InfoHub Logo

جەلىدە استانادا ەسىرتكى قىلمىسىنا قارسى كۇرەس كوميتەتىنىڭ باسشىسى دانيار مەيرحانعا قاتىستى قىلمىستىق ءىس قوزعالعانى تۋرالى اقپارات تارادى. بۇل جاڭالىقتى Tengrinews.kz سايتى جاريالادى.

بۇعان دەيىن الەۋمەتتىك جەلىلەردە دانيار مەيرحاننىڭ لاۋازىمدىق وكىلەتتىگىن اسىرا پايدالاندى جانە قىزمەتكەر ايەلگە ءتيىستى دەپ كۇدىكتەلگەنى تۋرالى اقپارات شىققان بولاتىن. ونىڭ ۇستىنەن 20 قىزمەتكەرىنەن ۇجىمدىق شاعىم تۇسكەنى حابارلاندى.

ىشكى ىستەر مينيسترلىگىنىڭ مالىمەتىنشە، ءبىرقاتار قىزمەتكەرلەردىڭ وتىنىشتەرى بويىنشا ماتەريال بەلگىلەنگەن تارتىپتە تىركەلگەن.

«زاڭناماعا سايكەس، ءاربىر ءوتىنىش مىندەتتى تۇردە تىركەلىپ، تەكسەرىلۋگە جاتادى. قازىرگى ۋاقىتتا بارلىق ءمان-جايدى جان-جاقتى جانە وبەكتيۆتى انىقتاۋ ماقساتىندا تەكسەرۋ شارالارى جۇرگىزىلىپ جاتىر. تەرگەۋ مۇددەسى ءۇشىن باسقا اقپاراتتار جاريا ەتىلمەيدى»، - دەلىنگەن مينيسترلىكتىڭ حابارلاماسىندا.

دانيار مەيرحان – پوليسيا پولكوۆنيگى. 2012-2022 جىلدارى وڭتۇستىك قازاقستان وبلىستىق پوليسيا دەپارتامەنتىندە ءبولىم باستىعىنان باسقارما باستىعىنا دەيىنگى باسشىلىق قىزمەتتەردە بولعان. 2023-2024 جىلدارى ق ر ءىىم قوستاناي اكادەمياسىندا ءبولىم باستىعىنان اكادەميا باستىعىنىڭ ورىنباسارىنا دەيىنگى لاۋازىمداردى اتقاردى. 2024 جىلدىڭ قىركۇيەگىنەن باستاپ – ءىىم ەسىرتكى قىلمىسىنا قارسى كوميتەتى ءتوراعاسىنىڭ ورىنباسارى. 2024 جىلدىڭ جەلتوقسانىنان – ەسىرتكى قىلمىسىنا قارسى كوميتەتىنىڭ ءتوراعاسى مىندەتىن اتقارۋشى. 2025 جىلدىڭ قىركۇيەگىنەن باستاپ – ق ر ءىىم ەسىرتكى قىلمىسىنا قارسى كوميتەتىنىڭ ءتوراعاسى.