InfoHub Logo

قازاقستاننىڭ ءىرى قالالارىنداعى اقشا ايىرباستاۋ ورىندارىندا دوللار باعامى دەمالىس كۇندەرى 500 تەڭگەگە جاقىندادى. بۇل تۋرالى Qazaqtoday اقپارات اگەنتتىگى حابارلايدى.

استاناداعى اقشا ايىرباستاۋ پۋنكتتەرىندە اقش دوللارى 492 تەڭگەدەن ساتىپ الىنىپ، 499 تەڭگەدەن ساتىلۋدا. ەۋرو 568،90 تەڭگەگە ساتىپ الىنىپ، 579 تەڭگەگە ساتىلسا، رەسەي ءرۋبلى 6،15 تەڭگەدەن الىنىپ، 6،45 تەڭگەدەن ۇسىنىلۋدا.

ەلىمىزدىڭ قارجى ورتالىعى الماتىدا جاعداي ءسال وزگەشە. مۇندا دوللار 492،94 تەڭگەدەن ساتىپ الىنىپ، 495،36 تەڭگەدەن ساتىلۋدا. ەۋرو باعامى ساتىپ الۋ كەزىندە 571،62 تەڭگە، ساتۋ كەزىندە 577،10 تەڭگە بولسا، رۋبل 6،24-6،36 تەڭگە ارالىعىندا ساۋدالانۋدا.

شىمكەنت قالاسىندا دوللاردى 493 تەڭگەدەن ساتىپ الىپ، 495،1 تەڭگەدەن ساتۋعا بولادى. ەۋرونىڭ قۇنى 571،29 تەڭگەدەن (ساتىپ الۋ) 577،40 تەڭگەگە (ساتۋ) دەيىن جەتەدى. ال رۋبل 6،25-6،33 تەڭگەدەن ساتىلۋدا.

دەمالىس كۇندەرىنە ارنالعان ۇلتتىق بانك بەكىتكەن رەسمي باعام بويىنشا، ءبىر دوللار – 493،85 تەڭگە، ەۋرو – 571،78 تەڭگە، ال رۋبل – 6،25 تەڭگە بولىپ بەلگىلەندى.