اكيمات كوستانايسكوي وبلاستي
بۇرىنعى اۋىل شارۋاشىلىعى ۆيسە-مينيسترى قوستاناي وبلىسى اكىمىنىڭ ورىنباسارى بولىپ تاعايىندالدى
بۇرىنعى اۋىل شارۋاشىلىعى ۆيسە-مينيسترى ەربول تاسجۇرەكوۆ قوستاناي وبلىسى اكىمىنىڭ ورىنباسارى لاۋازىمىنا تاعايىندالدى. بۇل تۋرالى ءوڭىر اكىمدىگىنىڭ مالىمەتىنە سۇيەنگەن Infohub.kz اقپارات اگەنتتىگى حابارلايدى.
ەربول تاسجۇرەكوۆ 1979 جىلى تاراز قالاسىندا دۇنيەگە كەلگەن. ول ەكونوميست، زاڭگەر، مەملەكەتتىك جانە جەرگىلىكتى باسقارۋ ماگيسترى، مەملەكەتتىك باسقارۋ جانە حالىقارالىق قاتىناستار ماگيسترى ماماندىقتارى بويىنشا ءبىلىم العان. تاراز مەملەكەتتىك ۋنيۆەرسيتەتىن، ح.ا. ياسساۋي اتىنداعى حالىقارالىق قازاق-تۇرىك ۋنيۆەرسيتەتىن، ق ر پرەزيدەنتى جانىنداعى مەملەكەتتىك باسقارۋ اكادەمياسىن، سونداي-اق فرانسيانىڭ ۇلتتىق اكىمشىلىك مەكتەبىن ءتامامداعان.
ەڭبەك جولى
تاسجۇرەكوۆتىڭ ەڭبەك جولى 1998 جىلى «قازنۇر» ج ش س ۆاليۋتا ايىرباستاۋ پۋنكتىنىڭ مەنەدجەرى قىزمەتىنەن باستالعان. كەيىننەن «پروفيل-Lux» ج ش س ديرەكتورى، استانا قالاسى الماتى اۋداندىق №2 سوتىندا ءتۇرلى لاۋازىمداردا، ق ر وڭىرلىك دامۋ مينيسترلىگىندە، ق ر ۇلتتىق ەكونوميكا مينيسترلىگىندە، ق ر ينۆەستيسيالار جانە دامۋ مينيسترلىگىندە باسشىلىق قىزمەتتەر اتقارعان.
2018-2019 جىلدارى وڭتۇستىك قازاقستان وبلىسى اكىمىنىڭ ورىنباسارى بولعان. ودان كەيىن «ۇلتتىق باسقارۋشى حولدينگ «قازاگرو» اق باسقارۋشى ديرەكتورى – باسقارما مۇشەسى قىزمەتىن اتقاردى. 2023 جىلدان 2026 جىلعا دەيىن قازاقستان رەسپۋبليكاسى اۋىل شارۋاشىلىعى ۆيسە-مينيسترى بولىپ جۇمىس ىستەدى.
-
تۇركى مەملەكەتتەرى ۇيىمىنىڭ (تمۇ) بەيرەسمي سامميتىنە قاتىسقان مەملەكەت باسشىلارىنا قازاقستاننىڭ سيفرلىق ەكونوميكانى دامىتۋ جانە وڭىردەگى تەحنولوگيالىق سەرىكتەستىكتى نىعايتۋ جونىندەگى نەگىزگى باستامالارى تانىستىرىلدى.
-
Several districts in Atyrau and its region will experience temporary electricity disruptions on May 18th due to essential repair work.
