depositphotos.com
چەحيا العاش رەت الەمدەگى ەڭ باي ەلدەر قاتارىنا قوسىلدى
ورتالىق ەۋروپاداعى چەحيا ەلى العاش رەت الەمدەگى ەڭ باي 20 ەلدىڭ قاتارىنا كىردى. بۇل تۋرالى چەحيالىق Novinky پورتالى حابارلادى.
HelloSafe كومپانياسىنىڭ جىل سايىنعى باي ەلدەر رەيتينگىسىندە چەحيا 19-شى ورىنعا تۇراقتادى. بۇل كورسەتكىش بويىنشا چەحيا فرانسيانى ارتتا قالدىردى. ەكونوميكالىق جاعىنان فرانسيا جوعارى تابىسقا يە بولعانىمەن، چەحيانىڭ رەيتينگتە العا شىعۋىنا تابىس تەڭسىزدىگىنىڭ ازدىعى جانە كەدەيشىلىك دەڭگەيىنىڭ تومەندىگى سياقتى الەۋمەتتىك كورسەتكىشتەر ىقپال ەتتى.
كومپانيانىڭ حابارلاۋىنشا، بايلىقتى باعالاۋ تەك ەكونوميكانىڭ كولەمىمەن عانا شەكتەلمەيدى. رەيتينگتە حالىقتىڭ جان باسىنا شاققانداعى ءجىو (ساتىپ الۋ قابىلەتىنىڭ پاريتەتى بويىنشا)، جالپى ۇلتتىق تابىس، ادام دامۋى يندەكسى، تابىس تەڭسىزدىگى جانە كەدەيشىلىكتىڭ سالىستىرمالى دەڭگەيى سياقتى بەس كورسەتكىش ەسكەرىلەدى.
رەيتينگتىڭ جالپى بالىنىڭ جارتىسى ەلدىڭ ەكونوميكالىق قۋاتىنا، ال ەكىنشى جارتىسى حالىقتىڭ ءومىر ءسۇرۋ ساپاسى مەن بايلىقتىڭ بولىنۋىنە بايلانىستى. ەۆروستات دەرەكتەرىنە سايكەس، چەحيا ەۋروپا وداعىنداعى حالىق تابىسىنىڭ تەڭسىزدىگى ەڭ تومەن ەل بولىپ سانالادى.
دەگەنمەن، چەحيانىڭ ەكونوميكاسى ەۋروپانىڭ جەتەكشى ەلدەرىمەن سالىستىرعاندا ءالى دە تومەن دەڭگەيدە قالىپ وتىر. رەيتينگتىڭ العاشقى بەستىگىندە نورۆەگيا، يرلانديا، ليۋكسەمبۋرگ، شۆەيساريا جانە يسلانديا ەلدەرى ورنالاسقان.
-
ۆ استانە شكولنيك جەستوكو يزبيت سۆەرستنيكامي، پولۋچيۆ پەرەلومى زۋبوۆ ي سەرەزنىە تراۆمى ليسا. نەسموتريا نا ۆوزبۋجدەننوە دەلو، راسسلەدوۆانيە زاتياگيۆاەتسيا، ا ۆينوۆنىە وستايۋتسيا بەزناكازاننىمي.
-
For the first time، the Czech Republic has been ranked among the world's 20 wealthiest countries، surpassing France in a new global assessment.
