InfoHub Logo

الەۋمەتتىك جەلىدە، اسىرەسە TikTok پلاتفورماسىندا قازاقستاندىق جۇلدىزدارعا قاتىستى سىن ايتىپ، كەيدە ءتىپتى بالاعاتتاپ جۇرگەن بەرىك ءسابيت ۇلى اتتى تيكتوكەر ديماش قۇدايبەرگەننىڭ اكەسى قانات ايتبايەۆتىڭ وزىنە سوتقا تالاپ ارىز بەرگەنىن مالىمدەدى. بۇل جاڭالىق جەلى قولدانۋشىلارى اراسىندا قىزۋ تالقىعا ءتۇستى.

بۇل تۋرالى Infohub.kz اقپارات اگەنتتىگى حابارلايدى.

بۇعان دەيىن بەرىك ءسابيت ۇلى ديماش قۇدايبەرگەن، ساكەن مايعازييەۆ جانە باسقا دا تانىمال ونەر ادامدارى تۋرالى بەينەجازبالار جاريالاپ، ولارعا قاتىستى اۋىر سوزدەر ايتقان بولاتىن. ءوز سوزىندە تيكتوكەر قانات ايتبايەۆتىڭ وزىمەن تىكەلەي بايلانىسقا شىعىپ، ماسەلەنى بەيبىت جولمەن شەشۋگە تىرىسپاعانىن ايتىپ، ولاردىڭ «قورقاقتىعىن» سىنعا الدى.

سوتقا بەرگەنى راس پا؟

بەرىك ءسابيت ۇلىنىڭ ايتۋىنشا، قانات ايتبايەۆ ونى سوتقا بەرگەن. «مەنى ديماشتىڭ اكەسى سوتقا بەرىپتى. ديماش دەگەن الاياق، ساتقىننىڭ اكەسى مەنى سوتقا بەرىپتى. ماعان تىكەلەي حابارلاسىپ، سويلەسسە، مەن جاڭاعى ۆيدەونى الىپ تاستار ەدىم. ءبىراق ولار مەنىمەن كەلىسىمگە كەلمەدى. ولار وتە قورقاق. مەنى سوتقا بەرگەن. بۇل جىگىتتىككە جاتپايدى»، – دەدى ول.

تيكتوكەر سونداي-اق ديماش قۇدايبەرگەننىڭ ءالى ۇيلەنبەۋىنە ونىڭ «قىزى» ەكەنىن سەبەپ ەتىپ، تاعى دا ءانشىنىڭ اتىنا اۋىر سوزدەر ايتتى. بۇل مالىمدەمەلەر الەۋمەتتىك جەلىدە ءارتۇرلى پىكىرلەر تۋدىرۋدا.