InfoHub Logo

اكتەر ولجاس ابايدىڭ وزىنەن الدەقايدا جاس قىزبەن بىرگە تۇسكەن سۋرەتتەرى الەۋمەتتىك جەلىدە تاراپ، جۇرتشىلىقتىڭ قىزۋ تالقىسىنا ءتۇستى. بۇل جاعدايعا قاتىستى ءتۇرلى پىكىرلەر ايتىلۋدا.

بۇل تۋرالى Infohub.kz اقپارات اگەنتتىگى حابارلايدى.

جاس ايەلىنىڭ مالىمدەمەسى

Threads پلاتفورماسىندا جاريالانعان سۋرەتتەردە اكتەردىڭ بويجەتكەنگە ەرەكشە ءىلتيپات تانىتىپ، ەركەلەتە قاراعان ساتتەرى بايقالادى. جەلى قولدانۋشىلارىنىڭ كەيبىرى بۇل قىزدىڭ تانىمال اۋلەتتەن ەكەنىن، ال كەيبىرى اكتەردىڭ بۇرىنعى قارىم-قاتىناسى تەك حايپ بولعانىن ايتۋدا. سونداي-اق، قىزدىڭ اكتەردەن جاس ەكەنى جانە ولاردىڭ ۇلى بار ەكەنى دە ايتىلدى.

كەيبىر قولدانۋشىلار تاراعان فوتو مەن ۆيدەولاردىڭ شىنايىلىعىنا كۇمان كەلتىرىپ، ولاردىڭ جاساندى ينتەللەكت ارقىلى جاسالۋى مۇمكىن ەكەنىن العا تارتتى.

وتباسى جاعدايى تۋرالى

جاس ايەلى ءوزىنىڭ جەلىدەگى پاراقشاسىندا وقىرمانداردىڭ سۇراقتارىنا جاۋاپ بەرىپ، وتباسى جاعدايىن ءتۇسىندىردى. ول 2017 جىلى اجىراسقانىن، ال 2018 جىلى ولجاس ابايمەن وتاۋ قۇرعانىن ايتتى. ولاردىڭ 5 جاسار كاريم ەسىمدى ۇلى بار ەكەنىن جەتكىزدى.

«مەن توقال ەمەسپىن. ولجاستىڭ دۋبايداعى ۇيگە قاتىسى جوق. مەن ءوز جاعدايىمدى ءوزىم جاسادىم. ەكى كاسىپپەن اينالىسامىن. ءقازىر ەكى قالادامىز. ولجاس 1989 جىلعى، مەن 1997 جىلعىمىن»، - دەپ جازدى ول.