بيىل قازاقستاندا جوعارى وقۋ ورىندارىنا 32 مىڭعا جۋىق گرانت ءبولىندى
بيىل جوعارى وقۋ ورىندارىنا 32 مىڭعا جۋىق گرانت ءبولىندى. بۇل تۋرالى بۇگىن استانا ءبىلىم گرانتتارىن ءبولۋ جونىندەگى رەسپۋبليكالىق كونكۋرستىق كوميسسيانىڭ وتىرىسىندا ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
«بيىل 31 702 گرانت ءبولىندى، ونىڭ ىشىندە 2 950 ورىن جوعارى وقۋ ورىندارىنىڭ دايىندىق بولىمدەرىندە وقۋعا، 28 752 گرانت 1 كۋرسقا قابىلداۋعا قاراستىرىلدى. بيىل مەملەكەتتىك تاپسىرىستى قالىپتاستىرۋ ەلدىڭ الەۋمەتتىك-ەكونوميكالىق دامۋ باسىمدىقتارىنا نەگىزدەلدى. وسى ورايدا اتالعان باسىمدىقتاردى ەسكەرە وتىرىپ، 12 593 گرانت تەحنيكالىق جانە تەحنولوگيالىق ماماندىقتارعا ەسكەرىلگەن. سونىمەن قاتار، 5 000 گرانت - پەداگوگيكالىق، 2 690 گرانت - اۋىل شارۋاشىلىعى مەن ۆەتەريناريا ماماندىقتارىنا، 3 000 گرانت - مەديسينالىق سالاعا ماماندىقتارعا ءبولىنىپ وتىر»، - دەدى ە. ساعادييەۆ.
مينيسترلىك مالىمەتىنشە، كونكۋرستىق نەگىزدە مەملەكەتتىك تاپسىرىس بەرىلەتىن جوو-لار ءتىزىمى ايقىندالدى. ەلىمىزدىڭ 112 ازاماتتىق جوعارى وقۋ ورىندارى اراسىندا وقۋ گرانتتارى 87 جوو-عا ءبولىندى. وتكەن جىلى 64 وقۋ ورنى قامتىلعان ەدى.
You Might Also Like
-
بارلىق مەكتەپتەر وقۋلىقتارمەن 25 تامىزعا دەيىن قامتاماسىز ەتىلەدى، دەپ حابارلايدى ق ر ءبىلىم جانە عىلىم مينيسترلىگىنىڭ باسپا ءسوز قىزمەتى حابارلادى.
-
بيىل وقۋ گرانتتارىن الۋ كونكۋرسىنا 59 677 ادام قاتىسۋدا. بۇل تۋرالى بۇگىن استانا ءبىلىم گرانتتارىن ءبولۋ جونىندەگى رەسپۋبليكالىق كونكۋرستىق كوميسسيانىڭ وتىرىسىندا ق ر ءبىلىم جانە عىلىم ءمينيسترى ەرلان س...
