dimashnews.com
ديماش قۇدايبەرگەن ستامبۋلداعى VIII ەتنوسپورت مادەنيەتى فەستيۆالىنە قاتىسادى
الەمگە تانىمال قازاقستاندىق ءانشى ديماش قۇدايبەرگەن تۇركيانىڭ ستامبۋل قالاسىندا وتەتىن VIII ەتنوسپورت مادەنيەتى فەستيۆالىندە ونەر كورسەتەدى. بۇل شارا 23 مامىردا اتاتۇرىك اتىنداعى اۋەجاي اۋماعىندا وتەدى.
بۇل تۋرالى Infohub.kz اقپارات اگەنتتىگى حابارلايدى.
فەستيۆال باعدارلاماسى
دۇنيەجۇزىلىك ەتنوسپورت كونفەدەراسياسى ۇيىمداستىرعان فەستيۆال 21-24 مامىر ارالىعىندا وتەدى. باعدارلاماعا ءداستۇرلى سپورت تۇرلەرى مەن حالىق ويىندارى، قولونەر كورمەلەرى، گاسترونوميالىق ايماقتار، تەاتر قويىلىمدارى جانە شىعارماشىلىق كەشتەر كىرەدى.
وتكەن جىلى فەستيۆالدى ءبىر ميلليون ادام تاماشالاعان. بيىل ۇيىمداستىرۋشىلار 1،5 ميلليون كەلۋشىگە جەتۋدى كوزدەپ وتىر.
ديماش قۇدايبەرگەننىڭ ونەرى
قازاقستاننىڭ حالىق ءارتىسى ديماش قۇدايبەرگەن 23 مامىردا تۇركيا ۋاقىتىمەن ساعات 20:00-دە Türk Telekom باستى ساحناسىندا كونسەرتتىك باعدارلامامەن ونەر كورسەتەدى. فەستيۆالدىڭ بارلىق ءىس-شارالارى تەگىن.
بۇعان دەيىن ديماش قۇدايبەرگەننىڭ لاتىن امەريكاسىنداعى جانكۇيەرلەرىنىڭ بىرلەسكەن مۋزىكالىق جوبا ۇسىنعانى حابارلانعان بولاتىن.
-
قازاقستان مەكتەپتەرىندە بۋللينگكە قارسى باعدارلامالار ەنگىزىلگەنىمەن، ولاردىڭ تيىمدىلىگى مەن ورىندالۋىندا ەلەۋلى كەمشىلىكتەر بار. بۇل تۋرالى ساراپشىلار نە دەيدى؟
-
Global music sensation Dimash Kudaibergen is set to captivate audiences at the 8th Ethnosport Culture Festival in Istanbul، Turkey.
