InfoHub Logo

ءماجىلىس دەپۋتاتتارى جىنىس اۋىستىرۋعا زاڭ جۇزىندە تىيىم سالۋ باستاماسىن كوتەردى. بۇل ماسەلە بويىنشا دەپۋتات ماگەررام ماگەرراموۆ ۇكىمەت باسشىسىنا ساۋال جولداپ، جىنىس اۋىستىرۋ رۇقساتىن قايتا قاراۋ قاجەتتىگىن ايتتى.

قازىرگى زاڭناماعا سايكەس، 21 جاسقا تولعان، پسيحيكالىق مىنەز-قۇلقىندا اقاۋى جوق ازاماتتارعا جىنىسىن اۋىستىرۋعا رۇقسات ەتىلگەن. الايدا دەپۋتاتتىڭ پىكىرىنشە، "جىنىستىق سايكەستەندىرۋ بۇزىلىسى" ۇعىمىنىڭ ءوزى بەلگىلى ءبىر پسيحولوگيالىق اۋىتقۋدىڭ بارىن بىلدىرەدى. سوندىقتان دەنى ساۋ ادامعا گورمونالدى نەمەسە حيرۋرگيالىق وزگەرىس جاساۋ – مەديسينالىق تۇرعىدان اقتاۋعا كەلمەيدى.

ماجىلىسمەن كەلەسى سۇراقتارعا جاۋاپ بەرۋدى تالاپ ەتتى:

1. "دەنى ساۋ ۇلت" ۇلتتىق جوباسىن جىنىس اۋىستىرۋعا رۇقسات بەرۋ ارقىلى قالاي جۇزەگە اسىراسىز؟
2. مىنەز-قۇلقىندا نەمەسە پسيحيكاسىندا بۇزىلۋلار بار ادامدارعا نەگە حيرۋرگيالىق ەم جاسالادى؟
3. قانشا جىنىس اۋىستىرۋ وتاسى جاسالدى؟ ونىڭ ىشىندە كەرى وزگەرتۋگە ءوتىنىش بىلدىرگەندەر سانى قانشا؟
4. قازىرگى ۋاقىتتا جىنىس اۋىستىرۋعا قانشا ادام ءوتىنىش بەردى؟
5. مۇنداي وپەراسيالار ۇلتتىق دەنساۋلىققا قانداي اسەر ەتەدى؟

قازاقستاننىڭ كوممۋنيستىك پارتياسى (قكپ) فراكسياسى جىنىس اۋىستىرۋعا رۇقسات بەرەتىن زاڭناما وزگەرگەنگە دەيىن، بۇل پروسەدۋراعا تولىق تىيىم سالۋدى تالاپ ەتتى.