InfoHub Logo

جىل سايىن حالىقارالىق تۇتىنۋشىلىق ەلەكترونيكالارىنىڭ كورمەسىندە (تەك) اۆتوكولىك ستەندتەرىنىڭ سانى ارتىپ كەلەدى. بۇل كولىكتەردىڭ تەك تاسىمال قۇرالى عانا ەمەس، ناعىز گادجەتتەرگە اينالىپ بارا جاتقانىن بىلدىرەدى. بۇل كورمەنىڭ جارىق جۇلدىزى قىتايدىڭ ەلەكتر كۇشىمەن قوزعالاتىن، وندىرىسكە دايىن كروسسوۆەر - Byton جوباسى بولدى. 

Byton كونسەپت

Byton — بۇل BMWء-نىڭ بۇرىنعى جۇمىسشىلارى نەگىزىن قالاعان كومپانيا. بارلىق دايىندىق جۇمىستارى ميۋنحەندە جۇرگىزىلگەنىمەن، ءوندىرىس جۇڭگو ەلىنە جۇكتەلگەن.  ارينە، ءدال ءقازىر ەشقانداي ءوندىرىس جولعا قويىلعان جوق. الايدا، ونى 2019-جىلى ىسكە قوسۋعا ۋادە بەردى. سول كەزدەن باستاپ ول قىتايدا ساتىلىمعا شىعا باستايدى. كروسسوۆەردىڭ ءوزى ارتقى جەلىمەن، جالپى قۋاتى 272 ل/س ەلەكترقوزعالتقىشىمەن جانە 400 شاقىرىم قوسىمشا ءجۇرۋ باتارەياسىمەن جابدىقتالعان. اقشاسىن ارتىعىراق تولەگەن كروسسوۆەردىڭ بولاشاق قوجايىندارى كولىكتەرىن تولىق جەلىمەن، قۋاتى 476 ل/س قوزعالتقىشپەن جابدىقتاپ جانە قوسىمشا ءجۇرۋ مولشەرىن 520 شاقىرىمعا ارتتىرا الادى. Byton-نىڭ كەز-كەلگەن نۇسقاسىندا تەز قۋاتتاعىش بولادى. ول 35 مينۋتتا اۆتوكولىكتى  80%-عا دەيىن قۋاتتاپ بەرەدى.

گادجەت دەۋگە دە بولادى

اۆتوكولىك سىرتىنان زاماناۋي ءارى تارتىمدى كورىنەدى. ءبىراق، ەڭ باستىسى – ونىڭ ىشىندە. جۇرگىزۋشىنىڭ ادەتتەگى باسقارۋ ەلەمەنتتەرى بولمايدى، ول كولىكتى بۇرىنعىداي جۇرگىزبەيدى. ونىڭ ورنىنا سالوننىڭ بۇكىل ەنىن الىپ تۇرعان، ۇلكەندىگى 40 ديۋيمدىك ەكران بولادى. رولدە تەتىكتەردىڭ ورنىنا «الىنىپ-سالىناتىن» پلانشەت بولادى. ءبىراق، بۇل ەلەمەنت تۋرالى ءالى ناقتى شەشىم شىققان جوق. ءبىراق، ۇلكەن ديسپلەيدى بولاتىنى انىق. كروسسوۆەردى باسقارۋ ءۇشىن BytonLife جۇيەسى قولدانىلادى. ول جۇرگىزۋشىنىڭ بارلىق باپتاۋلارىن جادىنا ساقتاپ الىپ، بۇلتتىق قويماعا جۇكتەپ قويادى. وسىلايشا، ءار جۇرگىزۋشى ءوز باپتاۋلارىن كومپانيانىڭ كەز-كەلگەن اۆتوكولىگىندە پايدالانا الادى.  ونىڭ ۇستىنە، كولىك ىشىندە ۇلكەن پانورامالىق شاتىر، ۆيرتۋالدى اينا، ادامنىڭ بەت-الپەتىن تانيتىن ىشكى كامەرا مەن وزگەرىپ تۇراتىن سالون بولادى.

باعا ماسەلەسى

ساتىلىم 2019-جىلى قىتايدا باستالادى. 2020-جىلى كومپانيا اقش-قا بارادى. كروسسوۆەردىڭ نەگىزگى نۇسقاسى 45 000 دوللار تۇرادى. ءبىرىنشى ساتىپ الۋشى ءۇشىنشى بۋىننىڭ دايىن اۆتوپيلوتىنا يە بولادى. 2021-جىلى كومپانيا ءتورتىنشى بۋىندى اۆتوپيلوتپەن جاڭارتىلعان نۇسقاسىن شىعارادى. ەندى تەك Byton باستاعان ءىسىن سوڭىنا دەيىن جەتكىزىپ، Faraday Future-گە اينالادى دەپ ۇمىتتەنەيىك.

---