tengrinews.kz
دونالد ترامپ ءيس-تىڭ بەلسەندى تەرروريسىن جويعانىن مالىمدەدى
اقش پرەزيدەنتى دونالد ترامپ الەمدەگى ەڭ بەلسەندى تەرروريستەردىڭ ءبىرىنىڭ جويىلعانى تۋرالى مالىمدەدى. بۇل تۋرالى ول ءوزىنىڭ Truth Social الەۋمەتتىك جەلىسىندەگى پاراقشاسىندا جازدى.
بۇل تۋرالى Infohub.kz اقپارات اگەنتتىگى حابارلايدى.
ترامپتىڭ ايتۋىنشا، بۇل يس تەرروريستىك ۇيىمىنىڭ كومانديرلەرىنىڭ ءبىرى. ونى جويۋ وپەراسياسى نيگەريادا جۇرگىزىلگەن.
وپەراسيانىڭ ەگجەي-تەگجەيى
«بۇگىن كەشكە مەنىڭ بۇيرىعىممەن اقش-تىڭ باتىل كۇشتەرى مەن نيگەريا قارۋلى كۇشتەرى مۇقيات جوسپارلانعان جانە وتە كۇردەلى وپەراسيانى ءساتتى اياقتادى. الەمدەگى ەڭ بەلسەندى تەرروريستى جويدىق. ءيس-تىڭ جاھاندىق يەرارحياسىنداعى ەكىنشى تۇلعاسى ابۋ-بيلال ال-مينۋكي افريكادا جاسىرىنىپ ءجۇرمىن دەپ ويلاعان، ءبىراق بىزدە ونىڭ ارەكەتتەرىن باقىلاپ وتىرعان دەرەككوزدەر بار ەكەنىن بىلمەدى. ەندى ول افريكا حالىقتارىن ۇرەيلەندىرە المايدى نەمەسە امەريكاندىقتارعا قارسى وپەراسيالاردى جوسپارلاۋعا كومەكتەسە المايدى. ونىڭ جويىلۋىمەن ءيس-تىڭ جاھاندىق قىزمەتى ايتارلىقتاي السىرەدى. بۇل وپەراسياداعى سەرىكتەستىگى ءۇشىن نيگەريا ۇكىمەتىنە راحمەت»، - دەپ جازدى اقش پرەزيدەنتى.
ەستەرىڭىزگە سالا كەتەيىك، وتكەن جەلتوقساندا اقش سيريادا يس پوزيسيالارىنا سوققى بەرگەن بولاتىن. «قارلىعاش سوققىسى» دەپ اتالعان وپەراسيا پالميراداعى امەريكاندىق اسكەريلەرگە جاسالعان شابۋىلعا جاۋاپ رەتىندە جۇرگىزىلدى.
-
ەلوردادا قۇرىلىس نورمالارى مەن تالاپتارى بۇزىلىپ، رۇقساتسىز تۇرعىن ءۇي كەشەندەرى سالىنىپ جاتقانى انىقتالدى.
-
President Trump stated the U.S. does not want to go to war with China over Taiwan's independence، emphasizing a preference for de-escalation and leveraging arms sales as a negotiation tool.
