Photo: Ayazhan (https://www.pexels.com/@ayazhan-3173683) / Pexels
«بۇل تۋرالى ايتۋ وتە ۇياتتى». توقايەۆ عىلىم سالاسىنداعى 11 قىلمىستىق ءىس بويىنشا تەرگەۋ تۋرالى ايتتى
پرەزيدەنت قاسىم-جومارت توقايەۆ عىلىم سالاسىنداعى ءاربىر دامۋ ەلگە ناقتى پايدا اكەلۋى كەرەكتىگىن ايتتى. بۇل تۋرالى ول ءال-فارابي اتىنداعى قازۇۋ-دا عىلىمي قاۋىمداستىقپەن كەزدەسۋىندە مالىمدەدى.
مەملەكەت باسشىسى يننوۆاسيالاردى دامىتۋ قورىنا جاڭا مىندەتتەر جۇكتەلگەنىمەن، قوردىڭ قىزمەتى كوبىنەسە «ىس-ارەكەتتى يميتاسيالاۋمەن» اينالىساتىنىن اتاپ ءوتتى. سوندىقتان ونىڭ ناقتى قىزمەتى پراكتيكالىق تۇرعىدان زەردەلەۋدى قاجەت ەتەدى.
«نەگە ءوزىمىزدى الداۋىمىز كەرەك؟ عىلىم بار سياقتى، ءبىراق ناقتى پراكتيكالىق ناتيجە بەرمەيدى. ماعان 3000-نان استام قولدانبالى عىلىمي جوبانىڭ تەك 193 جوباسى بويىنشا عانا كوممەرسيالاندىرۋعا پايدالى ناتيجە الىنعانى، نارىققا تەك 29 جوبا شىققانى تۋرالى باياندالدى. ياعني، يندۋستريالىق اسەر، قايتارىم – وتە از، بۇل شىندىق»، – دەدى پرەزيدەنت.
ول سونداي-اق، زاماناۋي وندىرىستەر قۇرۋ ءۇشىن بولىنگەن جەر تەلىمدەرىنىڭ بوس تۇرعانىن ايتتى. ال عىلىم قورى ءوز جۇمىسىندا ەلەۋلى قاتەلىكتەر جىبەرگەنىنە قاراماستان، مەملەكەتتىك قاراجاتتى قايتارماعان، ءتىپتى قۇقىق قورعاۋ ورگاندارىنا جۇگىنبەگەن.
«ەشتەڭە بولماعانداي. ال ارادا قۇقىق قورعاۋ ورگاندارى گرانت رەتىندە الىنعان اقشانى ۇلتتىق عىلىمي-تەحنيكالىق ساراپتاما ورتالىعى مەن عىلىم قورىنىڭ قىزمەتكەرلەرىنە اۋدارۋ فاكتىلەرىن انىقتادى. تەرگەۋ قورىتىندىسى بويىنشا 11 قىلمىستىق ءىس بويىنشا تەرگەۋ ءجۇرىپ جاتىر. ناۋرىز مەرەكەسى قارساڭىندا بۇل تۋرالى ايتۋ وتە ۇياتتى، اسىرەسە مەن ۇلكەن قۇرمەت كورسەتەتىن عىلىم قىزمەتكەرلەرى تۋرالى ءسوز بولعاندا. ءبىراق زاڭ مەن ءتارتىپتىڭ كونستيتۋسيالىق قاعيداتى عىلىم سالاسىنداعىلارعا دا قاتىستى»، – دەدى قاسىم-جومارت توقايەۆ.
مەملەكەت باسشىسىنىڭ ايتۋىنشا، بۇل عىلىمي قاۋىمداستىقتىڭ بەدەلىن تۇسىرگەن جاعىمسىز وقيعا جاۋاپكەرشىلىكتىڭ شاتاڭدىعىنان، باقىلاۋدىڭ السىزدىگىنەن جانە پروسەستەردى سيفرلاندىرۋدىڭ تومەن دەڭگەيىنەن تۋىندايتىنىن كورسەتەدى. بارلىق عىلىمي ازىرلەمەلەر قولدانبالى سيپاتتا بولىپ، ەكونوميكانىڭ ناقتى سەكتورىنا بەلسەندى ەنگىزىلۋى ءتيىس.
«ارينە، قازاق عىلىمىنىڭ دامۋىندا دا تابىستى مىسالدار بار، باسىمىزعا كۇل سەبۋدىڭ قاجەتى جوق. ءبىراق تابىسقا جەتكىمىز كەلسە، ساتسىزدىكتەردەن ساباق الۋىمىز كەرەك. شىنىدى ايتۋ قاجەت. مەن شىندىقتى بويامالاۋعا ۇزىلدى-كەسىلدى قارسىمىن، ءبىراق سونىمەن بىرگە بوس ءسوزدى، داڭعازالىقتى جانە جەڭىس تۋرالى جالعان حابارلاردى قابىلدامايمىن»، – دەپ مالىمدەدى مەملەكەت باسشىسى.
-
تانىمال ۆاينەر مەيىرجان تورەبايەۆ تۇرمەدەن شىققاننان كەيىن العاشقى جازباسىن جاريالاپ، ومىرلىك ساباق العانىن جەتكىزدى.
-
President Tokayev expresses dismay over financial misconduct and criminal investigations within Kazakhstan's science sector، emphasizing the need for practical results.
