InfoHub Logo

قىزىلوردا قالاسى،
№112 ورتا مەكتەپتىڭ باستاۋىش سىنىپ ءمۇعالىمى
بالعابايەۆا پەريزات مۇرات قىزى


ساباقتىڭ تاقىرىبى: دارا جانە كۇردەلى ەتىستىك
ساباقتىڭ ماقساتى:
بىلىمدىلىگى: وقۋشىلارعا دارا جانە كۇردەلى ەتىستىك تۋرالى ماعلۇمات بەرۋ. دارا جانە كۇردەلى ەتىستىكتىڭ جاسالۋ ەرەكشەلىكتەرىن اجىراتا ءبىلۋ.
دامىتۋشىلىعى: وقۋشىلاردىڭ وي - ءورىسىن، وزىندىك ءىس ارەكەتىن، شىعارماشىلىق
قابىلەتىن دامىتۋ. ويىن، پىكىرىن ەركىن ايتۋعا ۇيرەتۋ.
تاربيەلىگى: وقۋشىلاردىڭ ەستە ساقتاۋ قابىلەتتەرىن دامىتا وتىرىپ، ىزدەنىمپازدىققا، ساۋاتتى جازۋعا تاربيەلەۋ.
ساباقتىڭ كورنەكىلىگى: تىرەك سىزبالار، ينتەراكتيۆتى تاقتا، ءسوزجۇمباق، تاراتپا ماتەريالدار.

ساباقتىڭ بارىسى: I ۇيىمداستىرۋ
1) پسيحولوگيالىق دايىندىق
بالالار، ءقازىر بىزدە قازاق ءتىلى ساباعى. وسى ساباققا قانداي دايىندىقپەن كەلدىڭدەر؟
سىنىبىمىز تاپ - تازا،
بور دا دايىن تاقتادا
ويىمىزدى جيناقتاپ،
وتىرايىق پارتادا
ويعا تولىپ سانامىز
بەستىك بولسىن باعامىز
بالاسىنداي ءبىر ءۇيدىڭ
تاتۋ بولسىن ارامىز

II. ءۇي تاپسىرماسىن تەكسەرۋ: 399 - جاتتىعۋدى ءار توپتان ءبىر – ءبىر وقۋشىدان وقيدى.
1 - توپ رەبۋستى شەشۋ.
2 - توپ شەشۋىندەگى ءسوزدىڭ ماعىناسىن اشۋ.
3 - توپ شەشۋىندەگى سوزگە اڭگىمە قۇراعانىن وقىتۋ.

ءىىى. جاڭا ساباق: وي اشار: جۇمباق شەشۋ.
توعىز بەلبەۋ، قوس جىبەك،
ەكى مۇرىن، ءبىر شۇمەك.
ول نە؟ (دومبىرا)
وقۋشىلارعا دومبىرا ءسوزىن قولدانا وتىرىپ دارا، كۇردەلى ەتىستىكتەرگە سويلەم قۇراتۋ.
- بالالار، ءبىز بۇگىنگى ساباقتا دارا، كۇردەلى ەتىستىك جايلى العان ءبىلىمىمىزدى ءارى قاراي جالعاستىرامىز.

IV. وقۋلىقپەن جۇمىس.
- بالالار كىتابىمىزدىڭ 143 بەتىندەگى 400 - جاتتىعۋدى ورىندايمىز.
جۇمباقتىڭ شەشۋىن تاپ.
جولبارىسقا ۇقسايدى،
تىشقاندى عانا ۇستايدى (مىسىق)
جۇمباقتى جاتقا جاز. ەتىستىكتەردىڭ استىن سىز، ولارعا سۇراق قوي.
- بالالار كىتابىمىزدىڭ 143 بەتىندەگى 402 - جاتتىعۋدى ورىندايمىز.
ءماتىندى كوشىرىپ جاز.
كۇز كەلدى. كۇن سۋىتا باستادى. ءشوپ سارعايدى. اعاشتىڭ جاپىراقتارى ءتۇستى. قۇستار جىلى جاققا ۇشىپ كەتتى. ءبىز جىلى كيىمىمىزدى كيدىك.
ەتىستىكتەردىڭ استىن ەكى رەت سىز. ولاردىڭ قايسىسى دارا، قايسىسى كۇردەلى ەتىستىك ەكەنىن ايت.

V. سەرگىتۋ ءساتى:

VI. شىعارماشىلىق جۇمىس:
1 - توپ بەرىلگەن ارىپتەن باستالاتىن ەتىستىككە مىسال كەلتىرۋ.
ت - تەردى، توقىدى، تارادى، تاسىدى، تارقاتادى،
ب - باقىردى، باستى، باردى، بايقادى، بولادى، بيلەدى، بايلادى،
س - سەزدى، سەندى، سىپىردى، سيپادى، سەكىردى، سويلەستى، سايرادى.
2 - توپ دارا ەتىستىكتى كۇردەلى ەتىستىككە اينالدىر.
وقىدىم --------- وقىپ وتىرمىن
ۇشتى ----------- ۇشىپ بارادى
بارامىن -------- بارا جاتىرمىن
جينادى --------....... جيناپ جاتىر
3 - توپ بەرىلگەن سوزدەردى ءوز ورىندارىنا قويىپ، سويلەمدى دۇرىس قۇراستىرىپ جازۋ.
ەرەجە. زاتتاردىڭ قيمىلىن، ءىس – ارەكەتىن بىلدىرەتىن سوزدەردى ەتىستىك دەيمىز. ەتىستىكتەرگە نە ىستەدى؟ ءقايتتى؟ نە قىلدى؟ دەگەن سۇراقتار قويىلادى.
«سايكەستەندىرۋ» تاپسىرماسى
باردىم -------- كەلە جاتىر
كەلدى -------- سايراپ وتىر
سايرادى --------- كورىپ تۇرمىن
كوردى ------------ بارىپ ەدىم
ۇندەمەس ديكتانت (قيمىلمەن كورسەتۋ)
وتىردى، اشىپ قارادى، شەرتتى، سيپاپ وتىر، اينالدى.
ويىن «كىم بىلگىر»
ەتىستىكتەردى وقىپ بەرۋ. وقۋشىلار ونىڭ دارا نە كۇردەلى ەكەنىن بەلگىمەن كورسەتەدى.
وقىدى، ۇشىپ كەتتى، ەمدەدى، تىگىپ بولدى، وقىپ وتىر، حابارلايدى، بارا جاتىر، ءىلدى، كەلە جاتىر، سىيلادى، وينادى

ءىۇ. ساباقتى قورىتىندىلاۋ – رەفلەكسيا كەزەڭى كەزبە ءتىلشى:
1 - توپ سالەمەتسىز بە؟ مەن كەزبە ءتىلشى.
- سونىمەن ەتىستىكتىڭ قۇرامىنا قاراي قانداي تۇرلەرى بولادى ەكەن؟
● دارا ەتىستىك
● كۇردەلى ەتىستىك
2 - توپ سالەمەتسىز بە؟ مەن كەزبە ءتىلشى.
- دارا ەتىستىك نەشە سوزدەن تۇرادى؟
دارا ەتىستىك ءبىر سوزدەن تۇرادى. مىسالى: كەلدى، وقىدى، كوردى.
3 - توپ سالەمەتسىز بە؟ مەن كەزبە ءتىلشى.
- كۇردەلى ەتىستىك شە؟ مىسالى: كەلە جاتىر، وقىپ وتىر، كورىپ تۇر.
باعالاۋ.
ۇيگە تاپسىرما