InfoHub Logo

استانادا جاڭادان ىسكە قوسىلعان LRT پويىز-پويىزدارىنىڭ جولدا كىدىرىپ قالۋىنا قاتىستى ۆيدەولار الەۋمەتتىك جەلىدە تارادى. "City Transportation Systems" (CTS) كومپانياسىنىڭ باسپا ءسوز قىزمەتى بۇل جاعدايلارعا قاتىستى تۇسىنىكتەمە بەردى.

بۇل تۋرالى Infohub.kz اقپارات اگەنتتىگى حابارلايدى.

جەلىدەگى بەينەجازبالاردا جاڭا كولىك قوزعالماي تۇرعانى كورىنەدى. استانالىقتار بۇل جاعدايدى «LRT ىستەن شىقتى» دەپ ازىلدەپ تە ۇلگەردى.

جولاۋشىلاردىڭ قاۋىپسىزدىك ەرەجەلەرىن بۇزۋى

CTS باسپا ءسوز قىزمەتى LRT جەلىسىندە جولاۋشىلاردىڭ قاۋىپسىزدىك ەرەجەلەرىن بۇزۋى سالدارىنان اپاتتىق جاعدايلار مەن ۋاقىتشا كىدىرىستەر ورىن العانىن حابارلادى. اتاپ ايتقاندا، كەلەسى جاعدايلار تىركەلدى:

اۆتوماتتاندىرىلعان جۇيە جانە قاۋىپسىزدىك

«LRT جۇيەسى تولىعىمەن اۆتوماتتاندىرىلعان. مۇنداي ارەكەتتەر جۇيە تاراپىنان قاۋىپسىزدىككە تونگەن قاتەر رەتىندە قابىلدانىپ، پويىزدىڭ توقتاۋىنا جانە ديسپەچەرلىك ورتالىقتىڭ قوسىمشا تەكسەرۋلەرىنە اكەپ سوعادى»، - دەپ اتاپ ءوتتى كومپانيا وكىلدەرى.

CTS جولاۋشىلاردى LRTء-نى پايدالانۋ ەرەجەلەرىن ساقتاۋعا شاقىردى. «جەلىگە توك بەرىلگەنىن ەستەرىڭىزگە سالامىز. ءاربىر پويىز قۇرامىندا LRT وپەراتورى بار، ول قاجەت بولعان جاعدايدا قۋاتتى وشىرگەننەن كەيىن ەسىكتەردى اشادى»، - دەپ ەسكەرتتى كومپانيا.

بەينەباقىلاۋ جانە جاۋاپكەرشىلىك

«بارلىق بۇزۋشىلار ستانسيالاردا جانە ۆاگوندار ىشىندە ورنالاسقان بەينەباقىلاۋ كامەرالارى ارقىلى انىقتالادى. انىقتالعان فاكتىلەر بويىنشا ماتەريالدار قۇقىق قورعاۋ ورگاندارىنا قىلمىستىق جاۋاپكەرشىلىككە تارتۋ ءۇشىن بەرىلەدى، سەبەبى مۇنداي ارەكەتتەر جولاۋشىلار قاۋىپسىزدىگىنە قاتەر توندىرەدى جانە LRTء-نىڭ تۇراقتى جۇمىسىنا اسەر ەتەدى»، - دەپ مالىمدەدى CTS باسپا ءسوز قىزمەتى.

ەستەرىڭىزگە سالا كەتەيىك، 16 مامىر كۇنى قازاقستان پرەزيدەنتى قاسىم-جومارت توقايەۆ استانا LRTء-نىڭ جۇمىسىن رەسمي تۇردە باستاپ بەرگەن بولاتىن. مەملەكەت باسشىسى العاشقى جولاۋشى رەتىندە اۋەجايدان «اۋەجاي» ستانسياسىنان «ۇلتتىق مۋزەي» ستانسياسىنا دەيىن ءجۇرىپ وتكەن ەدى.