءقاۋىپ توندىرەدى.
ايتا كەتەيىك، 2026-2028 جىلدارعا ارنالعان بيۋدجەتتە مۇناي باعاسىنىڭ باررەلىنە 60 دوللار، ال دوللار باعامىنىڭ 540 تەڭگە بولاتىنى ەسەپتەلگەن. بۇل كورسەتكىشتەر ەكسپورتتان تۇسەتىن تابىستى، الەۋمەتتىك تولەمدەردى جانە بيۋدجەتتىك باعدارلامالارعا ارنالعان شىعىنداردى ەسەپتەۋ ءۇشىن قولدانىلادى.
-
سارسەنباي كوتىراشوۆ، يزۆەستنىي پۋتەشەستۆەننيك يز ۋلىتاۋ، زاۆەرشيل سۆوي وچەرەدنوي گرانديوزنىي پەشيي پەرەحود، پرەودوليەۆ تىسياچي كيلومەتروۆ دو پاريجا.
-
كازاحستانسكيە حوككەيستى ۆىيگرالي ۋ سلوۆەنيي سو سچەتوم 2:1 ۆ توۆاريششەسكوم ماچە، گوتوۆياس ك پرەدستوياششەمۋ چەمپيوناتۋ ميرا.
