ۇشقىن.كز
دەپۋتاتتار ورىسشا جالعاۋلاردان باس تارتىپ، تەكتەرىن قازاقشالاپ جاتىر
قازاقستاندا ءماجىلىس دەپۋتاتتارى ءوز تەگىن ۇلتتىق ۇلگىگە سايكەستەندىرىپ، -وۆ، -ەۆ جالعاۋلارىنان باس تارتۋ ءۇردىسىن باستادى. بۇل باستاما قوعامدا كەڭ تالقىلانىپ، قولداۋ تابۋدا. العاش بولىپ جۇرت نازارىنا تۇسكەن – اقىن ءارى دەپۋتات رينات زايتوۆ. ول ءوزىنىڭ تەگىن «زايت» دەپ وزگەرتىپ، ۇلتتىق سانا مەن تىلگە دەگەن قۇرمەتىن كورسەتتى.
وسى باستامانى ەندى تاعى ءبىر حالىق قالاۋلىسى – ماقسات تولىقبايەۆ جالعاستىرىپ، تەگىن «تولىقباي» دەپ وزگەرتتى. قوعام بەلسەندىلەرى مەن ساراپشىلار بۇل قادامدى وڭ قابىلدادى. ماسەلەن، ساياساتتانۋشى سامات نۇرتازا الەۋمەتتىك جەلىدەگى پاراقشاسىندا ارىپتەستەرىن قۇتتىقتاپ، بۇل ءۇردىستى قولدايتىنىن ءبىلدىردى.
«وتكەن ايدا ارىپتەسىم رينات زايتوۆ فاميلياسىن وزگەرتىپ “زايت” بولىپ ەدى، ەندى بۇگىن ماقسات تولىقبايەۆ ارىپتەسىم “تولىقباي” بولدى. قۇتتى بولسىن، زامانداستار! وتە جاقسى ءۇردىس!» – دەپ جازدى ول.
ايتا كەتەيىك، قازاقستاندا ازاماتتاردىڭ ءوز تەگىن ۇلتتىق فورمادا جازۋىنا زاڭ جۇزىندە رۇقسات ەتىلگەن. بۇل ۇدەرىس ەرىكتى تۇردە جۇزەگە اسادى جانە مەملەكەتتىك ورگاندار تاراپىنان قولداۋ تاپپاق.
You Might Also Like
-
تۋريزم جانە سپورت مينيسترلىگى 28 ءساۋىر - 4 مامىر ارالىعىندا وتەتىن جارىستار كەستەسىن جاريالادى،دەپ حابارلايدى Infohub.kz .
-
شەشەنستان باسشىسى رامزان قادىروۆ وتستاۆكاعا كەتۋ ماسەلەسىن العاش رەت اشىق تۇردە قوزعادى. ول بۇل شەشىمدى ءوزى ەمەس، رەسەي پرەزيدەنتى قابىلدايتىنىن اتاپ ءوتتى.
