InfoHub Logo

الەمگە تانىمال ءانشى ديماش قۇدايبەرگەننىڭ جەكە ومىرىنە قاتىستى جاڭا سىبىستار جەلىدە تاراپ، جۇرتشىلىقتى ەلەڭ ەتكىزدى. ءانشىنىڭ ءوزىنىڭ Threads الەۋمەتتىك جەلىسىندەگى جازباسى كوپشىلىكتىڭ قىزۋ تالقىلاۋىنا سەبەپ بولدى.

بۇل تۋرالى Infohub.kz اقپارات اگەنتتىگى حابارلايدى.

ديماش قۇدايبەرگەن ءوزىنىڭ جازباسىندا ۇيلەنۋ تويىنىڭ جاقىن ارادا ءوتۋى مۇمكىن ەكەنىن مەڭزەپ، «اسىعاتىن تۇك جوق، ءبارى قۇدايدىڭ قولىندا. الداعى ۋاقىتتا... ۋاقىت كورسەتەدى» دەپ پىكىر بىلدىرگەن. بۇل سوزدەر ءانشىنىڭ جاقىن ارادا شاڭىراق كوتەرەتىنى تۋرالى بولجامدارعا جەتەلەدى.

جەلى قولدانۋشىلارىنىڭ پىكىرلەرى

ديماش قۇدايبەرگەننىڭ بۇل سوزدەرىنەن كەيىن الەۋمەتتىك جەلىلەردە ءتۇرلى پىكىرلەر ايتىلا باستادى. كوپشىلىك ءانشىنىڭ جاقىن ارادا ۇيلەنەتىنىنە سەنىم بىلدىرسە، كەيبىرى ونىڭ بۇرىننان وتباسىلى بولۋى مۇمكىن دەگەن ويلارىن ورتاعا سالدى.

«ديماش جاقىندا ۇيلەنەتىن سەكىلدى. ايتۋىنا قاراعاندا، الدە ماعان سولاي سەزىلدى مە؟ ادال قىز، ادال كەلىنشەك بۇيىرسىن»، – دەپ جازدى ءبىر جەلى قولدانۋشىسى.

باسقالارى «ديماشتىڭ وتباسى بار سياقتى كورىنەدى ماعان»، «اق ماڭدايلى، يناباتتى قىز بۇيىرسىن»، «ءبارى اللانىڭ قولىندا» دەپ پىكىر قالدىردى. بۇل پىكىرلەر ءانشىنىڭ جەكە ومىرىنە دەگەن قىزىعۋشىلىقتىڭ جوعارى ەكەنىن كورسەتتى.